དབུ་ཤོག>གསར་འགྱུར།>རྒྱལ་ནང་།རྒྱལ་སྤྱི།>རྒྱལ་སྤྱི།
  • ཀྲུང་གོའི་དཔེ་དེབ་ཁེ་རོའི་རྒྱལ་སྤྱིའི་དཔེ་དེབ་འགྲེམས་སྟོན་ཐོག་སྟོན་པ།

    ཀྲུང་གོ་ཤེས་ཚོར་དང་ཤེས་རྟོགས་བྱེད་པའི་སྐར་ཁུང་ཕྱེ་བ།

  • ཡོང་ཁུངས།  མི་དམངས་ཉིན་རེའི་ཚགས་པར།   |     རྩོམ་པ་པོ།  ཧོང་ཕེ་ཀྲའོ།   |     སྤེལ་དུས།  2025-02-11

    འདི་ནི་ཁེ་རོའི་རྒྱལ་སྤྱིའི་དཔེ་དེབ་འགྲེམས་སྟོན་སྐབས་ང་དྲུག་པའི་ཐོག་ཨེ་ཅིབ་ཀྱི་ཀློག་པ་པོས་རྒྱ་ཡིག་དཔེ་དེབ་ལྟ་ཀློག་བྱེད་བཞིན་པ།

    ཟླ་1ཚེས་23ནས་ཟླ་2ཚེས་5ཉིན་བར། ཁེ་རོའི་རྒྱལ་སྤྱིའི་དཔེ་དེབ་འགྲེམས་སྟོན་སྐབས་ང་དྲུག་པ་ཨེ་ཅིབ་ཀྱི་ཁེ་རོའི་རྒྱལ་སྤྱིའི་འགྲེམས་སྟོན་ལྟེ་གནས་སུ་བྱས་ཤིང་། དཔེ་དེབ་འགྲེམས་སྟོན་ཐོག《ཞི་ཅིན་ཕིང་གི་རྒྱལ་སྲིད་སྐྱོང་ལུགས་སྐོར་གླེང་བ》ཨ་རབ་ཡི་གེའི་པར་མར་ཨེ་ཅིབ་པ་ཏེར་སློབ་ཆེན་གྱི་དགེ་རྒན་ཧ་པི་པུའུ་སོགས་མི་མང་པོས་ནན་ཏན་ངང་ལྟ་ཀློག་བྱས་པ་རེད།

    དབུས་ཤར་ས་ཁུལ་གྱི་དཔེ་དེབ་རིགས་ཀྱི་འགྲེམས་ཚོགས་ཆེ་ཤོས་གྲས་ཤིག་ཡིན་པའི་སྐབས་དེའི་ཁེ་རོའི་རྒྱལ་སྤྱིའི་དཔེ་དེབ་འགྲེམས་ཚོགས་ཀྱིས“དཔེ་ཀློག ཐ་སྙད་ནས་འགོ་ཚུགས་པ”ཞེས་པ་བརྗོད་དོན་གཙོ་བོར་བྱས་ཤིང་། རྒྱལ་ཁབ་དང་ས་ཁུལ་80ནས་ཡོང་བའི་དཔེ་སྐྲུན་ཁང་1345དང་འགྲེམས་ཞུགས་ཚོང་པ་6000ལྷག་ཙམ་གྱི་ཡིད་དབང་བཀུག་ཡོད། སྒྱུར་བཅོས་སྒོ་དབྱེ་དང་། དབུལ་སྒྲོལ། སྤུས་ཚད་མཐོ་བའི་འཕེལ་རྒྱས། ཀྲུང་ཧྭའི་ཤེས་དཔལ་ལ་སོགས་པའི་ཕུལ་བྱུང་དཔེ་དེབ་མང་པོས་ཕྱོགས་མི་འདྲ་བ་ནས་ཀྲུང་གོའི་འཕེལ་རྒྱས་དཔེ་རིས་བསྟན་ཏེ། ས་གནས་དེ་གའི་ཀློག་པ་པོར་ཀྲུང་གོ་ཤེས་ཚོར་དང་ཤེས་རྟོགས་བྱེད་པའི་སྐར་ཁུང་ཕྱེ་ཡོད།

    ཨེ་ཅིབ་ཀྱི་ཞི་ཁེ་མའེ་ཐེ་རིག་གནས་ཚོགས་པ་ནི《ཞི་ཅིན་ཕིང་གི་རྒྱལ་སྲིད་སྐྱོང་ལུགས་སྐོར་གླེང་བ》བརྩམས་ཆོས་རབ་དང་རིམ་པ་ཨ་རབ་ས་ཁུལ་དུ་འགྲེམས་སྤེལ་བྱེད་མཁན་འབའ་ཞིག་དེ་ཡིན་ཞིང་། ཚོགས་པ་དེའི་འགྲེམས་སྟེགས་སུ《ཞི་ཅིན་ཕིང་གི་རྒྱལ་སྲིད་སྐྱོང་ལུགས་སྐོར་གླེང་བ》དཔེ་དེབ་དང་པོ་ནས་བཞི་པའི་བར་མངོན་གསལ་དོད་སར་སྒྲིག་གཤོམ་བྱས་པས་ཀློག་པ་པོ་མང་པོའི་ཡིད་དབང་འཕྲོག་ཡོད།

    ཧ་པི་པུའུ་ཡིས་ཀྲུང་གོས་གོ་ལ་ཧྲིལ་པོའི་འཕེལ་རྒྱས་ཀྱི་གྲོས་འགོ་དང་། གོ་ལ་ཧྲིལ་པོའི་བདེ་འཇགས་ཀྱི་གྲོས་འགོ གོ་ལ་ཧྲིལ་པོའི་ཤེས་དཔལ་གྱི་གྲོས་འགོ མིའི་རིགས་ཀྱི་ལས་དབང་གཅིག་མཐུན་ཚོགས་པ་འཛུགས་པའི་འདུ་ཤེས་བཅས་བཏོན་པ་ལས་མི་རྣམས་ལ་བློ་སྒོ་ཟབ་མོ་འབྱེད་ཐུབ་ཡོད། “ལྟ་ཀློག་བྱས་པ་བརྒྱུད་ངས་དེ་བས་ཕྱོགས་ཡོངས་དང་དོན་དངོས་ཀྱི་ཀྲུང་གོ་ཤེས་རྟོགས་བྱུང་ལ། ཨ་རབ་རྒྱལ་ཁབ་དང་ཀྲུང་གོའི་མཉམ་ལས་ལ་ཤུགས་སྣོན་རྒྱག་པའི་གལ་ཆེའི་རང་བཞིན་དང་དགེ་མཚན་ལྡན་པའི་དོན་སྙིང་ངོས་འཛིན་སྔར་བས་ཟབ་མོ་བྱུང”ཞེས་བརྗོད།

    ཉེ་བའི་ལོ་ཤས་རིང་། ཨེ་ཅིབ་ཀྱི་དམངས་ཚོགས་ཀྱིས་ཀྲུང་གོའི་འཕེལ་རྒྱས་ལ་དོ་ཁུར་དེ་བས་ཆེན་པོ་བྱེད་ལ་རྒྱ་ཡིག་སློབ་སྦྱོང་བྱེད་པའི་སྤྲོ་སེམས་ཇེ་ཆེར་ཕྱིན་ཡོད། དཔེ་དེབ་འགྲེམས་སྟོན་གྱི་རྒྱ་ཡིག་སློབ་སྦྱོང་ཁུལ་དུ་རྒྱ་ཡིག་གི་སློབ་དེབ་དང་སློབ་སྦྱོང་དཔྱད་གཞིའི་ཡིག་རིགས་སྣ་ཚོགས་ཀྱིས་དཔེ་སྒྲོམ་ཁེངས་ཡོད།

    ཨེ་ཅིབ་ཀྱི་གཞོན་ནུ་མ་ཨའེ་སྨི་ནཱ་ཡིས་རྒྱ་ཡིག་གི་ཀློག་དེབ་ཅིག་བཟུང་ནས་སྤྲོ་སྣང་ཆེན་པོས་ལྟ་བཞིན་འདུག ཁོ་མོས་གསར་འགོད་པར་རང་ཉིད་ཆུང་བྱིས་པའི་དུས་ནས་ཀྲུང་གོའི་རིག་གནས་ཤེས་འདོད་ཆེ་བ་དང་ད་ལྟ་རྒྱ་ཡིག་སློབ་སྦྱོང་བྱེད་བཞིན་ཡོད། “རྒྱ་ཡིག་ལ་ཕུན་སུམ་ཚོགས་པའི་ཐ་སྙད་དང་ཐུན་མོང་མ་ཡིན་པའི་བརྡ་སྤྲོད་གྲུབ་ཚུལ་ཡོད་པས་སློབ་སྦྱོང་བྱེད་འདོད་ཆེ་རུ་འགྲོ་གི་འདུག འབྱུང་འགྱུར་ཀྲུང་གོར་སློབ་སྦྱོང་བྱེད་པར་བསྐྱོད་ནས་ཀྲུང་གོའི་རིག་གནས་དང་ཡུལ་སྲོལ་གོམས་འདྲིས་དངོས་སུ་ཉམས་ལེན་བྱ་རྒྱུའི་རེ་བ་ཆེན་པོ་འཆང་གི་ཡོད”ཅེས་བརྗོད།

    འགན་འཁུར་རྩོམ་སྒྲིག་པ། བསོད་ནམས་དབང་འདུས།

མཉམ་སྤྱོད།

འབྲེལ་ཡོད་གསར་འགྱུར།