དཔྱིད་གསར་དུས་ཆེན་གྱི་གུང་གསེང་མཇུག་འགྲིལ་ཉེར་ཡོད་པས། མི་རྣམས་ཀྱིས་ཕ་ཡུལ་གྱི་ཕ་མ་སྤུན་མཆེད་ཚོས་བསྐུར་བའི་ལམ་རྒྱགས་འཁྱེར་ནས་གཅིག་རྗེས་གཉིས་མཐུད་ངང་རང་ཉིད་ཀྱི་ལས་གནས་སུ་ལོག་གི་ཡོད།

པར་གོང་མ་ནི་ཧྲན་ཏུང་ཞིང་ཆེན་ཧོ་ཙེ་གྲོང་ཁྱེར་ཅུས་ཡེ་རྫོང་ཏུང་ཀོན་ཐུན་གྲོང་རྡལ་ནས་ཡིན་པའི་ལིའུ་ཀུའེ་ཡུན(གཡས་ཀྱི་དང་པོ)དང་། བཟའ་ཟླ། བུ་མོ་བཅས་མཉམ་དུ་ཁྲུང་ཆིང་བབས་ཚུགས་བྱང་མར་མེ་འཁོར་བརྗེས་ནས་སི་ཁྲོན་ནེ་ཅང་དུ་ལོག་རྩིས་བྱེད་བཞིན་པ། པར་འོག་མ་ནི་ཕ་མས་བསྐུར་བའི་བྱ་ཤ་སྲེག་མ་དང་། སྒོ་ངའི་བག་ལེབ། བ་དམ། འབྲས་རྔོས་སོགས་ཡིན་པ།

པར་གོང་མ་ནི་སི་ཁྲོན་ཞིང་ཆེན་དབྱི་པིན་གྲོང་ཁྱེར་ཤུས་ཀྲོའུ་ཆུས་ནས་ཡིན་པའི་དབྱང་ལིས་ཁྲུང་ཆིང་བབས་ཚུགས་བྱང་མར་མེ་འཁོར་སྒུག་ནས་ཀྲེ་ཅང་ཉིང་པའོ་རུ་ལོག་རྩིས་བྱེད་བཞིན་པ། པར་འོག་མ་ནི་ཕ་མས་བསྐུར་བའི་སྒོ་ང་དང་། རྒྱུ་མ། ཀྲ་ཚལ། འབྲས་རྔོས་སོགས་ཡིན་པ།

པར་གོང་མ་ནི་ཁྲུང་ཆིང་གྲོང་ཁྱེར་ཡུས་པེ་ཆུས་ཤན་ཐའོ་ཁྲོམ་གཞུང་ནས་ཡིན་པའི་མའོ་ཅིན་ཞོན་གྱིས་ཁྲུང་ཆིང་བབས་ཚུགས་བྱང་མར་མེ་འཁོར་སྒུག་ནས་སི་ཁྲོན་ཁྲེང་ཏུའུ་རུ་ལོག་་རྩིས་བྱེད་བཞིན་པ། པར་འོག་མ་ནི་ཕ་མས་བསྐུར་བའི་ཤ་བསྙལ་མ་དང་རྒྱུ་མ་སོགས་ཡིན་པ།

པར་གོང་མ་ནི་ཁྲུང་ཆིང་གྲོང་ཁྱེར་ཏན་ཅང་རྫོང་ཡན་ཐའེ་གྲོང་རྡལ་ནས་ཡིན་པའི་ཀྲེང་ལི་ཤིན(གཡས་ཀྱི་དང་པོ)དང་། བཟའ་ཟླ། བུ་བཅས་ཀྱིས་ཁྲུང་ཆིང་བབས་ཚུགས་བྱང་མར་མེ་འཁོར་སྒུག་ནས་ཀུའེ་ཀྲོའུ་ཀུའེ་དབྱང་དུ་ལོག་རྩིས་བྱེད་བཞིན་པ། པར་འོག་མ་ནི་ཕ་མ་དང་གཅེན་པོས་བསྐུར་བའི་ཚལ་བསྙལ་མ་དང་། ཚ་ལུ་མ། སྒོ་ང་སོགས་ཡིན་པ།