ཚེས་22ཉིན་ཀྲུང་དབྱང་རླུང་འཕྲིན་བརྙན་འཕྲིན་སྤྱི་ཁྱབ་ལས་ཁུངས་ཀྱི་2025ལོའི་དཔྱིད་གསར་དུས་ཆེན་གྱི་མཉམ་སྤྲོའི་མཚན་ཚོགས་ཀྱི་ནང་སྦྱོང་ཐེངས་བཞི་པ་ལེགས་གྲུབ་བྱུང་ཞིང་། མཚན་ཚོགས་ཧྲིལ་པོའི་འབྲེལ་མཐུད་སྔར་བས་བདེ་བླག་དང་ལས་རིགས་ཁག་དབར་གྱི་གཞོགས་འདེགས་སྔར་བས་ཡག་པོ་བྱུང་ཡོད་པ་རེད།

གླུ་གཞས《བྱ་གཞག་རླབས་པོ་ཆེའི》ནང་ལས་རིགས་ཁག་ནས་ཡོང་བའི་ངལ་རྩོལ་པའི་འཐུས་མི་30ལྷག་ཙམ་གྱིས་གླུ་སྒྲར་བརྟེན་ནས་དུས་རབས་ཀྱི་སྙིང་གཏམ་བླངས་ཡོད། དམག་གླུ《ལང་ཚོའི་འབད་འབུངས》ནང་གར་སྟེགས་ཐོག་གི་དམག་མི་དང་མེས་རྒྱལ་གྱི་ས་གནས་ཁག་ཏུ་བཅའ་སྲུང་བྱེད་བཞིན་པའི་དཔོན་དམག་གིས་མི་སེམས་འགུལ་བའི་མཉམ་སྒུལ་གྱི་རྣམ་པ་ཞིག་མངོན་པར་བྱས་ཡོད།

སྐད་ཆའི་རིགས་ཀྱི་ལེ་ཚན་ཁྲོད། གཞོན་ནུ་ཁག་གཅིག་དཔྱིད་གསར་དུས་ཆེན་གྱི་མཚན་ཚོགས་ཀྱི་གར་སྟེགས་ཐོག་ཐོག་མར་ཞུགས་པ་དང་ལེ་ཚན་ལ་ངོ་མཚར་ཆེ་བའི་བསམ་ཚུལ་གྱིས་ཁེངས་ཤིང་གསོན་ཉམས་དོད་པོས་དངོས་ཡོད་ཀྱི་འཚོ་བ་མཚོན་ཐུབ་པར་བྱས་ཡོད། ཧུའུ་ནན་ཁྲང་ཞི་དཔྱིད་གསར་དུས་ཆེན་གྱི་མཚན་ཚོགས་ཐོག་ཐེངས་དང་པོར་འཁྲབ་སྟོན་བྱས་པ་དང་། 《བརྗེད་པར་དཀའ་བའི་དོ་ནུབ》ལ་ཨ་ཁ་པེ་ལའི་རམ་དཀྲོལ་མེད་པའི་མཉམ་གཞས་དང་ཟློས་གར་གྱི་གཞི་རྒྱུ་མཉམ་འདྲེས་ཀྱིས་གསོན་ཤུགས་གསར་པ་མངོན་པར་བྱས་ཡོད།