འདི་ནི་ཧུང་ཧའེ་ཡུལ་སྐོར་རྣམ་གྲངས་ཀྱི་ལས་ཡུལ་ཡིན་པ། (པར་འདི་ནི་ཧྲན་ཏུང་གློག་ཤུགས་འཛུགས་སྐྲུན་ཀུང་སི་གསུམ་པས་མཁོ་འདོན་བྱས)

འདི་ནི་རྣམ་གྲངས་ཁུལ་དུ་བཞག་པའི་ནུས་གསོག་སྒམ་ཡིན་པ། (འདི་ག་ཚགས་པར་གྱི་གསར་འགོད་པ། ཀོན་ཁེ་ཅང་གིས་པར་བརྒྱབ)

ཧུང་ཧའེ་ཡུལ་སྐོར་རྣམ་གྲངས་ནི་སོ་ཏི་ཨ་རབ་ཀྱི“2030ལོའི་རེ་འདོད”ཁྲོད་ཀྱི་རྨང་གཞིའི་སྒྲིག་བཀོད་འཛུགས་སྐྲུན་རྣམ་གྲངས་ཆེ་གྲས་ཤིག་རེད། ལྗང་མདོག་དང་ཁོར་ཡུག་སྲུང་སྐྱོང་གི་ཁྱད་ཆོས་མངོན་ཆེད། གྲོང་གསར་ཡོངས་ལ་ལྗང་མདོག་གློག་ཤུགས་སྤྱད་ཡོད། དེ་ཡང་ཧྲན་ཏུང་གློག་ཤུགས་འཛུགས་སྐྲུན་ཀུང་སི་གསུམ་པ་ＥＰＣ(འཆར་འགོད—ཉོ་སྒྲུབ—ཨར་སྐྲུན)ཡི་སྤྱིའི་འགན་གཙང་ཡིན་པའི་ཆ་ནས་ཧུང་ཧའེ་སྤྱི་སྤྱོད་རྨང་གཞིའི་སྒྲིག་བཀོད་རྣམ་གྲངས་ཁྲོད་ཀྱི་ནང་དོན་གལ་ཆེན་ཞིག་ཡིན་ཞིང་། ཤེས་རྟོགས་བྱུང་བར་གཞིགས་ན། ཧུང་ཧའེ་སྤྱི་སྤྱོད་རྨང་གཞིའི་སྒྲིག་བཀོད་རྣམ་གྲངས་99%བསྐྲུན་ཟིན་པ་དང་། སྔོན་རྩིས་ལྟར་ན། 2025ལོའི་ཟླ་3པར་དོ་བདག་ལ་རྩིས་སྤྲོད་རྒྱུ་རེད། ཧུང་ཧའེ་གྲོང་གསར་ནི་འཛམ་གླིང་ཐོག་ནུས་མང་ཕན་གསབ་ཀྱི་མ་ལག་མཉམ་འདྲེས་ཀྱི་ཚོང་ལས་ཅན་གྱི་སྤྱི་སྤྱོད་རྨང་གཞིའི་སྒྲིག་བཀོད་རྣམ་གྲངས་ཆེ་གྲས་ཐོག་མ་དེ་ཡིན་པ་རེད།

ཧྲན་ཏུང་གློག་ཤུགས་འཛུགས་སྐྲུན་ཀུང་སི་གསུམ་པའི་ཧུང་ཧའེ་རྣམ་གྲངས་ཀྱི་ཅིང་ལི་མོའོ་པིན་གྱིས། རྣམ་གྲངས་ཀྱི་ལས་ཡུལ་མང་ལ་ཁྱབ་རྒྱ་ཆེ་བས། མཚོ་ཐོག་དང་བར་ཐག་རིང་ཤོས་སུ་སྤྱི་ལེ་100ཟིན་པ་དང་། བཀོད་འདོམས་ལྟེ་གནས་ནས་གླིང་ཕྲན་བར་གྱི་བར་ཐག་རིང་ཤོས་སུ་སྤྱི་ལེ་100ཟིན་གྱི་ཡོད། ས་ཁོངས་མི་འདྲ་བའི་གློག་སྤྱོད་དགོས་མཁོ་བསྐང་ཆེད། རྣམ་གྲངས་དེར་ཁྱོན་འོད་ཤུགས་གློག་ཁང་ལྔ་བསྐྲུན་པ་དང་། “ནུས་གསོག་མ་ལག་དང་ནང་འབར་འཕྲུལ་འཁོར་གྱི་གློག་འདོན་ཟུང་འབྲེལ”སྡེབ་སྒྲིག་བྱས་ནས། གོ་ལ་ཧྲིལ་པོའི་གཞི་ཁྱོན་ཆེ་ཤོས་ཀྱི་ནུས་རྒྱུ་གཙང་མའི་དྲ་བྲལ་གློག་ཤུགས་མ་ལག་གྲུབ་པ་དང་དེའི་ཁྲོད་གློག་ཁང་གསུམ་ནི་གློག་དྲ་ཆུང་ངུ་ཡིན་ཞེས་ངོ་སྤྲོད་བྱས་པ་རེད།

གསར་འགོད་པས་གློག་ཁང་མང་པོ་ཞིག་ནས། འོད་ཤུགས་གློག་གཏོང་ས་ཚིགས་ཀྱི་འགྲམ་དུ་དོས་སྒམ་དཀར་པོ་མང་པོ་སྟར་པ་བསྒྲིགས་ནས་བཞག་པ་མཐོང་། དོས་སྒམ་དེ་དག་ནི་ནུས་གསོག་གློག་རྫས་ཡིན་པ་རེད། ངོ་སྤྲོད་བྱས་པར་གཞིགས་ན། རྣམ་གྲངས་དེར་ཁྱོན་བསྡོམས་ནུས་གསོག་གློག་ཁང་6ཡོད་ཅིང་། ནུས་གསོག་དོས་སྒམ་607ལས་གྲུབ་པ་དང་འཆར་འགོད་བྱས་པའི་སྤྱིའི་གློག་གསོག་ཚད་ཅི་ཝ་1.3ཟིན་གྱི་ཡོད། འདི་ནི་གོ་ལ་ཧྲིལ་པོའི་གཞི་ཁྱོན་ཆེ་ཤོས་ཀྱི་དྲ་བྲལ་གློག་ཤུགས་ནུས་གསོག་རྣམ་གྲངས་ཡིན་པ་རེད།

(འདི་ག་ཚགས་པར་ཁང་དུ་སོ་ཏི་ཨ་རབ་ཡན་པུའུ་ནས་འབྱོར་བའི་གློག་འཕྲིན)