འདི་ནི་ཀྲུང་གོ་དང་ཧང་ག་རིའི་འཁྲབ་སྟོན་པས་འབྲུག་རྩེད་འཁྲབ་བཞིན་པ། ཏའེ་ལི་ཧུའེ་ཡིས་པར་བླངས།

འདི་ནི་ས་གནས་དེ་གའི་དམངས་ཚོགས་ཀྱིས་འཁྲབ་སྟོན་ལ་ལྟ་བཞིན་པ། ཏུང་ཏའེ་ཡིས་པར་བླངས།

འདི་ནི་ས་གནས་དེ་གའི་དམངས་ཚོགས་ཀྱིས་ཤིང་བརྐོས་ཀྱི་ལོ་གསར་རི་མོ་སྟོན་བཞིན་པ།

འདི་ག་ཚགས་པར་ཁང་དུ་གྲོང་ཁྱེར་ཝར་སོ་ནས་ཟླ་1ཚེས་19ཉིན་གློག་འཕྲིན་འབྱོར་གསལ། པུ་ཏ་ཕེ་སི་ནས་གནས་ཚུལ་སྤེལ་བར་གཞིགས་ན། ས་གནས་དེ་གའི་དུས་ཚོད་ཚེས་18ཉིན་གྱི་སྔ་དྲོར། 2025ལོའི“སྤྲོ་སྣང་ལྡན་པའི་དཔྱིད་གསར་དུས་ཆེན”གྱི་ཧང་ག་རིའི་ལོ་གསར་ཚོགས་མཆོད་བྱེད་སྒོ་གྲོང་ཁྱེར་པུ་ཏ་ཕེ་སིར་གཟབ་རྒྱས་ངང་འགོ་ཚུགས་ཤིང་། འཁྲུག་ཆ་དོད་པའི་རྣམ་པའི་ཁྲོད་ཀྲུང་གོ་དང་ཧང་ག་རིའི་ལས་རིགས་ཁག་གི་དམངས་ཚོགས་ཁྲི་ལྷག་ཙམ་གྱིས་སྤྲོ་སྣང་ལྡན་པའི“ཀྲུང་གོའི་རིག་གནས་ལོ་གསར”མཉམ་དུ་བཏང་བ་རེད། བྱེད་སྒོ་སྤེལ་རིང་། ཀྲུང་གོ་དང་ཧང་ག་རིའི་སྐུ་མགྲོན་ཚོས་ཅི་ལིན་ཞིང་ཆེན་ཀྲུང་གོ་དང་ཕྱི་རྒྱལ་གྱི་རིག་གནས་སྤེལ་རེས་ལྟེ་གནས་ནས་ཡོང་བའི་སྒྱུ་རྩལ་ཚོགས་པའི་ལྟད་མོ་ཆེ་བའི་འཁྲབ་སྟོན་ལ་མཉམ་དུ་བལྟས་པ་དང་། ཧོ་ནན་ཁའེ་ཧྥེང་མངོན་མིན་རིག་གནས་ཤུལ་བཞག་འཐུས་མི་ཚོགས་པའི་དོ་ཟླ་བྲལ་བའི་ལག་རྩལ་ཉམས་ལེན་བྱས་པ་རེད། དུས་ཡུན་ཉིན་གཉིས་ཀྱི་ཚོགས་མཆོད་རིང་ས་གནས་དེ་གའི་དམངས་ཚོགས་ཁྲི་4ལྷག་ཙམ་བྱེད་སྒོར་ཞུགས་རྒྱུའི་ཡིད་དབང་བཀུག་ཡོད་པ་རེད།