ནང་འདྲེན་དངོས་མང་སྟོན་ཚོགས་སྐབས་བརྒྱད་པའི་འོས་སྦྱོར་ཚོགས་འདུ་འཇར་མན་དུ་འཚོགས་པ།
ཉེ་ཆར། ཀྲུང་གོའི་རྒྱལ་སྤྱིའི་ནང་འདྲེན་དངོས་མང་སྟོན་ཚོགས་སྐབས་བརྒྱད་པའི་འོས་སྦྱོར་ཚོགས་འདུ་འཇར་མན་གྱི་ཧན་པའོ་གྲོང་ཁྱེར་དུ་འཚོགས་པ་རེད། ཚོགས་ཞུགས་སྐུ་མགྲོན་གྱིས་ནང་འདྲེན་དངོས་མང་སྟོན་ཚོགས་ལས་ཀྲུང་གོ་དང་འཇར་མན་གྱི་དཔལ་འབྱོར་ཚོང་དོན་མཉམ་ལས་ལ་འབྲེལ་ཟམ་གལ་ཆེན་བསྐྲུན་རྒྱུའི་ངོས་འཛིན་བྱས་པ་མ་ཟད། ལས་སྟེགས་དེར་བརྟེན་ནས་ཀྲུང་གོའི་ཁྲོམ་ར་རྒྱ་སྐྱེད་གཏོང་བ་དང་འཕེལ་རྒྱས་ཀྱི་གོ་སྐབས་མཉམ་སྤྱོད་བྱ་རྒྱུའི་རེ་སྒུག་ཀྱང་བྱེད་ཀྱི་ཡོད།
འོས་སྦྱོར་ཚོགས་འདུའི་གཙོ་གཉེར་ཕྱོགས་དང་རྒྱལ་ཁབ་ཚོགས་འགྲེམས་ལྟེ་གནས(ཧྲང་ཧའེ)ཀྱི་ཙུང་ཚའེ་ཉིང་ཧྥུང་གིས་ཤིས་ཚིག་སྒྲོན་སྐབས་འཇར་མན་ནི་སྔར་ནས་ད་བར་ནང་འདྲེན་དངོས་མང་སྟོན་ཚོགས་ཀྱི་ཚོགས་ཞུགས་རྒྱལ་ཁབ་གལ་ཆེན་ཞིག་ཡིན་པས། འཇར་མན་གྱི་ཁེ་ལས་དེ་བས་མང་བ་ཀྲུང་གོའི་ཁྲོམ་རར་ཞུགས་རྒྱུར་དགའ་བསུ་ཞུ་གི་ཡིན། སྐབས་གོང་མའི་ནང་འདྲེན་དངོས་མང་སྟོན་ཚོགས་ནང་འཇར་མན་གྱི་ཁེ་ལས་ཁྱོན་བསྡོམས་116འགྲེམས་ཚོགས་ལ་ཞུགས་པའི་ནང་བཟོ་ལས་བཟོ་སྐྲུན་དང་། སྨན་བཅོས་བདེ་ཐང་། འཛད་རྫས་དང་དེ་བཞིན་ཟོག་འགྲེམས་སོགས་ལས་རིགས་མང་པོ་ཚུད་ཡོད་ཅིང་། དེའི་ནང་ཁེ་ལས་20ཚང་མ་སྐབས་དང་པོ་ནས་བཟུང་ལོ་བདུན་བསྟུད་མར་འགྲེམས་ཚོགས་ནང་ཞུགས་ཡོད་ཅེས་གསུངས་པ་རེད།