ཚེས་20ཉིན་རྒྱལ་ཁབ་ནུས་རྒྱུ་ཅུས་ཀྱིས་ཁྱབ་བསྒྲགས་བྱས་པའི་གྲངས་གཞི་ལས་མངོན་པར། 2024ལོར་རྒྱལ་ནང་གི་སྣུམ་རླངས་ཐོན་ཚད་འདྲ་ཚད་ཏུན་དུང་ཕྱུར་4ལས་ཐོག་མར་བརྒལ་ནས་ལོ་8བསྟུད་མར་ཏུན་ཁྲི་སྟོང་རིམ་པའི་འཕར་མགྱོགས་པའི་རྣམ་པ་རྒྱུན་འཁྱོངས་ཐུབ་ཅིང་། དེའི་ནང་མ་བཅོས་རྡོ་སྣུམ་ཐོན་ཚད་ཏུན་དུང་ཕྱུར་2.13ཟིན་པ་དེ་2018ལོ་དང་བསྡུར་ན་ཏུན་ཁྲི་2400འཕར་བ་དང་། རང་བྱུང་སོལ་རླངས་ཐོན་ཚད་སྨི་རྒྱ་དཔངས་གྲུ་བཞི་དུང་ཕྱུར་2464ཟིན་ནས་ཉེ་བའི་ལོ་དྲུག་རིང་ལོ་རེར་ཆ་སྙོམས་སྨི་རྒྱ་དཔངས་གྲུ་བཞི་དུང་ཕྱུར་130ཡན་འཕར་ཡོད་པ་རེད།

2024ལོར། རང་རྒྱལ་གྱིས་སྣུམ་རླངས་རྩད་ཞིབ་གསར་སྤེལ་བྱེད་ཤུགས་རྒྱུན་མཐུད་ཆེ་རུ་བཏང་ནས་གྲུབ་འབྲས་གཟེངས་སུ་ཐོན་པ་བཏོད་ཡོད། སྣུམ་ཞིང་རྙིང་པའི་ཐོན་ཚད་རྒྱུན་མཐུད་བརྟན་པོ་བྱུང་བ་དང་རང་རྒྱལ་གྱི་སྣུམ་རླངས་ཞིང་ཆེ་ཤོས་ཡིན་པའི་ཀྲུང་གོ་རྡོ་སྣུམ་ཁྲང་ཆིང་སྣུམ་ཞིང་ནས་རིམ་རྩིས་བརྒྱབ་ན་སྣུམ་རླངས་ཐོན་ཚད་འདྲ་ཚད་ཏུན་དུང་ཕྱུར་10ལས་བརྒལ་ཡོད། རྒྱ་མཚོ་དང་རྒྱུན་སྲོལ་མིན་པའི་སྣུམ་རླངས་ཐོན་འཕར་གྱི“གཡུལ་ས་གཙོ་བོར”གྱུར་ཡོད། 2024ལོར་རྒྱ་མཚོ་ནས་སྣུམ་རླངས་ཐོན་ཚད་འདྲ་ཚད་ཏུན་ཁྲི་8500ལས་བརྒལ་ཞིང་། དེའི་ནང་མ་བཅོས་རྡོ་སྣུམ་ཐོན་ཚད་ལོ་5བསྟུད་མར་ཏུན་ཁྲི་200ལས་བརྒལ་བ་དང་། གཡམ་སྣུམ་ཐོན་ཚད་ཏུན་ཁྲི་600བར་མགྱོགས་མྱུར་འཕར་ནས་དུས་མཚུངས་ལས་30%ལྷག་ཙམ་འཕར་བ། གཡམ་རླངས་ཐོན་ཚད་སྨི་རྒྱ་དཔངས་གྲུ་བཞི་དུང་ཕྱུར་250ཡན་གྱི་གཞི་ཁྱོན་རྒྱུན་འཁྱོངས་ཐུབ་པ། གཏིང་རིམ་སོལ་རྡོའི་རླངས་པ་ཐོན་ཚད་ལོ་གསུམ་ནང་སྨི་ངོས་གྲུ་བཞི་དུང་ཕྱུར་25བར་མགྱོགས་མྱུར་འཕར་ནས་རང་བྱུང་སོལ་རླངས་ཐོན་འཕར་གྱི་བཀྲག་མདངས་འཚེར་ས་གསར་པ་ཞིག་ཏུ་གྱུར་ཡོད་པ་རེད།