ཉེ་ཆར་འགྲིམ་འགྲུལ་སྐྱེལ་འདྲེན་པུས་ཞིབ་བཤེར་མཛུབ་ཁྲིད་ཚོགས་ཆུང་10མངགས་ནས་ཞིང་ཆེན་20ལ་བསྐྱོད་དེ་དཔྱིད་གསར་སྐྱེལ་འདྲེན་དང་དཔྱིད་གསར་དུས་ཆེན་གྱི་གུང་གསེང་རིང་འགྲིམ་འགྲུལ་སྐྱེལ་འདྲེན་གྱི་བདེ་འཇགས་ཐོན་སྐྱེད་ཀྱི་ཉེན་ཁའི་མངོན་མེད་རྐྱེན་ངན་ཚབས་ཆེན་གྲལ་བཤེར་དང་བཅོས་སྒྲིག་བྱ་སྤྱོད་ལ་ཡུལ་དངོས་སུ་ཞིབ་བཤེར་དང་མཛུབ་ཁྲིད་བྱས་པ་རེད།

ཞིབ་བཤེར་མཛུབ་ཁྲིད་ཚོགས་ཆུང་ཁག་གིས་བཞུགས་མོལ་ཚོགས་འདུ་འཚོགས་པ་དང་། ལས་ཀའི་དཔྱད་ཡིག་ལ་ལྟ་བ། ཉེན་ཁའི་མངོན་མེད་རྐྱེན་ངན་ཚབས་ཆེན་གྲལ་བཤེར་མ་ལག་ལ་ལྟ་ཞིབ། མངོན་བཤེར་ལྐོག་ཞིབ་སོགས་ཀྱི་རྣམ་པར་བརྟེན་ནས་རིམ་ཁག་དོ་དམ་སྡེ་ཚན་གྱི་ལས་དོན་སྤེལ་ཚུལ་ལ་གཙོ་གནད་ཐོག་ཞིབ་བཤེར་དང་། གཙོ་གནད་ཁྱབ་ཁོངས་ཀྱི་ཁེ་ལས་ལ་སྣུར་སྲིང་བྱས་ནས་ར་སྤྲོད་རྣམ་པའི་ཞིབ་བཤེར་བྱ་རྒྱུ་རེད།

དཔྱིད་གསར་སྐྱེལ་འདྲེན་དང་དཔྱིད་གསར་དུས་ཆེན་གྱི་གུང་གསེང་རིང་འགྲིམ་འགྲུལ་སྐྱེལ་འདྲེན་གྱི་བདེ་འཇགས་ཐོན་སྐྱེད་ཀྱི་ཉེན་ཁའི་མངོན་མེད་རྐྱེན་ངན་ཚབས་ཆེན་གྲལ་བཤེར་དང་བཅོས་སྒྲིག་བྱ་སྤྱོད་དེ་2024ལོའི་ཟླ་12པའི་ཟླ་སྨད་ནས་སྤེལ་འགོ་ཚུགས་ཤིང་། སྐུལ་སློང་བཀོད་སྒྲིག་གི་གསོ་སྦྱོང་དང་། རང་བཤེར་གྲལ་བཤེར། འཐེན་བཤེར་སྐོར་ཞིབ། པུའུ་རིམ་པའི་ཞིབ་བཤེར་མཛུབ་ཁྲིད་བཅས་དུས་མཚམས་4ལ་དབྱེ་ནས་སྤེལ་བ་དང་། བྱ་སྤྱོད་སྤེལ་རིང་འགྲིམ་འགྲུལ་སྐྱེལ་འདྲེན་གྱི་བདེ་འཇགས་ཐོན་སྐྱེད་ཀྱི་ཉེན་ཁའི་མངོན་མེད་རྐྱེན་ངན་ཚབས་ཆེན་ལ་དམིགས་ཏེ་ཕྱོགས་ཡོངས་ནས་གྲལ་བཤེར་བཅོས་སྒྲིག་གཏིང་ཟབ་དང་། བདེ་འཇགས་ཀྱི་འགན་འཁྲི་དོན་ཐོག་ཏུ་འཁྱོལ་བར་སྐུལ་འདེད་བཏང་ནས་གདུབ་ཟུམ་བཅོས་སྒྲིག་དང་དོ་དམ་ཚོད་འཛིན་གྱི་བྱ་ཐབས་ནན་པོ་སྤྱད་ཡོད། མིག་སྔར་སྐུལ་སློང་བཀོད་སྒྲིག་གི་གསོ་སྦྱོང་དང་རང་བཤེར་གྲལ་བཤེར་ལས་དོན་སྤེལ་ཟིན་པ་རེད།