ཚེས་20ཉིན་ཨེ་ཤེ་ཡའི་དགུན་དུས་ལུས་རྩལ་འགྲན་ཚོགས་སྐབས་དགུ་པའི་མེ་སོན་ཧེ་ལུང་ཅང་ཞིང་ཆེན་ཧར་པིན་གྲོང་ཁྱེར་གྱི་ཉི་མའི་གླིང་ཕྲན་མཛེས་ལྗོངས་ཁུལ་ནས་བདེ་བླག་ངང་བླངས་ཤིང་། བྱེད་སྒོ་སྤེལ་ཡུལ་དུ་ཉི་མའི་གླིང་ཕྲན་གྱི་ཉི་འོད་རྡོ་ལྟེ་བར་བྱས་ནས་གཞོགས་གཉིས་སུ་མུ་ཁྱུད་ཀྱི་འཁྱགས་བརྐོས་ཆེན་པོ་བཟོས་ཡོད། “མེ་སོན་ལེན་པའི་མཛད་སྒོ་ལས་མི་དང་རང་བྱུང་ཁམས་ཞི་མཐུན་མཉམ་གནས་ཡིན་པ་མངོན་པ་དང་། གར་སྟེགས་མཛེས་རྩལ་ཇུས་འགོད་ལས་ཧར་པིན་གྱི་རང་བྱུང་མཛེས་ལྗོངས་དང་མི་ཆོས་རིག་གནས་དང་ཡུལ་སྲོལ་མངོན་པར་བྱས་ཡོད”ཅེས་སྐབས་འདིའི་ཨེ་ཤེ་ཡའི་དགུན་དུས་ལུས་རྩལ་འགྲན་ཚོགས་ཀྱི་དཔལ་འབར་བརྒྱུད་སྤྲོད་ཀྱི་མེ་སོན་ལེན་པའི་མཛད་སྒོའི་སྤྱི་ཁྱབ་འཁྲབ་འཁྲིད་པ་ཝང་ཀྲེང་གིས་བཤད།

མེ་སོན་ལེན་པའི་མཛད་སྒོར“འཁྱགས་པར་མེ་འབར་བ”ཞེས་པ་འཁྲབ་པ་དང་། ཚན་ཞིབ་ཚོགས་པས་བཟོས་པའི་འཁྱགས་པའི་མེ་ལོང་གི་ཚངས་ཐིག་ལ་ལི་སྨི་60དང་ལྗིད་ཚད་ལ་སྤྱི་རྒྱ་37ཡོད་པར་ཉི་འོད་འཕྲོ་བར་བྱས་ནས་ཨེ་ཤེ་ཡའི་དགུན་དུས་ལུས་རྩལ་འགྲན་ཚོགས་ཀྱི་མེ་སོན་བླངས་པ་རེད།