དབུ་ཤོག>གསར་འགྱུར།>རྒྱལ་ནང་།རྒྱལ་སྤྱི།>རྒྱལ་སྤྱི།
  • ཀྲུང་གོའི་ཁེ་ལས་ཀྱིས་མ་ལེ་ཞི་ཡའི“རྒྱལ་དམངས་རླངས་འཁོར”འཕེལ་རྒྱས་ཡོང་བར་རམ་འདེགས་བྱས་པ།

  • ཡོང་ཁུངས།  མི་དམས་ཉིན་རེའི་ཚགས་པར།   |     སྤེལ་དུས།  2025-01-21

    འདི་ནི་པའོ་ཐེང་ཏན་རུང་མ་ལིན་བཟོ་གྲྭའི་དངོས་སྦྱོང་བཟོ་ཁང་ནང་ཀྲུང་གོའི་བཟོ་སྐྲུན་པས(གཡོན་གྱི་གཉིས་པ)མ་ལེ་ཞི་ཡའི་ལས་མིར་ལག་རྩལ་གྱི་གནད་འགག་འགྲེལ་བཤད་རྒྱག་བཞིན་པ།

    འདི་ནི་པའོ་ཐེང་བཟོ་གྲྭའི་འཁོར་ཁང་ནང་བཟོ་པས་རླངས་འཁོར་གྱི་ལྷུ་ལག་སྒྲིག་བཞིན་པ།

    འདི་ནི་པའོ་ཐེང་སྤྱི་ཁྱབ་པུའུ་ཡི་ཚོམས་ཆེན་ནང་འགྲེམས་སྟོན་བྱས་པའི་གློག་སྒུལ་རླངས་འཁོར་ཐོག་མར་འཛད་སྤྱོད་པས་ཉམས་ལེན་བྱེད་བཞིན་པ།

    འདི་ནི་པའོ་ཐེང་བཟོ་གྲྭའི་འཁོར་ཁང་ནང་ལག་རྩལ་པས་ལས་ཀ་བྱེད་བཞིན་པ།

    འདི་ནི་མཁའ་དབྱིངས་ནས་པར་བརྒྱབ་པའི་མ་ལེ་ཞི་ཡའི་ཏན་རུང་མ་ལིན་རླངས་འཁོར་ཚན་རྩལ་མཐོ་བའི་ཁུལ་ཡིན་པ།

    གྲོང་ཁྱེར་ཁྭ་ལྭ་ལུམ་ཕུར་བྱང་རྒྱུད་ཀྱི་སྤྱི་ལེ་85ཙམ་གྱི་སར་སྔོན་ཆད་པའོ་ཐེང་རླངས་འཁོར་གྱི་སྲོལ་རྒྱུན་བཟོ་སྐྲུན་རྟེན་གཞི་གནས་ས་ཡིན་པ་དང་ད་ཆ་མ་ལེ་ཞི་ཡའི་ཏན་རུང་མ་ལིན་རླངས་འཁོར་ཚན་རྩལ་མཐོ་ཁུལ་གསར་རྐྱང་དེ་འདི་ག་ནས་མགྱོགས་མྱུར་དར་རྒྱས་འགྲོ་བཞིན་ཡོད་པ་རེད། 2023ལོར། ཅི་ལི་དང་སྣ་མང་ལྗི་བའི་བཟོ་ལས་ཚོགས་པ་དབར་འཐབ་ཇུས་མཉམ་ལས་བྱས་ནས་ས་ཁོངས་དེ་ཐུན་མོང་ཐོག་ཨེ་ཤེ་ཡ་ཤར་ལྷོའི་མནའ་འབྲེལ་གྱི་ནུས་རྒྱུ་གསར་པའི་རླངས་འཁོར་དང་སྔོན་ཐོན་ལག་རྩལ་ཞིབ་འཇུག་གསར་སྤེལ་བཟོ་སྐྲུན་ལྟེ་གནས་སུ་བསྐྲུན་ནས་མ་ལེ་ཞི་ཡའི་རླངས་འཁོར་ཐོན་ལས་རིག་ནུས་ཅན་དང་གློག་སྒུལ་ཅན་དུ་ཕྱོགས་སྒྱུར་རིམ་སྤོར་ཡོང་བར་སྐུལ་འདེད་གཏོང་གི་ཡོད།

    ཀྲུང་གོའི་རླངས་འཁོར་ལག་རྩལ་ཕྱི་ཕྱོགས་སུ་འཕེལ་རྒྱས་སོང་བ་ལས་རླངས་འཁོར་ཚན་རྩལ་མཐོ་བའི་ཁུལ་གྱི་ས་གནས་དེ་གའི་མཁོ་འདོན་ཚོང་པར་གོ་སྐབས་ཧ་ཅང་ཆེན་པོ་འཕྲད་ཡོད། ཀྲུང་གོའི་ཉིང་པའོ་ཐོ་ཕུའུ་ཀུང་སིའི་ལག་རྩལ་རྒྱབ་སྐྱོར་འོག་མ་ལེ་ཞི་ཡའི་རླངས་འཁོར་ལྷུ་ལག་ཀུང་སི་PHNཡིས་སྤུས་ཚད་ཀྱི་འཇུར་མིག་ཁྱད་བསད་བྱས་ཏེ་ཐོན་སྐྱེད་བྱས་པའི་འགན་སྲུང་བཀན་སོགས་ལྷུ་ལག་2023ལོར་པའོ་ཐེང་གི་ཚད་གཞི་མཐོ་བའི་ཚོད་སྐོར་བརྒྱུད། པའོ་ཐེང་ས་གནས་དེ་གའི་ལྷུ་ལག་གིས་བཟུང་བའི་བསྡུར་ཚད་8%མཐོ་རུ་འགྲོ་རྒྱུར་སྐུལ་འདེད་བཏང་ཡོད།

    མ་ལེ་ཞི་ཡའི་མ་འཇོག་དང་། ཚོང་དོན། བཟོ་ལས་པུའི་པུའུ་ཀྲང་ཀྲ་ཧྥུར་གྱིས། རླངས་འཁོར་ཐོན་ལས་ནི་མ་ལེ་ཞི་ཡའི་ཀ་རྟེན་ཐོན་ལས་ཆེན་པོ་ལྔའི་གྲས་ཤིག་ཡིན་པ་དང་མི་ཁྲི་70ཙམ་ལ་ལས་ཞུགས་གོ་སྐབས་མཁོ་འདོན་བྱས་ཡོད། ཅི་ལི་དང་པའོ་ཐེང་གི་མཛེས་སྡུག་ལྡན་པའི“མཉམ་སྒྲིལ”གྱིས་མ་ལེ་ཞི་ཡའི་རླངས་འཁོར་ལས་རིགས་ལ་སྒུལ་ཤུགས་གསར་པ་བསྣན་པ་མ་ཟད། མ་ཀྲུང་རྒྱལ་ཁབ་གཉིས་ཀྱི་དཔལ་འབྱོར་ཚོང་དོན་མཉམ་ལས་ལ་དཔེ་མཚོན་ཡང་བཏོད་ཡོད།

    འགན་འཁུར་རྩོམ་སྒྲིག་པ། ཚེ་བརྟན་རྡོ་རྗེ།

མཉམ་སྤྱོད།

འབྲེལ་ཡོད་གསར་འགྱུར།