འདི་ནི་ཕྲུ་གུ་ཚོ་གློག་སྐས་བསྡད་དེ་དཔྱང་ཟམ་ས་ཚིགས་སུ་འབྱོར་བ།

འདི་ནི་ཕྲུ་གུ་ཚོ་འབྲེང་འཁོར་ནང་སྡོད་བཞིན་པ།

འདི་ནི་ཕྲུ་གུ་ཚོ་སློབ་གྲྭར་འགྲོ་སའི་དེ་སྔའི་ལམ་ཡིན་པ།

གློག་སྐས་ནང་འཛུལ་ནས་སྐར་མ་3ཡང་མ་འགོར་བར། ཉི་ཀྲུའུ་གཙང་པོ་གྲོང་ཚོའི་སློབ་ཆུང་གི་སློབ་མ་9ཉི་ཀྲུའུ་གཙང་པོའི་གྲོག་རོང་ཆེན་པོ་ནས་མཐོ་ཚད་ལ་སྨི་268ཡོད་པའི་དཔྱང་ཟམ་ཐོག་སླེབས་ཤིང་། གློག་སྐས་ནས་དོན་རྗེས་ཕྲུ་གུ་ཚོ་དཔྱང་ཟམ་ས་ཚིགས་སུ་བསྐྱོད་དེ་འབྲེང་འཁོར་ནང་བསྡད་ནས་སྐར་མ་ལྔ་དྲུག་ཙམ་ནང་རི་རྩེའི་ཀོན་ཀྲའེ་སློབ་ཆུང་དུ་འབྱོར། ཁྱིམ་ནས་ཐོན་པའི་དུས་ཚོད་མཉམ་དུ་རྩིས་ན། ལམ་ཐག་ཧྲིལ་པོར་སྐར་མ་30ཙམ་ལས་འགོར་གྱི་མེད།

ཉི་ཀྲུའུ་གཙང་པོའི་གྲོག་རོང་ཆེན་པོ་དེ་ཡུན་ནན་དང་ཀུའེ་ཀྲོའུ་ཡི་འབྲེལ་མཚམས་སུ་གནས་པ་དང་། ཡུན་ནན་ཞིང་ཆེན་ཞོན་ཝུའེ་གྲོང་ཁྱེར་ཕུའུ་ལི་ཤང་ཀོན་ཀྲའེ་གྲོང་ཚོ་ཨུ་ལྷན་གྱི་སློབ་ཆུང་གྲོག་རོང་གི་རྩེ་རུ་གནས་པ་དང་ས་བབ་མཐོ་ཚད་ལ་སྨི་1650ཡོད་པ་རེད། ཉི་ཀྲུའུ་གཙང་པོ་གྲོང་ཚོ་ནི་ཀོན་ཀྲའེ་གྲོང་ཚོ་ཨུ་ལྷན་གྱི་རང་བྱུང་གྲོང་ཚོ་ཞིག་ཡིན་པ་དེ་གྲོག་རོང་གི་མཐིལ་དུ་གནས་པ་དང་ས་བབ་མཐོ་ཚད་ལ་སྨི་1100ཡོད། སྔོན་ཆད་ཐད་དཔྱང་གི་མཐོ་དམའི་ཁྱད་པར་ལ་སྨི་550ཡོད་པའི“མཁའ་ལམ”དེར་ཉི་ཀྲུའུ་གཙང་པོ་གྲོང་ཚོའི་བྱིས་པ་རྣམས་གྲོག་རོང་བརྒྱུད་ནས་རྐང་ཐང་མར་རི་མཐོ་གཡང་གཟར་ལ་འཛེག་པ་དང་ཆུ་བོ་བརྒལ་བར་ཁྱོན་བསྡོམས་ཆུ་ཚོད་གསུམ་བཞི་ཙམ་འགོར་གྱི་ཡོད།

2017ལོར། ཞོན་ཝུའེ་གྲོང་ཁྱེར་གྱིས་ཉི་ཀྲུའུ་གཙང་པོའི་གྲོག་རོང་ཆེན་པོའི་ཡུལ་སྐོར་རྣམ་གྲངས་ནང་འདྲེན་བྱས་ནས་གཡང་གཟར་དུ་གློག་སྐས་སྐྲུན་འགོ་ཚུགས་པ་དང་། 2022ལོར་མཛེས་ལྗོངས་ཁུལ་དངོས་སུ་བསྐྲུན་ཟིན་པ་མ་ཟད། ཉི་ཀྲུའུ་གཙང་པོ་གྲོང་ཚོ་དང་དེ་བཞིན་ཉེ་འགྲམ་གྱི་གྲོང་མིར་རིན་མེད་ངང་སྒོ་ཕྱེ་བ་རེད། ལོ་དེའི་ཟླ་10པར། མཐོ་ཚད་ལ་སྨི་268ཡོད་པའི་གློག་སྐས་དང་མཐོ་དམའི་ཁྱད་པར་ལ་སྨི་200ཙམ་ཡོད་པའི་མཁའ་དབྱིངས་དཔྱང་ཟམ་གྱི་འབྲེང་འཁོར་དངོས་སུ་སྤྱོད་འགོ་ཚུགས་པས། ཕྲུ་གུ་ཚོ་སློབ་གྲྭར་འགྲོ་བར“མཁའ་དབྱིངས་ཀྱི་སློབ་འཁོར”ལ་སྡོད་རྒྱུ་ཡོད་པ་རེད།