དབུ་ཤོག>གསར་འགྱུར།>རྒྱལ་ནང་།རྒྱལ་སྤྱི།>རྒྱལ་སྤྱི།
  • 2024ལོའི་རྒྱལ་སྤྱིའི་ལུས་རྩལ་པ་རྩེ་གྲ་བཅུ་བདམས་པ།

  • ཡོང་ཁུངས།  མི་དམངས་ཉིན་རེའི་ཚགས་པར།   |     སྤེལ་དུས།  2025-01-05

    ①མར་ཁེ་སི·ཝེ་སི་ཐ་ཕན། (ཧོ་ལན། སྐྱེས་པ། ལོ་27 རླངས་འཁོར་འགྲན་བསྡུར) 2024ལོའི་འགྲན་དུས་ཀྱི་འཛམ་གླིང་གི་རིམ་པ་དང་པོའི་མཉམ་བྱ་རྣམ་པའི་རླངས་འཁོར་ལེགས་སྐྱེས་འགྲན་བསྡུར(F1)མཇུག་བསྡུའི་ས་ཚིགས་ཀྱི་ཨབ་ཀྲ་པེ་བྱ་དགའ་ཆེན་པོའི་འགྲན་བསྡུར་ལ་གླང་དམར་རླངས་འཁོར་རུ་ཁག་གི་རུ་མི་ཝེ་སི་ཐ་ཕན་ལ་ཨང་དྲུག་པ་ཐོབ་པ་དང་། སྐར་མ་437གྱི་ཨང་རིམ་ཐོག་ནས་རླངས་འཁོར་གཏོང་མཁན་གྱི་སྐར་གྲངས་ཨང་དང་པོར་སླེབས་ནས་ལོ་བཞི་བསྟུད་མར་ཨང་དང་པོ་ཐོབ་ཡོད། ཁོང་ལོ་ཧྲིལ་པོའི་ས་ཚིགས་24ཡི་འགྲན་བསྡུར་ནང་ཞུགས་ནས་བྱ་དགའ་ཐོབ་པའི་སྟེགས་བུར་ཐེངས་14འཛེགས་པ་དང་ཡན་ལག་ས་ཚིགས་9ཡི་ཨང་དང་པོ་ཐོབ་ཡོད། འདི་ནི་2024ལོའི་ཟླ་11ཚེས་24ཉིན་གླང་དམར་རླངས་འཁོར་རུ་ཁག་གི་ཧོ་ལན་གྱི་རླངས་འཁོར་གཏོང་མཁན་ཝེ་སི་ཐ་ཕན(དཀྱིལ)2024ལོའི་འགྲན་དུས་ཀྱི་ཨབ་ཀྲ་པེ་བྱ་དགའ་ཆེན་པོའི་འགྲན་བསྡུར་དངོས་ཚར་རྗེས་རང་ཉིད་ལ་F1རླངས་འཁོར་འགྲན་བསྡུར་གྱི་འཛམ་གླིང་གི་ཨང་དང་པོ་ཐེངས་བཞི་པ་ཐོབ་པར་རྟེན་འབྲེལ་ཞུ་བཞིན་པ། ཤིན་ཧྭ་གསར་འགྱུར་ཁང་གིས་སྤེལ། (སུང་ཧའེ་ཡོན་གྱིས་པར་བླངས)

    ②པི་ཨ་ཐེ་ལི་སི·ཆེ་པེ་ཐེ། (ཁེན་ནི་ཡ། བུད་མེད། ལོ་24 མཆོང་རྒྱུག་འཕེན་གསུམ) 2024ལོའི་ཟླ་5པར་ཆེ་པེ་ཐེ་ཡིས་སྐར་མ་28དང་སྐར་ཆ་54གྲངས་ཆུང་14ཡི་གྲུབ་འབྲས་ཐོག་ནས་ཕུའུ་ལེ་ཧྥང་ཏན་འགྲན་བསྡུར་རྩེ་གྲའི་བུད་མེད་ཀྱི་སྨི་10000ཡི་ཨང་དང་པོ་བླངས་པ་དང་དུས་མཚུངས་རྣམ་གྲངས་དེའི་འཛམ་གླིང་གི་ཟིན་ཐོ་བཏོད་ནས་འཛམ་གླིང་ཐོག་གི་འགྲན་རའི་སྨི་ཁྲི་ཡི་འབྲིང་རྒྱུག་སྐར་མ་29ནང་ཚུད་པའི་བུད་མེད་ལུས་རྩལ་པ་ཐོག་མར་གྱུར་ཡོད། ཕ་རི་སི་ཨོ་རྩལ་འགྲན་ཚོགས་ཐོག་ཁོང་ལ་བུད་མེད་ཀྱི་སྨི་5000དང་སྨི་10000ཡི་ཨང་དང་པོ་གཉིས་ཐོབ་ཡོད། འདི་ནི་2024ལོའི་ཟླ་8ཚེས་6ཉིན་ཨང་དང་པོ་ཐོབ་མཁན་ཁེན་ནི་ཡའི་བདམས་ཐོན་པ་ཆེ་པེ་ཐེ་ཡིས་ཕ་རི་སི་ཨོ་རྩལ་འགྲན་ཚོགས་ཀྱི་མཆོང་རྒྱུག་འཕེན་གསུམ་གྱི་བུད་མེད་ཀྱི་སྨི་5000གི་བྱ་དགའ་སྤྲོད་པའི་མཛད་སྒོའི་ཐོག་རྟེན་འབྲེལ་ཞུ་བཞིན་པ། (ཤིན་ཧྭ་གསར་འགྱུར་ཁང་གི་གསར་འགོད་པ་ལི་ཀང་གིས་པར་བླངས)

    ③སྨི་ཧ་དབྱིན·ལུའོ་ཕེ་སི། (ཁུ་པ། སྐྱེས་པ། ལོ་42 སྦེ་ག) ཕ་རི་སི་ཨོ་རྩལ་འགྲན་ཚོགས་ཐོག་ཨོ་རྩལ་འགྲན་ཚོགས་ལ་ཐེངས་དྲུག་ཞུགས་མཁན་ལུའོ་ཕེ་སི་ཡིས་བསྡུར་གྲངས་6:0གྱི་ཐོག་ནས་ཆི་ལིའི་བདམས་ཐོན་པ་ཨ་ཁོ་སི་ཐ·ཧྥེར་ནན་ཏེ་སི་ལས་རྣམ་པར་རྒྱལ་ཏེ་སྐྱེས་པའི་གནའ་བོའི་ལུགས་ཀྱི་སྤྱི་རྒྱ་130རིམ་པའི་ཨང་དང་པོ་བླངས་ནས། རྣམ་གྲངས་གཅིག་རང་ནས་ཨོ་རྩལ་འགྲན་ཚོགས་ཀྱི་ཨང་དང་པོ་བསྟུད་མར་ཐེངས་ལྔ་ཐོབ་པའི་སྐྱེས་པའི་སྦེ་གའི་ལུས་རྩལ་པ་ཐོག་མར་གྱུར་ཡོད། འདི་ནི་2024ལོའི་ཟླ་8ཚེས་6ཉིན་ཨང་དང་པོ་ལེན་མཁན་ཁུ་པའི་བདམས་ཐོན་པ་སྨི་ཧ་དབྱིན·ལུའོ་ཕེ་སི་ཡིས་ཕ་རི་སི་ཨོ་རྩལ་འགྲན་ཚོགས་ཐོག་སྐྱེས་པའི་གནའ་བོའི་ལུགས་ཀྱི་སྦེ་གའི་སྤྱི་རྒྱ་130རིམ་པའི་བྱ་དགའ་སྤྲོད་པའི་མཛད་སྒོའི་ཐོག་རྟེན་འབྲེལ་ཞུ་བཞིན་པ། (ཤིན་ཧྭ་གསར་འགྱུར་ཁང་གི་གསར་འགོད་པ་ཀྲང་ཧྥན་གྱིས་པར་བླངས)

    ④ཞི་མོང·པེ་ཨེར་སི། (ཨ་རི། བུད་མེད། ལོ་27 ལུས་རྩེད) ཐོ་ཁེའོ་ཨོ་རྩལ་འགྲན་ཚོགས་ཀྱི་འགྲན་བསྡུར་ནས་ཕྱིར་འཐེན་བྱས་པའི་གནས་ཚུལ་བརྒྱུད་རྗེས“ལུས་རྩེད་རྒྱལ་མོར”གྲགས་པའི་པེ་ཨེར་སི་ཡིས་ཕ་རི་སི་ཨོ་རྩལ་འགྲན་ཚོགས་ཀྱི་འགྲན་རར་སླར་ཡང་གསེར་གྱི་རྟགས་མ་གསུམ་དང་དངུལ་གྱི་རྟགས་མ་གཅིག་གི་གཟེངས་སུ་ཐོན་པའི་གྲུབ་འབྲས་བླངས་ཡོད། ཁོང་གིས་ཨ་རིའི་རུ་ཁག་ལ་རོགས་རམ་བྱས་ནས་བུད་མེད་ཚོགས་པའི་ཨང་དང་པོ་བླངས་པ་དང་། བུད་མེད་ཀྱི་མི་སྒེར་གྱི་ཀུན་ནུས་དང་ཤིང་རྟ་མཆོང་བའི་གསེར་གྱི་རྟགས་མ་བླངས་པ་མ་ཟད། ད་དུང་རང་མོས་ལུས་རྩལ་གྱི་དངུལ་གྱི་རྟགས་མ་ཡང་བླངས་ཡོད། འདི་ནི་2024ལོའི་ཟླ་8ཚེས་1ཉིན་ཨང་དང་པོ་ཐོབ་མཁན་ཨ་རིའི་བདམས་ཐོན་པ་པེ་ཨེར་སི་ཡིས་ཕ་རི་སི་ཨོ་རྩལ་འགྲན་ཚོགས་ཐོག་ལུས་རྩེད་ཀྱི་བུད་མེད་ཀྱི་མི་སྒེར་གྱི་ཀུན་ནུས་བྱ་དགའ་སྤྲོད་པའི་མཛད་སྒོ་འཚོགས་རྗེས་གསེར་གྱི་རྟགས་མ་ངོམ་བཞིན་པ། (ཤིན་ཧྭ་གསར་འགྱུར་ཁང་གི་གསར་འགོད་པ་ཚའོ་ཚན་གྱིས་པར་བླངས)

    ⑤ཨ་ལི་ས·ཐེ་ལུའུ། (ཨོ་སི་ཁྲུ་ལི་ཡ། བུད་མེད། ལོ་14 ཤུད་པང) 2024ལོའི་ཟླ་6པར་འཚོགས་པའི་འཛམ་གླིང་གི་མཐར་སོན་ལུས་རྩལ་འགྲན་ཚོགས་ཐོག་ཐེ་ལུའུ་ལ་ཤུད་པང་ཐད་དཔྱང་འགྲན་བསྡུར་དང་ཕོར་རྫིང་འགྲན་བསྡུར་གྱི་གསེར་གྱི་རྟགས་མ་ཐོབ་ནས་འགྲན་བསྡུར་དེའི་ནང་བསྟུད་མར་ཨང་དང་པོ་གཉིས་ཐོབ་པའི་བུད་མེད་བདམས་ཐོན་པ་ཐོག་མར་གྱུར་ཡོད། 2024ལོའི་ཟླ་8པར་ཁོང་གིས་ཕ་རི་སི་ཨོ་རྩལ་འགྲན་ཚོགས་ཀྱི་ཤུད་པང་བུད་མེད་ཀྱི་ཕོར་རྫིང་འགྲན་བསྡུར་ནང་ཨང་དང་པོ་བླངས་ཡོད། 2024ལོའི་ཟླ་9པར་ཁོ་མོས་འཛམ་གླིང་ཤུད་པང་ལུས་རྩལ་འགྲན་ཚོགས་ཐོག་ཤུད་པང་ཐད་དཔྱང་འགྲན་བསྡུར་གྱི་ཨང་དང་པོ་བླངས་ཡོད། ཁོང་ལ་ད་དུང་2024ལོའི་ལའོ་ལུན་སིའི་མཐར་སོན་ལུས་རྩལ་པ་རྩེ་གྲའི་བྱ་དགའ་ཐོབ་ཡོད། འདི་ནི་2024ལོའི་ཟླ་8ཚེས་6ཉིན་ཨོ་སི་ཁྲུ་ལི་ཡའི་བདམས་ཐོན་པ་ཨ་ལི་ས·ཐེ་ལུའུ་ཡིས་ཕ་རི་སི་ཨོ་རྩལ་འགྲན་ཚོགས་ཀྱི་ཤུད་པང་གི་བུད་མེད་ཀྱི་ཕོར་རྫིང་འགྲན་བསྡུར་ནང་འགྲན་བསྡུར་བྱེད་བཞིན་པ། (ཤིན་ཧྭ་གསར་འགྱུར་ཁང་གི་གསར་འགོད་པ་ཁྲེང་མིན་གྱིས་པར་བླངས)

    ⑥ཨ་མན་ཏེ·ཏུའུ་ཕུའུ་ལན་ཏི་སི། (སུའེ་ཏེན། སྐྱེས་པ། ལོ་25 མཆོང་རྒྱུག་འཕེན་གསུམ) 2024ལོར་ཏུའུ་ཕུའུ་ལན་ཏི་སི་ཡིས་2024ལོའི་ཟླ་4པའི་འཛམ་གླིང་མཆོང་རྒྱུག་འཕེན་གསུམ་མཉམ་འབྲེལ་ལྷན་ཚོགས་ཀྱི་ཕ་ལམ་རིམ་མཚུངས་མཉམ་འགྲན་གྱི་ཞ་མོན་ས་ཚིགས་དང་། 2024ལོའི་ཟླ་8པའི་ཟླ་སྟོད་ཀྱི་ཕ་རི་སི་ཨོ་རྩལ་འགྲན་ཚོགས། 2024ལོའི་ཟླ་8པའི་ཟླ་མཇུག་གི་ཕ་ལམ་རིམ་མཚུངས་མཉམ་འགྲན་གྱི་ཕོ་ལན་ཞི་ལི་ཞི་ཡ་ས་ཚིགས་བཅས་ཀྱི་འགྲན་བསྡུར་ནང་སྐྱེས་པའི་རྒྱུག་བཀན་མཐོ་མཆོང་གི་འཛམ་གླིང་ཟིན་ཐོ་ཐེངས་གསུམ་བཏོད་ནས་ཨང་དང་པོ་བླངས་ཡོད། 2020ལོར་འཛམ་གླིང་ཟིན་ཐོ་ཐོག་མར་བཏོད་པ་ནས་བཟུང་ཁོང་གིས་རྣམ་གྲངས་དེའི་འཛམ་གླིང་ཟིན་ཐོ་ཐེངས་10བཏོད་ཡོད། འདི་ནི་2024ལོའི་ཟླ་8ཚེས་5ཉིན་སུའེ་ཏེན་གྱི་བདམས་ཐོན་པ་ཏུའུ་ཕུའུ་ལན་ཏི་སི་ཡིས་ཕ་རི་སི་ཨོ་རྩལ་འགྲན་ཚོགས་ཀྱི་མཆོང་རྒྱུག་འཕེན་གསུམ་གྱི་སྐྱེས་པའི་རྒྱུག་བཀན་མཐོ་མཆོང་གི་མཐའ་བསྡུར་ནང་ཞུགས་་བཞིན་པ། (ཤིན་ཧྭ་གསར་འགྱུར་ཁང་གི་གསར་འགོད་པ་སུང་ཡན་ཧྭ་ཡིས་པར་བླངས)

    ⑦ཀྲེན་ཆིན་ཝུན། (ཀྲུང་གོ བུད་མེད། ལོ་22 དྲ་བའི་སྤོ་ལོ) ཀྲེན་ཆིན་ཝུན་གྱིས་ཕ་རི་སི་ཨོ་རྩལ་འགྲན་ཚོགས་ཀྱི་དྲ་བའི་སྤོ་ལོའི་བུད་མེད་རྐྱང་རྒྱག་གི་ཨང་དང་པོ་བླངས་ནས་ཨོ་རྩལ་འགྲན་ཚོགས་ཀྱི་དྲ་བའི་སྤོ་ལོའི་རྐྱང་རྒྱག་གི་ཨང་དང་པོ་ཐོབ་པའི་ཨེ་ཤེ་ཡའི་དྲ་བའི་སྤོ་ལོ་རྒྱག་མཁན་ཐོག་མར་གྱུར་ཡོད། ཁོང་ལ་ཨོ་སི་ཁྲུ་ལི་ཡའི་དྲ་བའི་སྤོ་ལོའི་ཡོངས་བསྒྲགས་འགྲན་བསྡུར་ནང་ཨང་གཉིས་པ་ཐོབ་ནས་མི་སྒེར་གྱི་བྱ་དགའ་ཀུན་ཐོབ་འགྲན་བསྡུར་གྱི་གྲུབ་འབྲས་ཡག་ཤོས་བཏོད་ཡོད། ཁོང་ལ་ད་དུང་ཝུའུ་ཧན་དྲ་བའི་སྤོ་ལོའི་ཡོངས་བསྒྲགས་འགྲན་བསྡུར་དང་བུད་མེད་ཀྱི་དྲ་བའི་སྤོ་ལོའི་བདམས་ཐོན་པའི་མཐུན་ཚོགས(WTA)ལོ་མཇུག་གི་མཐའ་བསྡུར་གྱི་ཨང་གཉིས་པ་ཐོབ་ཡོད། WTAལོ་མཇུག་གི་དཔྱད་འདེམས་ནང་ཀྲེན་ཆིན་ཝུན་ལ་2024ལོའི་འགྲན་དུས་ཀྱི་སྤོ་ལོ་དབྱིངས་པ་ཚོས་དགའ་བསུ་མང་ཤོས་ཐོབ་པའི་རྐྱང་རྒྱག་དྲ་བའི་སྤོ་ལོ་རྒྱག་མཁན་གྱི་བྱ་དགའ་དང་འགྲན་བསྡུར་250ཡི་དུས་སྐབས་ཡག་ཤོས་ཀྱི་བྱ་དགའ་ཐོབ་ཡོད། འདི་ནི་2024ལོའི་ཟླ་8ཚེས་3ཉིན་ཨང་དང་པོ་ཐོབ་མཁན་ཀྲེན་ཆིན་ཝུན་གྱིས་ཕ་རི་སི་ཨོ་རྩལ་འགྲན་ཚོགས་ཀྱི་དྲ་བའི་སྤོ་ལོའི་བུད་མེད་རྐྱང་རྒྱག་འགྲན་བསྡུར་གྱི་བྱ་དགའ་སྤྲོད་པའི་མཛད་སྒོའི་ཐོག་རྟེན་འབྲེལ་ཞུ་བཞིན་པ། (ཤིན་ཧྭ་གསར་འགྱུར་ཁང་གི་གསར་འགོད་པ་དབན་ཤང་གིས་པར་བླངས)

    ⑧ནུའོ་ཝ་ཁེ·ཅའོ་ཁོ་ཝེ་ཆི། (སེར་པི་ཡ། སྐྱེས་པ། ལོ་37 དྲ་བའི་སྤོ་ལོ)

    ཨོ་རྩལ་འགྲན་ཚོགས་ཀྱི་འགྲན་བསྡུར་ལ་ཐེངས་ལྔ་ཞུགས་མྱོང་བའི་ཅའོ་ཁོ་ཝེ་ཆི་ཡིས་ཕ་རི་སི་ནས་སེར་པི་ཡར་ཨོ་རྩལ་འགྲན་ཚོགས་ཀྱི་དྲ་བའི་སྤོ་ལོའི་གསེར་གྱི་རྟགས་མ་ཐོག་མ་དེ་བླངས་པ་དང་བྱ་དགའ་ཀུན་ཐོབ་འགྲན་བསྡུར་གྱི་ཨང་དང་པོའི་བྱ་དགའ་24རག་རྗེས“བྱ་དགའ་ཀུན་ཐོབ་ཡག་ཤོས”མངོན་འགྱུར་བྱུང་བ་སྟེ། བྱ་དགའ་ཀུན་ཐོབ་འགྲན་བསྡུར་ཆེན་པོ་བཞིའི་ཨང་དང་པོ་དང་ཨོ་རྩལ་འགྲན་ཚོགས་ཀྱི་གསེར་གྱི་རྟགས་མ་ཐོབ་ཡོད། 2024ལོའི་ཟླ་བཞི་པར་ཅའོ་ཁོ་ཝེ་ཆིར་ལའོ་ལུན་སིའི་སྐྱེས་པའི་ལུས་རྩལ་པ་རྩེ་གྲའི་བྱ་དགའ་ཐེངས་ལྔ་ཐོབ་ཡོད། ཟླ་6པར་ཁོང་ལ་ཧྥ་རན་སེའི་དྲ་བའི་སྤོ་ལོའི་ཡོངས་བསྒྲགས་འགྲན་བསྡུར་གྱི་བྱ་དགའ་ཀུན་ཐོབ་ཀྱི་འགྲན་བསྡུར་ནང་རྒྱལ་ཁ་ཐེངས་370པ་དེ་ཐོབ་པ་དང་ལོ་རྒྱུས་ཐོག་གི་ཨང་དང་པོར་གྱུར་ཡོད། འདི་ནི་2024ལོའི་ཟླ་8ཚེས་4ཉིན་ཨང་དང་པོ་ཐོབ་མཁན་ཅའོ་ཁོ་ཝེ་ཆི་ཡིས་ཕ་རི་སི་ཨོ་རྩལ་འགྲན་ཚོགས་ཀྱི་དྲ་བའི་སྤོ་ལོའི་སྐྱེས་པའི་རྐྱང་རྒྱག་འགྲན་བསྡུར་གྱི་བྱ་དགའ་སྤྲོད་པའི་མཛད་སྒོའི་ཐོག་རྟེན་འབྲེལ་ཞུ་བཞིན་པ། (ཤིན་ཧྭ་གསར་འགྱུར་ཁང་གི་གསར་འགོད་པ་ཀའོ་ཅིང་གིས་པར་བླངས)

    ⑨ལའེ་ཨང·མར་ཧྲང། (ཧྥ་རན་སེ། སྐྱེས་པ། ལོ་22 ཆུ་རྐྱལ) མར་ཧྲང་གིས་ཕ་རི་སི་ཨོ་རྩལ་འགྲན་ཚོགས་ཐོག་སྐྱེས་པའི་སྨི་200ཡི་སྦལ་རྐྱལ་དང་། སྨི་200ཡི་ཕྱེ་ལེབ་རྐྱལ། སྨི་200ཡི་མི་སྒེར་གྱི་མཉམ་བསྲེས་རྐྱལ། སྨི་400ཡི་མི་སྒེར་གྱི་མཉམ་བསྲེས་རྐྱལ་བཅས་ཀྱི་ཨང་དང་པོ་བཞི་བླངས་པ་མ་ཟད། ཨོ་རྩལ་འགྲན་ཚོགས་ཀྱི་ཟིན་ཐོ་ཐེངས་བཞི་གཏོད་ཡོད། དེ་རྗེས་ཁོང་གིས་ད་དུང་ས་ཚིགས་མང་པོའི་རྫིང་བུ་ཐུང་བའི་ཆུ་རྐྱལ་གྱི་འཛམ་གླིང་བུམ་པའི་འགྲན་བསྡུར་ནང་གསེར་གྱི་རྟགས་མ་དགུ་བླངས་ཡོད། འདི་ནི་2024ལོའི་ཟླ་8ཚེས་11ཉིན་ཧྥ་རན་སེའི་ཆུ་རྐྱལ་ལུས་རྩལ་པ་མར་ཧྲང་གིས་ཕ་རི་སི་ཨོ་རྩལ་འགྲན་ཚོགས་ཀྱི་མཇུག་འགྲིལ་མཛད་སྒོའི་ཐོག་བྱ་དགའ་ལེན་བཞིན་པ། (ཤིན་ཧྭ་གསར་འགྱུར་ཁང་གི་གསར་འགོད་པ་ཚའོ་ཚན་གྱིས་པར་བླངས)

    ⑩ཝེ་ཉི་ཤིའུ་སི·རུའུ་ཉི་ཨོར། (པར་ཙིར། སྐྱེས་པ། ལོ་24 རྐང་རྩེད་སྤོ་ལོ) སེ་ཕེན་གྱི་ཀ་པ་རིམ་པའི་རིམ་མཚུངས་འགྲན་བསྡུར་གྱི་གོང་མ་ཚང་མ་ཏེ་ལི་རུ་ཁག་གི་པར་ཙིར་གྱི་མདུན་རུ་ཝེ་ཉི་ཤིའུ་སིར་2024ལོའི་ཟླ་12པར་རྒྱལ་སྤྱིའི་རྐང་རྩེད་སྤོ་ལོའི་མཉམ་འབྲེལ་ལྷན་ཚོགས་ཀྱི་ལོ་འཁོར་གྱི་སྐྱེས་པའི་རྐང་རྩེད་སྤོ་ལོའི་སྤོ་ལོ་རྒྱག་མཁན་རྩེ་གྲར་བདམས་པས། ཁོང་བྱ་དགའ་དེ་ཐོབ་པའི“00ནང་སྐྱེས”ཀྱི་སྤོ་ལོ་རྒྱག་མཁན་ཐོག་མར་གྱུར་ཡོད། ཝེ་ཉི་ཤིའུ་སི་ཡིས་2023ལོ་ནས་2024ལོའི་འགྲན་དུས་ཀྱི་སྤོ་ལོའི་སྤྲོ་སྐྱིད་ཁང་གི་འགྲན་བསྡུར་ཐེངས་39ཡི་ཁྲོད་སྤོ་ལོ་24བླུགས་ནས་གོང་མ་ཚང་རུ་ཁག་ལ་ཡོ་རོབ་ཀྱི་ཨང་དང་པོའི་རིམ་མཚུངས་མཉམ་འགྲན་གྱི་ཨང་དང་པོ་དང་སི་ཕེན་གྱི་ཀ་པ་རིམ་པའི་རིམ་མཚུངས་མཉམ་འགྲན་གྱི་ཨང་དང་པོ་ལེན་པར་ནུས་ཤུགས་ཚད་མེད་བཏོན་ཡོད། ཁོང་ད་དུང་ཡོ་རོབ་ཀྱི་ཨང་དང་པོའི་རིམ་མཚུངས་མཉམ་འགྲན་གྱི་སྤོ་ལོ་རྒྱག་མཁན་རྩེ་གྲར་བདམས་པ་མ་ཟད། ཡོ་རོབ་ཀྱི་ཨང་དང་པོའི་རིམ་མཚུངས་མཉམ་འགྲན་གྱི་སྤོ་ལོ་རྒྱག་མཁན་ཡག་ཤོས་ཀྱི་དཔུང་རུའི་ནང་བདམས་ཡོད། འདི་ནི་2024ལོའི་ཟླ་12ཚེས་18ཉིན་2024ལོའི་རྒྱལ་སྤྱིའི་རྐང་རྩེད་སྤོ་ལོའི་ཀྲོའུ་ཅི་བུམ་པའི་འགྲན་བསྡུར་གྱི་བྱ་དགའ་སྤྲོད་པའི་མཛད་སྒོའི་ཐོག་གོང་མ་ཚང་མ་ཏེ་རིའི་སྤོ་ལོ་རྒྱག་མཁན་ཝེ་ཉི་ཤིའུ་སི་ཀྲོའུ་ཅི་བུམ་པའི་འགྲན་བསྡུར་གྱི་སྤོ་ལོ་རྒྱག་མཁན་རྩེ་གྲར་བདམས་པས་ཁོང་གིས་བྱ་དགའ་ལེན་བཞིན་པ། ཤིན་ཧྭ་གསར་འགྱུར་ཁང་གིས་སྤེལ། (ཉི་ཁུ་ཡིས་པར་བླངས)

    འགན་འཁུར་རྩོམ་སྒྲིག་པ། བསོད་ནམས་དབང་འདུས།

མཉམ་སྤྱོད།

འབྲེལ་ཡོད་གསར་འགྱུར།