རེན་ཝེ་ཡིས་དུས་ཆེན་རིང་གི་བདེ་འཇགས་འགོག་ཟོན་བཀོད་གཏོང་པའི་ཚོགས་འདུ་གཙོ་སྐྱོང་གནང་བ།
ཚེས་1ཉིན་གྱི་སྔ་དྲོར། ལྗོངས་ཏང་ཨུད་ཀྱི་རྒྱུན་ཨུ་དང་རང་སྐྱོང་ལྗོངས་ཀྱི་རྒྱུན་ལས་ཀྲུའུ་ཞི་གཞོན་པ་རེན་ཝེ་རང་སྐྱོང་ལྗོངས་འཕྲལ་སྡོམ་བཀོད་འདོམས་ལྟེ་གནས་སུ་ཕེབས་ནས་དེ་གའི་ལས་རེས་བརྟན་སྲུང་བྱེད་མཁན་ལས་བྱེད་པར་གཟིགས་པ་དང་འཚམས་འདྲི་གནང་བ་མ་ཟད། བཀོད་གཏོང་པའི་ཚོགས་འདུ་འཚོགས་ཏེ་དུས་ཆེན་རིང་ལྗོངས་ཡོངས་ཀྱི་ས་གནས་ཁག་དང་སྡེ་ཚན་ཁག་གི་བདེ་འཇགས་འགོག་ཟོན་ལས་དོན་ལ་བཀོད་གཏོང་གནང་ནས་འབྲེལ་ཡོད་ལས་དོན་བཀོད་སྒྲིག་ཀྱང་གནང་བ་རེད།
རེན་ཝེ་ཡིས་རིམ་པ་ཁག་དང་སྡེ་ཚན་ཁག་གིས་མཐའ་ཚད་ཀྱི་བསམ་བློ་ཤུགས་ཆེར་བཏང་ནས“རྟག་ཏུ་བློ་བཟོད་མི་བདེ་བའི”འགན་འཁྲི་ཁུར་སེམས་ལ་བརྟེན་ནས་དགུན་དཔྱིད་དུས་ཚིགས་གཉིས་ཀྱི་ནགས་ཚལ་དང་། རྩྭ་རའི་མེ་ཟོན་མེ་གསོད་ལས་དོན་ནུས་ཤུགས་ཡོད་རྒུས་ཡག་པོ་སྒྲུབ་པ་དང་། མི་ཚོགས་སྟུག་སར་བྱེད་སྒོ་སྤེལ་སྐབས་ཀྱི་བདེ་འཇགས་དང་མེ་ཟོན་གྱི་བདེ་འཇགས་ལ་དམིགས་ནས། ཐོན་སྐྱེད་བྱེད་བཞིན་པའི་ཁེ་ལས་དང་སྐྲུན་བཞིན་པའི་རྣམ་གྲངས་ཀྱི་བདེ་འཇགས་ཐོན་སྐྱེད་དོ་དམ་ལ་ཤུགས་སྣོན་རྒྱག་པ། དཔྱིད་གསར་སྐྱེལ་འདྲེན་རིང་གི་གཞུང་ལམ་འགྲིམ་འགྲུལ་སྐྱེལ་འདྲེན་གྱི་བདེ་འཇགས་དང་ཞབས་ཞུ་འགན་ལེན་ལ་དམ་འཛིན་ཏན་ཏིག་བྱེད་པ། ཤོག་སྦག་སྐྱེལ་འདྲེན་དང་། ཉར་ཚགས། བྲིན་ཚོང་སོགས་ཀྱི་འཁོར་འབྲེལ་ཧྲིལ་པོའི་ལྷུ་ཚིགས་ཁག་གི་བདེ་འཇགས་ལ་ལྟ་སྐུལ་དོ་དམ་བྱེད་ཤུགས་ཆེ་རུ་གཏོང་བ་བཅས་བྱས་ནས། བདེ་འཇགས་ཐོན་སྐྱེད་ཀྱི་བྱ་ཐབས་ཁག་དོན་འཁྱོལ་ནན་ཏན་བྱས་ཏེ་བདེ་འཇགས་ཐོན་སྐྱེད་ཀྱི་ལས་འཛོལ་སྣ་ཚོགས་མཐའ་གཅིག་ཏུ་མི་ཐོན་པ་བྱས་ནས། ལྗོངས་ཡོངས་ཀྱི་མི་རིགས་ཁག་གི་མང་ཚོགས་དུས་བདེ་དང་། སྤྲོ་སྣང་། འཆམ་མཐུན་བཅས་ལྡན་པའི་དུས་ཆེན་ཞིག་གཏོང་ཐུབ་པའི་འགན་ལེན་བྱེད་དགོས་པའི་ནན་བཤད་གནང་བ་རེད།