མཉམ་ལས་གཉིས་ཕན་བྱས་ཚེ་གཞི་ནས་བྱ་བ་འགྲུབ་ཐུབ་པ་དང་། བྱ་བ་ཡག་པོ་སྒྲུབ་ཐུབ་པ། དོན་ཆེན་སྒྲུབ་ཐུབ། དེ་ནི་མིའི་རིགས་ཀྱི་ལས་དབང་གཅིག་མཐུན་ཚོགས་པ་འཛུགས་པའི་འདུ་ཤེས་བཏོན་ནས་ལོ་10ལྷག་ཙམ་སོང་རིང་གི་ལག་ལེན་ལས་བྱུང་བའི་བློ་སྒོ་འབྱེད་པ་ཞིག་རེད་ལ། ལོ་10ལྷག་ཙམ་རིང་ཀྲུང་གོས་ཕྱོགས་ཁག་དང་ལག་གདང་སྦྲེལ་ནས“རྒྱུད་གཅིག་ལམ་གཅིག”མཉམ་སྐྲུན་ལ་སྐུལ་འདེད་གཏོང་བའི་ཉམས་མྱོང་རྩ་ཆེན་ཞིག་ཀྱང་རེད།

“ཀྲུང་གོ་དང་། ཁེར་གྷི་སི་ཐན། ཨུ་ཟ་བྷེ་ཁི་སི་ཐན་རྒྱལ་ཁབ་གསུམ་གྱི་ལྕགས་ལམ་འཛུགས་སྐྲུན་བྱེད་པ་ནི་རྒྱལ་ཁབ་གསུམ་པོའི་སྲིད་གཞུང་གིས་ས་ཁོངས་ཕན་ཚུན་སྦྲེལ་མཐུད་དང་ས་ཁུལ་དར་རྒྱས་བརྟན་ལྷིང་ལ་སྐུལ་འདེད་གཏོང་བར་དམིགས་ནས་བཏོན་པའི་འཐབ་ཇུས་ཤིག་ཡིན་པ་དེ་ཐོག་ནས་འཐབ་ཇུས་ཀྱི་བགྲོད་ལམ་དེ་ཤར་གཏོང་ཐུབ་པའི་རྒྱལ་ཁབ་གསུམ་པོའི་མི་དམངས་ཀྱི་ཕུགས་འདུན་བཟང་པོ་མངོན་ཡོད”2024ལོའི་ཟླ་12ཚེས་27ཉིན་ཀྲུང་ཁེར་ཨུ་རྒྱལ་ཁབ་གསུམ་གྱི་ལྕགས་ལམ་རྣམ་གྲངས་ཀྱི་འགོ་ཚུགས་མཛད་སྒོ་ཁེར་གྷི་སི་ཐན་གྱི་ཅ་ལ་ལ་པ་ཏེ་གྲོང་ཁྱེར་དུ་འཚོགས་པ་དང་། ཀྲུའུ་ཞི་ཞི་ཅིན་ཕིང་གིས་རྟེན་འབྲེལ་འཕྲིན་ཡིག་ནང་རྣམ་གྲངས་འཛུགས་སྐྲུན་ཐད་ཐུགས་རེ་ནན་པོ་བཏོན་གནང་ཡོད། ཀྲུང་ཁེར་ཨུ་རྒྱལ་ཁབ་གསུམ་གྱི་ལྕགས་ལམ་རྣམ་གྲངས་ལག་བསྟར་བྱེད་འགོ་ཚུགས་པའི་མཛད་སྒོ་འཚོགས་པ་དེ་ཐོག་ནས་རྣམ་གྲངས་དེ་འཆར་གཞི་འདིང་བ་ནས་ལག་ལེན་བསྟར་བ་དང་བསྐྲུན་ནས་མེ་འཁོར་ཤར་གཏོང་ཐུབ་པའི་དམིགས་ཚད་ཕྱོགས་སུ་གོམ་པ་གལ་ཆེན་ཞིག་སྤོས་པ་མཚོན་པ་དང་སྤུས་ཚད་མཐོ་བའི“རྒྱུད་གཅིག་ལམ་གཅིག”མཉམ་སྐྲུན་གྱི་ཡིད་དབང་འགུག་ཤུགས་ཆེན་པོ་གང་ལེགས་མངོན་ཡོད་པ་རེད།

ཀྲུང་ཁེར་ཨུ་རྒྱལ་ཁབ་གསུམ་གྱི་ལྕགས་ལམ་ནི་ཀྲུང་ཁེར་ཨུ་རྒྱལ་ཁབ་གསུམ་གྱི་གཙོ་བདག་གིས་དངོས་སུ་སྐུལ་འདེད་བཏང་བའི“རྒྱུད་གཅིག་ལམ་གཅིག”མཉམ་སྐྲུན་མཉམ་ལས་ཀྱི་མཚོན་རྟགས་རང་བཞིན་གྱི་ལས་གྲྭ་ཞིག་དང་། ཀྲུང་གོ་དང་ཨེ་ཤེ་ཡ་དབུས་མའི་རྒྱལ་ཁབ་དབར་ཕན་ཚུན་སྦྲེལ་མཐུད་བྱེད་པའི་འཐབ་ཇུས་རང་བཞིན་གྱི་རྣམ་གྲངས་ཤིག་རེད། དེ་ནི་ཀྲུང་གོའི་ཤིན་ཅང་ཁ་ཧྲི་ནས་འགོ་བཙུགས་ཏེ་ཁེར་གྷི་སི་ཐན་བརྒྱུད་ཨུ་ཟ་བྷེ་ཁི་སི་ཐན་གྱི་ས་ཁོངས་སུ་སླེབས་པ་དང་འབྱུང་འགྱུར་ཨེ་ཤེ་ཡ་ནུབ་མ་དང་ཨེ་ཤེ་ཡ་ལྷོ་མའི་ཕྱོགས་སུ་སྣུར་སྲིང་ཐུབ་རྒྱུ་རེད། ཀྲུང་ཁེར་ཨུ་རྒྱལ་ཁབ་གསུམ་གྱི་ལྕགས་ལམ་བསྐྲུན་རྗེས་རྒྱལ་ཁབ་གསུམ་གྱི་འབྲེལ་མཐུད་ལ་སྐུལ་འདེད་ཆེན་པོ་ཐེབས་པ་དང་ས་ཁུལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་སྔར་བས་མགྱོགས་པོ་ཡོང་བར་སྐུལ་ཁྲིད་ཐུབ་རྒྱུ་རེད། ཀྲུང་ཁེར་ཨུ་རྒྱལ་ཁབ་གསུམ་གྱི་ལྕགས་ལམ་རྣམ་གྲངས་སྐྲུན་འགོ་ཚུགས་པ་དེས་རྒྱལ་སྤྱིའི་སྤྱི་ཚོགས་ལ་ཀྲུང་གོ་དང་ཨེ་ཤེ་ཡ་དབུས་མའི་རྒྱལ་ཁབ་ཀྱིས་ལག་གདང་སྦྲེལ་ནས་མཉམ་ལས་ལ་སྐུལ་འདེད་གཏོང་བ་དང་ཐུན་མོང་ཐོག་འཕེལ་རྒྱས་དོན་གཉེར་བྱེད་པའི་ཆོད་སེམས་བརྟན་པོ་མཚོན་ཡོད།

ཀྲུང་ཁེར་ཨུ་རྒྱལ་ཁབ་གསུམ་གྱི་ལྕགས་ལམ་རྣམ་གྲངས་སྐྲུན་འགོ་ཚུགས་པ་དེས་སྤུས་ཚད་མཐོ་བའི“རྒྱུད་གཅིག་ལམ་གཅིག”མཉམ་སྐྲུན་གྱི་ཡིད་དབང་འགུག་ཤུགས་ཆེན་པོ་མངོན་ཡོད། ཀྲུང་ཁེར་ཨུ་རྒྱལ་ཁབ་གསུམ་གྱི་ལྕགས་ལམ་དེ“རྒྱུད་གཅིག་ལམ་གཅིག”མཉམ་སྐྲུན་མཉམ་ལས་ཀྱི་དཔེ་སྟོན་རྣམ་གྲངས་གསར་པ་ཞིག་ཏུ་ཧུར་ཐག་བསྐྲུན་ནས་ལམ་རྒྱུད་ས་ཁུལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་དང་དམངས་འཚོའི་བདེ་རྩ་ཆེ་རུ་གཏོང་རྒྱུར་རམ་འདེགས་དེ་བས་ལེགས་པ་བྱ་རྒྱུ་དེ་ནི་རྒྱལ་ཁབ་གསུམ་པོའི་ཐུན་མོང་གི་འདུན་པ་ཞིག་རེད། ཨེ་ཤེ་ཡ་དབུས་མའི་ས་ཁུལ་ནི“རྒྱུད་གཅིག་ལམ་གཅིག”མཉམ་སྐྲུན་སྒྲོམ་གཞིའི་ནང་མཉམ་ལས་རྣམ་གྲངས་མང་ཤོས་ཀྱི་ས་ཁུལ་གྱི་གྲས་ཤིག་ཡིན་པ་དང་2024ལོ་བར་ཀྲུང་གོས་ཨེ་ཤེ་ཡ་དབུས་མའི་རྒྱལ་ཁབ་ལྔ་ལ་རིམ་རྩིས་བརྒྱབ་ན་ལས་གྲྭ་འགན་གཙང་བླངས་པའི་ཚོང་གཉེར་ཡོང་འབབ་ཨ་སྒོར་དུང་ཕྱུར་600ལྷག་ཙམ་ཟིན་པ་དང་། ཚོང་དོན་བསྡོམས་འབོར་འཕར་ཤུགས་ཆེ་ལ་མ་འཇོག་བསྡོམས་འབོར་རྒྱུན་ཆད་མེད་པར་འཕར་ཡོད། “རྒྱུད་གཅིག་ལམ་གཅིག”མཉམ་སྐྲུན་གྱི་གྲོས་འགོ་བཏོན་ནས་ལོ་10ལྷག་ཙམ་སོང་རིང་ཀྲུང་གོས་མཉམ་སྐྲུན་རྒྱལ་ཁབ་དང་འཕེལ་རྒྱས་ཀྱི་གྲུབ་འབྲས་མུ་མཐུད་མཉམ་སྤྱོད་བྱས་ནས་མིའི་རིགས་ཀྱི་ལས་དབང་གཅིག་མཐུན་ཚོགས་པ་འཛུགས་པའི་འདུ་ཤེས་མི་སེམས་སུ་གཏིང་ཟབ་ཟུག་ཡོད། རིམ་རྩིས་བརྒྱབ་ན་ཀྲུང་ཡོའི་དུས་གཏན་མེ་འཁོར་གཏོང་ཚད་ཁྱོན་ཁྲི་10ལྷག་ཙམ་ཟིན་པ་དང་ཆན་ཁའེ་གྲུ་ཁ་དེ་དུས་རབས་གསར་པའི་ཨེ་ཤེ་ཡ་དང་ལ་ཏིང་མེ་གླིང་གི་སྐམ་མཚོའི་བགྲོད་ལམ་གསར་པའི་ས་གཤིས་མཚོན་རྟགས་གསར་ཤོས་སུ་གྱུར་བ་དང་རྒྱལ་ཁབ་155“རྒྱུད་གཅིག་ལམ་གཅིག”མཉམ་སྐྲུན་མཉམ་ལས་ཀྱི་ཁྱིམ་ཚང་ཆེན་པོར་ཞུགས་ནས་སྤུས་ཚད་མཐོ་བའི“རྒྱུད་གཅིག་ལམ་གཅིག”མཉམ་སྐྲུན་གཏིང་ཟབ་དང་ཏན་ཏིག་བྱས་ཏེ། འཛམ་གླིང་ལ་ཕན་པའི“བདེ་སྐྱིད་ལམ་བུར”ཇི་ཙམ་བསྐྱོད་པ་དེ་ཙམ་གྱིས་ཡངས་ཤིང་རྒྱ་ཆེ་རུ་འགྲོ་བཞིན་ཡོད།

མཉམ་ལས་གཉིས་ཕན་བྱས་ཚེ་གཞི་ནས་བྱ་བ་འགྲུབ་ཐུབ་པ་དང་། བྱ་བ་ཡག་པོ་སྒྲུབ་ཐུབ་པ། དོན་ཆེན་སྒྲུབ་ཐུབ། དེ་ནི་མིའི་རིགས་ཀྱི་ལས་དབང་གཅིག་མཐུན་ཚོགས་པ་འཛུགས་པའི་འདུ་ཤེས་བཏོན་ནས་ལོ་10ལྷག་ཙམ་སོང་རིང་གི་ལག་ལེན་ལས་བྱུང་བའི་བློ་སྒོ་འབྱེད་པ་ཞིག་རེད་ལ། ལོ་10ལྷག་ཙམ་རིང་ཀྲུང་གོས་ཕྱོགས་ཁག་དང་ལག་གདང་སྦྲེལ་ནས“རྒྱུད་གཅིག་ལམ་གཅིག”མཉམ་སྐྲུན་ལ་སྐུལ་འདེད་གཏོང་བའི་ཉམས་མྱོང་རྩ་ཆེན་ཞིག་ཀྱང་རེད། ཀྲུང་གོས་མུ་མཐུད་མཉམ་ལས་གཉིས་ཕན་གྱི་འདུ་ཤེས་བཅངས་ཏེ་ཀྲུང་གོའི་ལུགས་ཀྱི་དེང་རབས་ཅན་གྱི་གྲུབ་འབྲས་གསར་པར་བརྟེན་ནས། འཛམ་གླིང་འཕེལ་རྒྱས་ལ་གོ་སྐབས་གསར་པ་རྒྱུན་ཆད་མེད་པར་གཏོད་རྒྱུ་དང་ཕྱོགས་ཁག་དང་མཉམ་དུ་ཞི་བདེའི་འཕེལ་རྒྱས་དང་། གཉིས་ཕན་མཉམ་ལས། ཐུན་མོང་དར་རྒྱས་བཅས་ཀྱི་འཛམ་གླིང་དེང་རབས་ཅན་མངོན་འགྱུར་ཡོང་བར་སྐུལ་འདེད་ཧུར་ཐག་བཏང་སྟེ་རྒྱལ་ཁབ་ཁག་གི་མི་དམངས་ལ་ཕན་བདེ་དེ་བས་ལེགས་པ་བསྐྲུན་རྒྱུ་རེད།