“ཀྲུང་གོའི་གློག་བརྙན་གྱི་མཚན་མོ”ཞེས་པའི་གློག་བརྙན་འགྲེམས་སྟོན་སོ་ཏི་ཨ་རབ་ཀྱི་ཅི་ཏར་འགོ་ཚུགས་པ།
ཅི་ཏ་ནས་སྤེལ་བའི་གསར་འགྱུར་ལ་གཞིགས་ན། ཉེ་ཆར། ཀྲུང་གོ་རྒྱལ་ཁབ་གློག་བརྙན་ཅུས་དང་སོ་ཏི་ཨ་རབ་ཀྱི་ཅི་ཏར་བཅའ་སྡོད་སྤྱི་ཁྱབ་ལས་ཤག་གིས་གཙོ་གཉེར་དང་ཀྲུང་གོ་གློག་བརྙན་དཔྱད་གཞི་ཁང་གིས་སྒྲུབ་གཉེར་བྱས་པའི“ཀྲུང་གོའི་གློག་བརྙན་གྱི་མཚན་མོ”ཞེས་པའི་གློག་བརྙན་འགྲེམས་སྟོན་སོ་ཏི་ཨ་རབ་ཀྱི་ཅི་ཏར་འགོ་ཚུགས་པ་རེད། ཀྲུང་གོ་དང་སོ་ཏི་ཨ་རབ་ཀྱི་སྲིད་ཕྱོགས་ཀྱི་མི་སྣ་དང་། གློག་བརྙན་ལས་རིགས། རིག་གཞུང་ལས་རིགས་སོགས་ཀྱི་སྐུ་མགྲོན་བརྒྱ་ལྷག་ཙམ་འགོ་ཚུགས་མཛད་སྒོར་ཕེབས་ཤིང་། ཅི་ཏར་བཅའ་སྡོད་ཀྲུང་གོའི་སྤྱི་ཁྱབ་ཁེ་སྐྱོང་བ་ཝང་ཆི་མིན་གྱིས་འགོ་ཚུགས་མཛད་སྒོར་ཤིས་ཚིག་སྒྲོན་སྐབས། ཉེ་བའི་ལོ་ཤས་རིང་། ཀྲུང་གོ་དང་སོ་ཏི་ཨ་རབ་གཉིས་ཀྱི་གློག་བརྙན་སྤེལ་རེས་རྒྱུན་མཐུད་འཕེལ་རྒྱས་ཕྱིན་ནས་ཀྲུང་གོའི་གློག་བརྙན་མང་པོ་སོ་ཏི་ཨ་རབ་ཀྱི་མཚོ་དམར་པོའི་རྒྱལ་སྤྱིའི་གློག་བརྙན་དུས་ཆེན་གྱི་འགྲན་བསྡུར་ནང་ཚུད་ནས་བྱ་དགའ་ཐོབ་པ་མ་ཟད། སོ་ཏི་ཨ་རབ་ཀྱི་གློག་བརྙན་འགྲེམས་སྟོན་2024ལོར་ཀྲུང་གོར་ཐོག་མ་བདེ་བླག་ངང་གཉེར་ཐུབ་ཡོད།
ད་རེས་ཀྱི“ཀྲུང་གོའི་གློག་བརྙན་གྱི་མཚན་མོ”ཞེས་པའི་གློག་བརྙན་འགྲེམས་སྟོན་ལ་ས་གནས་ཀྱི་མང་ཚོགས་དང་ཕྱིར་ཁོངས་ཀྲུང་གོ་བ་དང་ཕྱིར་སྡོད་རང་མིའི་དགའ་བསུ་ཐོབ་ཅིང་། གློག་བརྙན་སྟོན་འགོ་ཚུགས་པའི་ཉིན་མོར《ལྷ་བརྐོས་རྡོ་རིང་གསེར་གྱི་མེ་ལོང་ལེའུ་དང་པོ། ཁྲའོ་ཀོའི་འཕོ་འགྱུར》དང་། 《ཚ་ལམ་ལམ》ཞེས་པའི་གློག་བརྙན་གཉིས་བསྟན་ཡོད།