མཛེས་སྡུག་ལྡན་པའི་གྲོང་གསེབ་འཛུགས་སྐྲུན།

ལྷ་ས་གྲོང་ཁྱེར་མལ་གྲོ་གུང་དཀར་རྫོང་རྨམ་པ་ཤང་གི་རྣམ་པ་གསར་པ།

ཆབ་མདོ་གྲོང་ཁྱེར་བྲག་གཡབ་རྫོང་རང་གྲུབ་ཤང་གི་ལག་ཤེས་བཟོ་རྩལ་པ་ནོར་བུ་བཀྲ་ཤིས་ཀྱིས་བོད་བཟོའི་ཀོ་སྒམ་བཟོ་བཞིན་པ།

རིག་གནས་ཡུལ་སྐོར།

2024ལོའི་ཀྲུང་གོ་རྒྱལ་སྤྱིའི་ཡུལ་སྐོར་ཚོང་འདུས་སུ་མངའ་རིས་ས་ཁུལ་རིག་གནས་དང་ཡུལ་སྐོར་ཅུས་ཀྱིས་ས་ཡུལ་དངོས་སུ་མངའ་རིས་རིག་གནས་ཡུལ་སྐོར་འོས་སྦྱོར་བྱེད་བཞིན་པ།

དམངས་འཚོ།

མངའ་རིས་ས་ཁུལ་རྩ་མདའ་རྫོང་གི་ལོ་དགུའི་རྒྱུན་འཇགས་ལམ་ལུགས་སློབ་གྲྭའི་སློབ་མས་ལུས་རྩལ་ར་བར་སྤོ་ལོ་རྒྱག་བཞིན་པ།

བོད་ཀྱི་གསོ་རིག་བྱ་གཞག་དང་ཐོན་ལས།

ཆབ་མདོ་གྲོང་ཁྱེར་ཀོང་ཡུས་འགྲོ་ཕན་སྨན་ལས་ཚད་ཡོད་ཀུང་སིའི་ལས་དོན་པས་མུ་འབྲེལ་ལས་རིམ་སྟེང་བོད་སྨན་བཟོ་བཞིན་པ།

ཞིང་འབྲོག་ལས།

ལྷ་ས་གྲོང་ཁྱེར་ཆུ་ཤུར་རྫོང་གསུམ་ལྡན་གྲོང་ཚོའི་བོད་བྱ་གསོ་ཚགས་མཉམ་ལས་ཁང་གི་ལས་དོན་པས་བོད་བྱ་གསོ་བཞིན་པ།

ཕྱི་ཕྱོགས་ཚོང་དོན།

ནེ་པ་ལའི་ཚོང་ཟོག་སྐྱེལ་འདྲེན་རླངས་འཁོར་སྐྱིད་གྲོང་འགག་སྒོ་ནས་ཐོན་པ།

ནུས་རྒྱུ་གཙང་མ།

ལྷོ་ཁ་གྲོང་ཁྱེར་འཕྱོངས་རྒྱས་རྫོང་སྦས་སྣ་གྲོང་ཚོའི་ཀྲའོ་ཝ་50ཟིན་པའི་འོད་ཤུགས་ནུས་གསོག་རྣམ་གྲངས་ཡིན་པ།

འགྲིམ་འགྲུལ་སྐྱེལ་འདྲེན།

རང་སྐྱོང་ལྗོངས་འགྲིམ་འགྲུལ་སྐྱེལ་འདྲེན་ཐིང་འགྲིམ་འགྲུལ་གཉེར་སྐྱོང་བཀོད་འདོམས་ལྟེ་གནས་ཀྱི་ལས་དོན་པས་འགྲོ་ལམ་ལ་ལྟ་སྐུལ་ཚོད་འཛིན་བྱེད་བཞིན་པ།

ཞིང་ཆེན་ལམ་507གྱི་མལ་གྲོ་གུང་དཀར་རྫོང་རྩ་ཞོལ་ཤང་གི་ལམ་དུམ་ཡིན་པ།

2024ལོའི་ས་མཐོའི་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ལ་ཕྱིར་མིག་བལྟ་བ།

2024ལོ་ནི“ལོ་ལྔ་ཚན་བཅུ་བཞི་པའི”འཆར་འགོད་ལག་བསྟར་བྱེད་པའི་འགག་རྩའི་ལོ་ཞིག་ཡིན་ལ། རང་སྐྱོང་ལྗོངས་ཀྱི་ཏང་གི་འཐུས་མི་ཚོགས་ཆེན་ཐེངས་བཅུ་པའི་བཀོད་སྒྲིག་དོན་འཁྱོལ་དང“འཛུགས་གཏོད་བཞིར”སྐུལ་འདེད་གཏོང་བའི་འགག་སྒྲོལ་གྱི་ལོ་ཞིག་ཀྱང་རེད། མཐུན་སྦྱོར་དང་། ལྗང་མདོག སྒོ་དབྱེ་བཅས་ཀྱི་འཕེལ་རྒྱས་ཀྱི་འདུ་ཤེས་གསར་པར་དམིགས་ཏེ་བོད་ཀྱིས་གཙོ་གནད་ལས་འགན་གྱི་གསལ་ཐོ་40ལྷག་ཙམ་བཏོན་ཞིང་། ས་མཐོའི་དཔལ་འབྱོར་སྤུས་ཚད་མཐོ་བའི་འཕེལ་རྒྱས་ལ་གྲུབ་འབྲས་གསར་པ་དང་ཕན་འབྲས་གསར་པ་ཐོན་པའི་འགན་ལེན་བྱས་ཏེ་ཀྲུང་གོའི་ལུགས་ཀྱི་དེང་རབས་ཅན་གྱི་བོད་ཀྱི་ལག་ལེན་གྱི་ལེའུ་གསར་པ་ནུས་ཤུགས་ཡོད་རྒུས་རྩོམ་བཞིན་ཡོད་པ་རེད།

འཕེལ་རྒྱས་ལ་མཐུན་སྦྱོར་དང་། གྲུབ་ཚུལ་འགྱུར་ལྡོག་ལ་སྐུལ་སྤེལ་བྱས་པ། དུས་ཚིགས་དང་པོ་ནས་གསུམ་པའི་བར་བོད་ཀྱི་ཡུལ་མི་ཡོངས་ཀྱི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་21777ཟིན་པ་དེ་དུས་མཚུངས་ལས་8.1%འཕར་བ་དང་འཕར་ཚད་རྒྱལ་ཡོངས་ཀྱི་ཆ་སྙོམས་ཆུ་ཚད་ལས་བརྒྱ་ཆའི་གྲངས་2.9ཡིས་མཐོ་བ་དང་། གྲོང་ཁྱེར་དང་གྲོང་རྡལ་གྱི་གྲོང་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་42766ཟིན་ནས་6.5%འཕར་བ་དང་འཕར་ཚད་རྒྱལ་ཡོངས་ཀྱི་ཆ་སྙོམས་ཆུ་ཚད་ལས་བརྒྱ་ཆའི་གྲངས་2.0གྱིས་མཐོ་བ། གྲོང་གསེབ་ཀྱི་ཡུལ་མི་མི་རེའི་ཆ་སྙོམས་བཀོལ་སྤྱོད་ཆོག་པའི་ཡོང་འབབ་སྒོར་13547ཟིན་ནས་8.2%འཕར་བ་དང་། འཕར་ཚད་རྒྱལ་ཡོངས་ཀྱི་ཆ་སྙོམས་ཆུ་ཚད་ལས་བརྒྱ་ཆའི་གྲངས་1.6གིས་མཐོ་བ་ཡོད་པ་རེད།

ལྗང་མདོག་འཕེལ་རྒྱས་ཀྱིས་ཕན་ནུས་འགྱུར་ལྡོག་ལ་སྒུལ་ཤུགས་སྦྱིན་པ། ཟླ་8པའི་བར་རང་ལྗོངས་ཀྱི་སྐྱེ་ཁམས་ཤེས་དཔལ་མཐོ་ས་འཛུགས་སྐྲུན་གྱི་རྣམ་གྲངས་14ཚང་མ་ལས་འགོ་བཙུགས་པ་དང་མ་དངུལ་སྒོར་དུང་ཕྱུར་76དོན་འཁྱོལ་བྱས་ཡོད། ཁག་གསུམ་པའི་རང་སྐྱོང་ལྗོངས་ཀྱི་སྐྱེ་ཁམས་ཤེས་དཔལ་འཛུགས་སྐྱོང་དཔེ་སྟོན་ཁུལ་2203ལ་མིང་བཏགས་པ་དང་། ཁག་བཞི་པའི་རང་སྐྱོང་ལྗོངས་ཀྱི་སྐྱེ་ཁམས་ཤེས་དཔལ་དཔེ་སྟོན་ཁུལ་གཏོད་འགོ་ཚུགས་པ་རེད། ས་ཁུལ་དང་གྲོང་ཁྱེར་བདུན་གྱི་མཁའ་རླུང་སྤུས་ཚད་ལེགས་པའི་ཉིན་གྲངས་ཀྱི་བསྡུར་གྲངས་96.9%ཟིན་པ། གཙང་པོ་དང་། ཆུ་བོ། མཚེའུ་བཅས་གཙོ་བོའི་ཆུའི་སྤུས་ཚད་རིགས་Ⅲལ་སླེབས་པའམ་ཡང་ན་དེ་ལས་ལེགས་པའི་ཆུའི་བསྡུར་གྲངས་100%ཟིན་པ་མ་ཟད། ས་རྒྱུའི་ཁོར་ཡུག་སྤྱིར་ན་བརྟན་པ་དང་ལྗོངས་ཡོངས་ཀྱི་སྐྱེ་ཁམས་ཁོར་ཡུག་གི་སྤུས་ཚད་ཡག་པོ་སྤྱིར་ན་་རྒྱུན་འཁྱོངས་ཐུབ་ཡོད།

སྒོ་དབྱེའི་འཕེལ་རྒྱས་ཀྱིས་གནས་སྟངས་ཀྱི་འགྱུར་ལྡོག་ལ་ཕན་སྐུལ་བྱས་པ། སྒོ་དབྱེ་ནི་བོད་སྤུས་ཚད་མཐོ་བའི་འཕེལ་རྒྱས་ཡོང་བའི་ལྡོག་མེད་ལམ་བུ་ཡིན། ཉེ་བའི་ལོ་ཤས་རིང་། བོད་ཀྱིས་སྒོ་དབྱེ་མཉམ་ལས་ཀྱི“གྲོགས་ཚོགས”རྒྱ་ཆེ་རུ་གཏོང་བ་མཐའ་འཁྱོངས་བྱས་ཤིང་། ལྷ་ས་འགག་སྒོ་ལས་ཁུངས་ཀྱི་བསྡོམས་རྩིས་ལྟར་ན། ད་ལོའི་དུས་ཚིགས་དང་པོ་ནས་གསུམ་པའི་བར་བོད་ཀྱི་ཕྱི་ཕྱོགས་ཚོང་དོན་ལ་རིམ་རྩིས་བྱས་ན་ཕྱིར་གཏོང་དང་ནང་འདྲེན་བྱེད་ཚད་སྒོར་དུང་ཕྱུར་84.36ཟིན་པ་དེ་དུས་མཚུངས་ལས་10.2%འཕར་བ་དང་འཕར་ཚད་རྒྱལ་ཡོངས་ཀྱི་ཆུ་ཚད་ལས་མཐོ་བ་ཡོད། དེའི་ནང་ཕྱིར་གཏོང་བྱེད་ཚད་སྒོར་དུང་ཕྱུར་74.55ཟིན་ནས་4.2%འཕར་བ་དང་། ནང་འདྲེན་བྱེད་ཚད་སྒོར་དུང་ཕྱུར་9.81ཟིན་ནས་96.3%འཕར་ཡོད།