བློ་སེམས་མཐུན་པའི་གྲོགས་པོ།
ཁྲེན་དབྱི་མིང་།
པར་ཙིར་གྱི་ཙུང་ཐུང་གཟིམ་ཤག་ལེ་མིང་ཕོ་བྲང་དུ། ས་གནས་དེ་གའི་དུས་ཚོད་ཟླ་11ཚེས་20ཉིན་གྱི་སྔ་དྲོར། ཙུང་ཐུང་ལུའུ་ལཱ་ཡིས་འདི་གར་ཀྲུའུ་ཞི་ཞི་ཅིན་ཕིང་ལ་དགའ་བསུ་ཞུ་བའི་མཛད་སྒོ་གཉེར་བ་རེད། རྒྱལ་ཁབ་གཉིས་པོའི་གཙོ་བདག་གིས་ཀྲུང་གོ་དང་པར་ཙིར་གྱི་འབྲེལ་བའི་ངེས་གནས་དེ་སྔར་བས་དྲང་གཞག་གི་འཛམ་གླིང་དང་སྔར་བས་རྒྱུན་མཐུད་ཆོག་པའི་གོ་ལ་ཞིག་མཉམ་དུ་སྐྲུན་པའི་ཀྲུང་པར་གྱི་ལས་དབང་གཅིག་མཐུན་ཚོགས་པར་རིམ་པ་སྤོར་རྒྱུའི་ཁྱབ་བསྒྲགས་བྱས་པ་དང་འབྲེལ། “རྒྱུད་གཅིག་ལམ་གཅིག”མཉམ་སྐྲུན་གྱི་གྲོས་འགོ་དེ་པར་ཙིར་གྱི་འཕེལ་རྒྱས་འཐབ་ཇུས་དང་འབྲེལ་མཐུད་བྱས་ནས་དཔལ་འབྱོར་ཚོང་དོན་དང་། རྨང་གཞིའི་སྒྲིག་བཀོད། དངུལ་རྩ། ཚན་རྩལ། ཁོར་ཡུག་སྲུང་སྐྱོང་སོགས་གཙོ་གནད་ཁྱབ་ཁོངས་ཀྱི་མཉམ་ལས་ཟབ་ཏུ་གཏོང་རྒྱུའི་གཏན་འབེབས་ཀྱང་བྱས་པ་རེད། དེ་ནི་ཀྲུང་གོ་དང་པར་ཙིར་གྱི་འབྲེལ་བའི་ལོ་རྒྱུས་ཐོག་གི་ལོ་རྒྱུས་རང་བཞིན་གྱི་དུས་སྐབས་ཤིག་ཡིན་ཞིང་། རྒྱལ་ཁབ་གཉིས་ཀྱི་སོ་སོའི་དེང་རབས་ཅན་གྱི་མྱུར་ཚད་མགྱོགས་སུ་གཏོང་བར་རམ་འདེགས་བྱ་རྒྱུ་རེད་ལ། ཀྲུང་གོ་དང་པར་ཙིར་གྱིས་མིག་སྔའི་རྒྱལ་སྤྱིའི་དུས་བབ་འོག་ལག་གདང་སྦྲེལ་ནས་རྒྱལ་སྤྱིའི་དྲང་གཞག་དྲང་བདེན་སྲུང་སྐྱོང་དང་གོ་ལ་ཧྲིལ་པོའི་བཅོས་སྐྱོང་འཐུས་སྒོ་ཚང་དུ་གཏོང་བར་སྐུལ་འདེད་གཏོང་བའི་ཆོད་སེམས་ཀྱང་མངོན་ཡོད།
ཕྱི་འབྲེལ་བཙུགས་ནས་དུས་རབས་ཕྱེད་ཀ་སོང་ཚུན། ཀྲུང་པར་གྱི་འབྲེལ་བ་ཐོག་མཐའ་བར་གསུམ་དུ་སྐྱོན་བྲལ་དང་བརྟན་པོའི་ངང་འཕེལ་རྒྱས་ཡོང་བ་རྒྱུན་འཁྱོངས་ཐུབ་ཡོད། ཀྲུང་པར་གྱིས་མཉམ་དུ་ཞིབ་བཟོ་བྱས་པའི་སའི་གོ་ལའི་ཐོན་ཁུངས་སྲུང་སྐར་གྱིས་གྲངས་གཞི་མཁོ་འདོན་བྱས་ནས་ཡ་མ་སུན་ས་ཁུལ་གྱི་ནགས་ཚལ་སྲུང་སྐྱོང་ལ་རམ་འདེགས་བྱས་པ་དང་། ཤུས་ཀུང་པར་ཙིར་དུ་ཐོན་སྐྱེད་ལ་མཁོ་བའི་ལྷུ་ལག་ཕྱེད་ཀ་ས་གནས་དེ་གར་མཁོ་སྤྲོད་ཐུབ་ནས་པར་ཙིར་གྱི་འབྲེལ་ཡོད་ཐོན་ལས་འཕེལ་རྒྱས་ལ་སྐུལ་འདེད་ནུས་ལྡན་ཐེབས་པ་སོགས་མ་འོངས་པར་པར་ཙིར་ནས་ཐོན་པའི་རྒུན་འབྲུམ་སོས་པ་དང་། ཏིལ། ཁྲེ་རྒོད་སོགས་ཀྲུང་གོའི་ཁྲོམ་རར་ཁྱབ་པ་དང་ཆབས་ཅིག ཀྲུང་པར་གྱི“ཆུང་ས་སྲན་མ་ནས་ཆེ་ས་བར་སྣང་བར”གྱི་དངོས་སྒྲུབ་མཉམ་ལས་ཀྱི་ནང་དོན་སྔར་བས་ཕུན་སུམ་ཚོགས་སུ་ཕྱིན་ནས་རྒྱལ་ཁབ་གཉིས་པོའི་དམངས་ཚོགས་ལ་བདེ་སྐྱིད་སྔར་བས་མང་བ་བསྐྲུན་རྒྱུ་རེད།
པར་ཙིར—ཀྲུང་གོའི་མཛའ་གྲོགས་མཐུན་ཚོགས་ཀྱི་ཀྲུའུ་ཞི་ཨེན་ལི་ཁེ·ཏ་ནོ་པུའུ་ལེ་ཅ་ལ་བཅར་འདྲི་ཞུ་རིང་། ཁོང་གིས་འཐུས་ཚབ་གནང་བའི་པར་ཙིར་གྱི་ལས་རིགས་ཁག་གི་མི་སྣས་རྒྱལ་ཁབ་གཉིས་པོའི་སྲོལ་རྒྱུན་མཛའ་གྲོགས་ལ་གཅེས་སྤྲས་དང་རྒྱལ་ཁབ་གཉིས་པོའི་མཛའ་མཐུན་ཟབ་ཏུ་འགྲོ་བར་རེ་སྒུག་བྱེད་ལུགས་ངས་གཏིང་ཟབ་ཚོར་བྱུང་། ཉེ་བའི་ལོ་ཤས་རིང་། པར་ཙིར་གྱི་ལི་གཡོད་རེ་ནེ་ལུའུ་ཀྲོའུ་དང་གྲོང་ཁྱེར་གྲོས་ཚོགས་ཀྱིས་ཁྲིམས་དོན་གྲོས་གཞི་ཁག་སོ་སོར་གྲོས་འཆམ་བྱས་ཏེ། “ཀྲུང་གོ-ལི་གཡོད་ཀྱི་མཛའ་གྲོགས་ཉིན་མོ”དང་ལི་གཡོད་ཀྱི“རྒྱ་ཡིག་ཉིན་མོ”བཙུགས་ཤིང་། ཕྱོགས་གཉིས་པོའི་མི་ཆོས་རིག་གནས་སྤེལ་རེས་ཀྱི་ནང་དོན་ཉིན་བཞིན་ཕུན་སུམ་ཚོགས་སུ་ཕྱིན་པ་དང་ཁྱབ་ཁོངས་ཉིན་བཞིན་རྒྱ་ཆེར་སོང་ནས་ཀྲུང་པར་གྱི་མཛའ་གྲོགས་བྱ་གཞག་དབྱར་མཚོ་རྒྱས་པ་ལྟར་འཕེལ་རྒྱས་བྱུང་ཡོད་པ་རེད།