ཉེ་ཆར། ཀྲུང་གོ་རྒྱང་རིང་མཚོ་ཐོག་སྐྱེལ་འདྲེན་ཚོགས་པའི་རོགས་སྐྱོར་འོག ཆབ་མདོ་གྲོང་ཁྱེར་ལྷོ་རོང་རྫོང་གི་མཐོ་སློབ་སློབ་ཐོན་སློབ་མ་ཁག་གསུམ་པ་སི་ཁྲོན་དུ་བསྐྱོད་དེ“ཚོགས་སྒྲིག་རྣམ་པའི”ལས་ཞུགས་ཉམས་ལེན་རྣམ་པའི་གསོ་སྦྱོང་ཕུན་སུམ་ཚོགས་པོའི་ངང་མཇུག་འགྲིལ་ནས། མི་20ལས་ཞུགས་ཐུབ་སྟེ་ལས་ཞུགས་ཐུབ་ཚད་100%ཟིན་ཞིང་། བྱ་ཐབས་དེས་མཐོ་སློབ་སློབ་ཐོན་སློབ་མའི་ལས་ཞུགས་ཐབས་ལམ་ཆེ་རུ་ཏན་ཏིག་ཕྱིན་ཡོད་པ་རེད།

ཤེས་རྟོགས་བྱུང་བར་གཞིགས་ན། འདི་ལོ་ཚུན་ལྷོ་རོང་རྫོང་གི་ལྗོངས་ཕྱིར“ཚོགས་སྒྲིག་རྣམ་པའི”ལས་ཞུགས་ཐུབ་པའི་མཐོ་སློབ་སློབ་ཐོན་སློབ་མ་75ཟིན་ཡོད། ལྗོངས་ཕྱིའི“ཚོགས་སྒྲིག་རྣམ་པའི”ལས་ཞུགས་ཉམས་ལེན་གསོ་སྦྱོང་ལ་ཕན་འབྲས་དངོས་ཐོན་རྒྱུའི་འགན་ལེན་བྱ་ཆེད། ལྷོ་རོང་རྫོང་མི་སྤྱི་ཅུས་ཀྱིས་དྲིལ་བསྒྲགས་སྐུལ་སློང་རྒྱ་ཁྱབ་བྱེད་པ་དང་། ལས་གནས་ལེགས་འདེམས་དང་བཀོད་སྒྲིག་འོས་འཚམ་བྱེད་པ། སྲིད་ཇུས་གསལ་འགྲེལ་བྱེད་ཤུགས་ཆེ་རུ་གཏོང་བ་བཅས་བྱས་ཐོག་ཆེད་མི་བཀོད་སྒྲིག་བྱས་ཏེ་མཐོ་སློབ་སློབ་ཐོན་སློབ་མ་ལྗོངས་ཕྱིར་ལས་ཞུགས་བྱེད་རིང་གི་འགྲིམ་འགྲུལ་དང་ཟས་སྡོད་སོགས་ཐད་ཀྱི་འགན་ལེན་ལས་དོན་ལ་ཆེད་མངགས་འགན་ཁུར་ནས། ལས་གནས་སུ་མ་ཞུགས་གོང་གི་གསོ་སྦྱོང་དང་ལས་གནས་སུ་ཚོད་ལྟ་ཉམས་ལེན་བྱས་པ་བརྒྱུད་ཐེམ་ཁུངས་ལྷོ་རོང་ནས་ཡིན་པའི་མཐོ་སློབ་སློབ་ཐོན་སློབ་མ་ལས་གནས་ཀྱི་བླང་བྱ་དང་མགྱོགས་མྱུར་འཚམ་པར་བྱས་པ་རེད།