“སར་ཀྲུང་རྒྱལ་ཁབ་གཉིས་ཀྱི‘འགྱུར་མེད་མཛའ་གྲོགས’ལ་དོན་སྙིང་གལ་ཆེན་ལྡན་པ”
—— སར་པི་ཡའི་སྤྱི་ཚོགས་ཏང་གི་ཀྲུའུ་ཞི་དང་ཙུང་ལི་གཞོན་པ་ཏཱ་ཆི་ཆིར་བཅར་འདྲི་བྱས་པ།
“ཀྲུང་གོའི་འཕེལ་རྒྱས་ཀྱི་གྲུབ་འབྲས་ལ་སྐྱེ་བོ་ཀུན་གྱིས་དོ་སྣང་བྱེད་ཅིང་། སར་པི་ཡས་དེར་ཚད་མཐོའི་དོ་ཁུར་བྱེད་པ་དང་འབྲེལ་གུས་བཀུར་ཡང་བྱེད་ཀྱི་ཡོད། ཡོ་རོབ་དབུས་ཤར་ས་ཁུལ་དུ་ཡོད་པའི་ཀྲུང་གོའི་མཉམ་ལས་རོགས་ཟླ་གཙོ་བོར་གྱུར་ནས་སར་ཀྲུང་དབར་གྱི་འབྲེལ་བ་དེ་ཡོ་རོབ་རྒྱལ་ཁབ་དང་ཀྲུང་གོའི་འབྲེལ་བའི་ཁྲོད་ཀྱི་དཔེ་མཚོན་ཞིག་ཏུ་འགྱུར་རྒྱུའི་རེ་བ་ཡོད”ཅེས་སར་པི་ཡའི་སྤྱི་ཚོགས་ཏང་གི་ཀྲུའུ་ཞི་དང་ཙུང་ལི་གཞོན་པ་ཏཱ་ཆི་ཆིས་ཉིན་ཤས་གོང་འདི་ག་ཚགས་པར་གྱི་གསར་འགོད་པའི་ཆེད་དོན་བཅར་འདྲི་དང་ལེན་བྱེད་སྐབས་དེ་ལྟར་བརྗོད།
“ཀྲུང་གོ་གུང་ཁྲན་ཏང་གིས་ཀྲུང་གོ་མི་དམངས་ལ་མཐུན་སྒྲིལ་སྣེ་ཁྲིད་བྱས་ཏེ་འགག་སྒྲོལ་དཀའ་སེལ་དང་གསར་འབྱེད་ཡར་བརྩོན་བྱས་པས་ཀྲུང་གོའི་དབུལ་སྒྲོལ་འགག་སྒྲོལ་གྱི་དམག་འཐབ་ལ་ཕྱོགས་ཡོངས་ནས་རྒྱལ་ཁ་ཐོབ་སྟེ། ཀྲུང་གོའི་ལུགས་ཀྱི་དེང་རབས་ཅན་ལ་ཕྱོགས་ཡོངས་ནས་སྐུལ་འདེད་གཏོང་བཞིན་ཡོད་པ་དང་ཐོན་སྐྱེད་ནུས་ཤུགས་གསར་མ་མགྱོགས་མྱུར་འཕེལ་རྒྱས་གཏོང་བཞིན་ཡོད། མིག་སྔར། ཀྲུང་གོའི་དཔལ་འབྱོར་ཕྱོགས་སྒྱུར་རིམ་སྤོར་ཁྲོད་བརྟན་པོའི་ངང་འཕར་རྒྱུ་རྒྱུན་འཁྱོངས་ཐུབ་ཡོད། གྲུབ་འབྲས་འདི་དག་ཀྲུའུ་ཞི་ཞི་ཅིན་ཕིང་གི་གཟིགས་རྒྱང་རིང་ལ་མཁྱེན་རྒྱ་ཟབ་པ་དང་དེ་བཞིན་ཀྲུང་གོ་སྲིད་གཞུང་གིས་ནུས་ཆེའི་ལག་བསྟར་བྱེད་ཤུགས་དང་ཁ་འབྲལ་ཐབས་མེད”ཅེས་ཏཱ་ཆི་ཆིས་བརྗོད།
ད་ལོའི་ཟླ་5པར། ཀྲུའུ་ཞི་ཞི་ཅིན་ཕིང་གིས་སར་པི་ཡར་རྒྱལ་དོན་འཚམས་འདྲི་གནང་ཞིང་། ཁོང་གིས་ཀྲུའུ་ཞི་ཞི་ཅིན་ཕིང་གིས་ལོ་8རིང་སར་པི་ཡར་འཚམས་འདྲི་ཐེངས་གཉིས་གནང་བ་དེ་ཐོག་ནས་རྒྱལ་ཁབ་གཉིས་པོའི“འགྱུར་མེད་མཛའ་གྲོགས”འཕེལ་རྒྱས་གཏོང་རྒྱུར་ཚད་མཐོའི་མཐོང་ཆེན་གནང་ལུགས་མཚོན་ཡོད། ད་ཐེངས་ཀྱི་འཚམས་འདྲི་དེས་རྒྱལ་ཁབ་གཉིས་པོའི་ཕྱོགས་ཡོངས་ཀྱི་འཐབ་ཇུས་རོགས་ཟླའི་འབྲེལ་བ་ཟབ་ཏུ་དང་མཐོ་རུ་གཏོང་རྒྱུར་དོན་སྙིང་གལ་ཆེན་ལྡན་ཡོད་ཅེས་བརྗོད།
སར་པི་ཡ་ནི་ཀྲུང་གོ་དང“རྒྱུད་གཅིག་ལམ་གཅིག”མཉམ་སྐྲུན་མཉམ་ལས་ཡིག་ཆར་མིང་རྟགས་འགོད་སྔ་ཤོས་ཀྱི་ཡོ་རོབ་རྒྱལ་ཁབ་ཀྱི་གྲས་ཤིག་ཡིན་པ་དང་ཕྱོགས་གཉིས་པོའི་ཁྱབ་ཁོངས་ཁག་གི་གཉིས་ཁེ་མཉམ་ལས་ལ་གྲུབ་འབྲས་གལ་ཆེན་ཐོབ་ཡོད། སར་པི་ཡའི་གཞུང་ལམ་དང་ལྕགས་ལམ་སོགས་རྨང་གཞིའི་སྒྲིག་བཀོད་གསར་སྐྲུན་ནམ་ཡང་ན་ཉམས་གསོ་ཐུབ་པ་དང་དེང་རབས་ཅན་གྱི་ནུས་རྒྱུ་དང་བཟོ་ལས་ཁེ་ལས་ཁག་གཅིག་དར་རྒྱས་བྱུང་ནས་སར་པི་ཡའི་དཔལ་འབྱོར་འཕེལ་རྒྱས་ཀྱི་ཆུ་ཚད་མཐོ་རུ་ཕྱིན་ཡོད།
“སར་ཀྲུང་གི‘འགྱུར་མེད་མཛའ་གྲོགས’ལ་དོན་སྙིང་གལ་ཆེན་ལྡན་ཡོད” ཏཱ་ཆི་ཆི་ཡིས་སར་པི་ཡ་ཕྱོགས་ཀྱིས་ཀྲུང་གོས་བཏོན་པའི་གོ་ལ་ཧྲིལ་པོའི་འཕེལ་རྒྱས་ཀྱི་གྲོས་འགོ་སོགས་རྒྱལ་སྤྱིའི་སྤྱི་པའི་ཐོན་རྫས་ལ་རྒྱབ་སྐྱོར་ཧུར་ཐག་བྱེད་ཀྱི་ཡོད། ཀྲུང་གོ་དང་མཉམ་ལས་བྱས་པ་དེས་སར་པི་ཡར་དར་རྒྱས་ཡོང་རྒྱུ་མ་ཟད། དེ་བས་དྲང་གཞག་དང་ལུགས་མཐུན་གྱི་གོ་ལ་ཧྲིལ་པོའི་བཅོས་སྐྱོང་མ་ལག་འཛུགས་རྒྱུར་སྐུལ་འདེད་གཏོང་ཆེད་སྟོབས་ཤུགས་ལེགས་སྐྱེས་སུ་འབུལ་རྒྱུ་རེད་ཅེས་བརྗོད།