ཕེ་རུའི་ཆན་ཁའེ་གྲུ་ཁ་ནི་ཀྲུང་གོ་དང་ཕེ་རུའི“རྒྱུད་གཅིག་ལམ་གཅིག”མཉམ་སྐྲུན་གྱི་གཙོ་གནད་རྣམ་གྲངས་ཤིག་ཡིན་པ་དང་ས་གནས་དེ་གའི་དུས་ཚོད་ཟླ་11ཚེས་14ཉིན་གྲུ་ཁ་དངོས་སུ་སྤྱོད་འགོ་ཚུགས་པ་རེད། གྲུ་ཁ་སྤྱོད་འགོ་ཚུགས་རྗེས་ཀྲུང་གོ་དང་ཕེ་རུའི་དབར་མཚོ་ཐོག་སྐྱེལ་འདྲེན་གྱི་དུས་ཚོད་ཉིན་23བར་ཐུང་དུ་ཕྱིན་པ་དང་ཟོག་འགྲེམས་མ་གནས་20%ཡན་གྲོན་ཆུང་ཐུབ་ཅིང་། འདི་ནི་ཆན་ཁའེ་གྲུ་ཁའི་ཟུར་ཞིག་ཡིན་པ། (ཤིན་ཧྭ་གསར་འགྱུར་ཁང་གི་གསར་འགོད་པ་ལི་མོང་ཤིན་གྱིས་པར་བརྒྱབ)

2013ལོར“རྒྱུད་གཅིག་ལམ་གཅིག”མཉམ་སྐྲུན་གྱི་གྲོས་འགོ་བཏོན་པ་དང་ཆབས་ཅིག་ཀྲུང་ཡོའི་དུས་གཏན་མེ་འཁོར་ཡང་དེ་དང་ཆབས་ཅིག་འབྱུང་ཞིང་། འདི་ལོའི་ཟླ་11ཚེས་20ཉིན། ཀྲུང་ཡོའི་དུས་གཏན་མེ་འཁོར་གཏོང་ཐེངས་ཁྲི་བཅུ་པ་རྒྱལ་མཚམས་ནས་དངོས་སུ་ཐོན་ཡོད། མིག་སྔའི་བར་རིམ་རྩིས་བརྒྱབ་ན། ཀྲུང་ཡོའི་དུས་གཏན་མེ་འཁོར་གྱིས་དངོས་ཟོག་དབོར་འདྲེན་བྱེད་ཚད་ཚད་ལྡན་དོས་སྒམ་ཁྲི་1100ལྷག་ཙམ་ཟིན་པ་དང་དངོས་ཟོག་གི་རིན་ཐང་ཨ་སྒོར་དུང་ཕྱུར་4200ལྷག་ཙམ་ཟིན་པ། དངོས་ཟོག་རིགས་ཆེ་གྲས་53གྱི་སྣ་ཁ་ཁྲི་5ལྷག་ཙམ་ཟིན་ཡོད། འདི་ནི་ཀྲུང་ཡོའི་དུས་གཏན་མེ་འཁོར་ཤིན་ཅང་གི་ཝུའུ་ལུའུ་མུའུ་ཆིའི་ཏ་པན་གྲོང་གི་འདམ་ར་བརྒྱུད་སྐྱོད་བཞིན་པ། པའེ་ཧྥེང་ལེང་གིས་པར་བརྒྱབ། (ཤིན་ཧྭ་གསར་འགྱུར་ཁང་གིས་སྤེལ)

ཐ་ཇིག་སི་ཐན་གྱི་རྒྱལ་ས་དུ་ཤང་པེའི་ལུའུ་པན་བཟོ་ཁང་དུ་ཐེན་ཅིན་གྲོང་ཁྱེར་འཛུགས་སྐྲུན་དོ་དམ་ལས་རིགས་ལག་རྩལ་སློབ་གླིང་ནས་ཡོང་བའི་དགེ་རྒན(གཡོན)གྱིས་ས་གནས་དེ་གའི་སློབ་མར་མཛུབ་ཁྲིད་བྱེད་བཞིན་པ། (ཤིན་ཧྭ་གསར་འགྱུར་ཁང་གི་གསར་འགོད་པ་ཀྲེང་ཁའེ་ཅུན་གྱིས་པར་བརྒྱབ)

རང་རྒྱལ་གྱིས་ས་ཁོངས་ཕྱིར་བརྒྱུད་རིམ་ཧྲིལ་པོར་རྩད་ཞིབ་དང་། ཇུས་འགོད། འཛུགས་སྐྲུན་བཅས་བྱས་པའི་མྱུར་བགྲོད་ལྕགས་ལམ་རྣམ་གྲངས་ཐོག་མ་དང་ཀྲུང་གོ་དང་ཧིན་རྡུ་ཉི་ཞི་ཡའི“རྒྱུད་གཅིག་ལམ་གཅིག”མཉམ་སྐྲུན་མཉམ་ལས་ཀྱི་དཔེ་མཚོན་ཞིག་ཡིན་པའི་ཅ་དབན་མྱུར་བགྲོད་ལྕགས་ལམ་ན་ནིང་ཟླ་10ཚེས་17ཉིན་དངོས་སུ་ཤར་གཏོང་ཐུབ་ཡོད། འདི་ནི་འགྲུལ་པས་ཅ་དབན་མྱུར་བགྲོད་ལྕགས་ལམ་གྱི་ཤུགས་འགྲེམས་མེ་འཁོར་མདུན་དུ་དྲན་རྟེན་པར་རྒྱག་བཞིན་པ། (ཤིན་ཧྭ་གསར་འགྱུར་ཁང་གི་གསར་འགོད་པ་ཞུས་ཆིན་གྱིས་པར་བརྒྱབ)

“རྒྱུད་གཅིག་ལམ་གཅིག”མཉམ་སྐྲུན་རྒྱལ་ཁབ་ཀྱིས་ལས་ཀའི་ལམ་ལུགས་སྦྲེལ་མཐུད་དང་། ལག་རྩལ་གྱི་ཚད་གཞི་མཐུན་སྦྱོར། ཞིབ་བཤེར་གྲུབ་འབྲས་ཕན་ཚུན་ཁས་ལེན་སོགས་ཀྱི་ཐད་མཉམ་ལས་ལ་ཤུགས་སྣོན་དང་ཚད་གཞི་གཅིག་གྱུར་ཡོང་བ་བྱས་པས་ཚོང་དོན་རང་མོས་ཅན་དང་སྟབས་བདེ་ཅན་གྱི་ཆུ་ཚད་རྒྱུན་ཆད་མེད་པར་མཐོ་རུ་ཕྱིན་ཡོད། ཧྲང་ཧའེ་དབྱང་ཧྲན་གྲུ་ཁའི་འགག་སྒོ་ལས་ཁུངས་ཀྱིས་མཉམ་སྐྲུན་རྒྱལ་ཁབ་ཀྱི་ཕྱིར་གཏོང་ནང་འདྲེན་དངོས་ཟོག་གི་འབྲེལ་ཡོད་ཚད་གཞི་སྦྲེལ་མཐུད་བྱས་ནས་འགག་སྒྲོལ་གཞི་གཅིག་ཅན་གྱི་བྱེད་ཐབས་རེ་ཞུ་བྱ་རྒྱུར་སྐུལ་འདེད་བཏང་སྟེ་འགག་སྒྲོལ་གྱི་ལས་ཆོད་ཆེ་རུ་བཏང་ཞིང་། འདི་ནི་མི་མེད་རང་འགུལ་ཅན་གྱི་འདྲེན་ཐག་རླངས་འཁོར་གྱིས་དབྱང་ཧྲན་གྲུ་ཁ་ནས་དོས་སྒམ་དབོར་བཞིན་པ། (ཝང་ཁྲུའུ་ཡིས་པར་བརྒྱབ)

“དར་གོས་ལམ་བུའི་དྲ་ཐོག་ཚོང་དོན”གྱི་རྒྱལ་སྤྱིའི་མཉམ་ལས་ལ་སྐུལ་འདེད་གཏིང་ཟབ་བཏང་བ་དང་སྦྲགས“རྒྱུད་གཅིག་ལམ་གཅིག”མཉམ་སྐྲུན་རྒྱལ་ཁབ་ཀྱི་ཕྱོགས་གཉིས་དང་ཕྱོགས་མང་གི་གྲངས་འཛིན་ཚོང་དོན་སྒྲིག་སྲོལ་སྦྲེལ་མཐུད་བྱེད་ཤུགས་རྒྱུན་ཆད་མེད་པར་ཆེ་རུ་ཕྱིན་ཞིང་། འདི་ནི“དར་གོས་ལམ་བུའི་དྲ་ཐོག་ཚོང་དོན”གྱི་མཉམ་ལས་ལམ་སྲོལ་ལ་བརྟེན་ནས་ཁེན་ནི་ཡའི་སྙན་སྒྲོན་པ་གཙོ་བོ་ཏི་ཁེ་སེན·ཨེན་ཀན་ཅཱ་ཡིས་ས་གནས་དེ་གར་ཐད་གཏོང་ཟོག་ཚོང་བྱེད་བཞིན་པ། ལིའུ་ཝན་ཆིན་གྱིས་པར་བརྒྱབ། (ཤིན་ཧྭ་གསར་འགྱུར་ཁང་གིས་སྤེལ)

འདི་ལོའི་ཟླ་10པར་དངོས་སུ་ལས་མཇུག་འགྲིལ་བའི་ཕ་ཁི་སི་ཐན་གྱི་ཀོ་ཏར་རྒྱལ་སྤྱིའི་གནམ་ཐང་གསར་པ་ནི་ཀྲུང་ཕའི་དཔལ་འབྱོར་བར་ཁྱམས་འཛུགས་སྐྲུན་སྔར་བས་གཏིང་ཟབ་ཏུ་འགྲོ་བའི་མཚོན་རྟགས་གལ་ཆེན་ཞིག་རེད། ཀྲུང་ཕའི་དཔལ་འབྱོར་བར་ཁྱམས་འཛུགས་སྐྲུན་ལ་སྐུལ་འདེད་ནུས་ལྡན་བཏང་བ་དེ་སྤུས་ཚད་མཐོ་པོས“རྒྱུད་གཅིག་ལམ་གཅིག”མཉམ་སྐྲུན་གྱི་དཔེ་སྟོན་རང་བཞིན་གྱི་རྣམ་གྲངས་ཤིག་ཏུ་གྱུར་ཡོད། འདི་ནི་ཀོ་ཏར་རྒྱལ་སྤྱིའི་གནམ་ཐང་གསར་པ་ཡིན་པ། ཨའེ་ཧ་མའེ་ཏེ་·ཁ་མའེ་ལེས་པར་བརྒྱབ། (ཤིན་ཧྭ་གསར་འགྱུར་ཁང་གིས་སྤེལ)

ཧྥུའུ་ཅན་ཞིང་ནགས་སློབ་ཆེན་རྒྱལ་སྤྱིའི་རྩྭ་ཤ་མོ་འདུ་འགོད་ལག་རྩལ་ཞིབ་འཇུག་ལྟེ་གནས་ཀྱི་ལས་དོན་པས(གཡས)རུ་ཝང་ཏའི་ཕྱི་སྦྱོང་སློབ་མར་རྩྭ་ཤ་མོའི་རིགས“ལུའེ་ཀྲོའུ་ཨང་དང་པོ”སྟེ་ལུའུ་ཀྲུའུ་སྐྱེ་ཚུལ་ངོ་སྤྲོད་བྱེད་བཞིན་པ། (ཤིན་ཧྭ་གསར་འགྱུར་ཁང་གི་གསར་འགོད་པ་ལིན་ཧྲན་ཁྲོན་གྱིས་པར་བརྒྱབ)

པོ་ཚི་ཝ་ནའི་ལྷོ་རྒྱུད་དུ་གནས་པའི་མོ་ཕ་ཉི་སློབ་ཆུང་ནི་ཀྲུང་གོས་རོགས་སྐྲུན་བྱས་པའི་དེང་རབས་ཅན་གྱི་སློབ་གྲྭ་ཞིག་ཡིན་ཞིང་། དེས་ས་གནས་དེ་གའི་བྱིས་པའི་སློབ་གསོའི་ཆ་རྐྱེན་ལེགས་སུ་བཏང་ཡོད། འདི་ནི་མོ་ཕ་ཉི་སློབ་ཆུང་གི་སློབ་མ་ཡིན་པ། (ཤིན་ཧྭ་གསར་འགྱུར་ཁང་གི་གསར་འགོད་པ་ཧན་ཤུས་ཀྱིས་པར་བརྒྱབ)

ཀྲུང་ཨེའི་ལུའུ་ཁེ་སུའོ་མོང་ཐུའུ་ལྷ་ཁང་གི་མཉམ་འབྲེལ་གནའ་རྫས་རྟོག་ཞིབ་རྣམ་གྲངས་ལག་ལེན་བསྟར་རིང་གནའ་རྫས་སྔོག་འདོན་དང་རིག་དངོས་སྲུང་སྐྱོང་སོགས་ཐད་ལག་རྩལ་གྱི་ཚད་གཞི་རྒྱུན་ཆད་མེད་པར་གཅིག་གྱུར་བྱས་པ་དང་འབྲེལ། འདུ་ཤེས་དང་བྱེད་སྟངས་ཕན་ཚུན་སློབ་སྦྱོང་དང་དཔྱད་གཞིར་འཛིན་ཏེ་ལྷ་ཁང་གི་རྣམ་པ་དང་སྔོག་འདོན་བྱས་པའི་རིག་དངོས་མི་རྣམས་ཀྱི་མིག་ལམ་དུ་སླར་ཡང་མངོན་རྒྱུར་སྐུལ་འདེད་བཏང་ཞིང་། འདི་ནི་ལས་དོན་པས་རྣམ་གྲངས་ལག་ལེན་བསྟར་ཡུལ་གཙང་བཤེར་བྱེད་བཞིན་པ། (ཤིན་ཧྭ་གསར་འགྱུར་ཁང་གི་གསར་འགོད་པ་ཝང་ཏུང་ཀྲེན་གྱིས་པར་བརྒྱབ)

འདི་ལོའི་ཟླ་བ་དང་པོ་ནས་བཅུ་པའི་བར།

རང་རྒྱལ་གྱིས“རྒྱུད་གཅིག་ལམ་གཅིག”མཉམ་སྐྲུན་རྒྱལ་ཁབ་ལ་ཁྱོན་ཕྱིར་གཏོང་ནང་འདྲེན་སྒོར་དུང་ཕྱུར་ཁྲི་16.94བྱས་པ་དེ་དུས་མཚུངས་ལས་6.2%འཕར་བ།

རང་རྒྱལ་གྱི་ཁེ་ལས་ཀྱིས“རྒྱུད་གཅིག་ལམ་གཅིག”མཉམ་སྐྲུན་རྒྱལ་ཁབ་ཏུ་དངུལ་རྩའི་རིགས་མིན་པའི་ཐད་ཀའི་མ་འཇོག་སྒོར་དུང་ཕྱུར་1894.5བྱས་པ་དེ་དུས་མཚུངས་ལས་4.3%འཕར་བ།

རང་རྒྱལ་གྱི་ཁེ་ལས་ཀྱིས“རྒྱུད་གཅིག་ལམ་གཅིག”མཉམ་སྐྲུན་རྒྱལ་ཁབ་ཏུ་གན་རྒྱ་བཞག་ནས་འགན་གཙང་བླངས་པའི་ལས་གྲྭའི་གན་རྒྱ་གསར་པའི་དངུལ་འབོར་སྒོར་དུང་ཕྱུར་10566.7ཟིན་པ་དེ་དུས་མཚུངས་ལས་17.1%འཕར་བ།