དབུལ་ཕོངས་སེལ་རྒྱུ་ནི་གནའ་སྔ་མོ་ནས་བཟུང་མིའི་རིགས་ཀྱི་ཕུགས་བསམ་ཞིག་ཡིན་ལ། རྒྱལ་ཁབ་ཁག་གི་མི་དམངས་ཀྱིས་བདེ་སྐྱིད་འཚོ་བ་དོན་གཉེར་བྱེད་པའི་གཞི་རྩའི་དབང་ཆ་ཡང་ཡིན། ཀྲུང་གོའི་མི་འབོར་དབུལ་པོ་དུང་ཕྱུར་8ཚང་མ་དབུལ་སྒྲོལ་ཐུབ་ནས་མཉམ་འབྲེལ་རྒྱལ་ཚོགས་ཀྱི་2030ལོའི་རྒྱུན་མཐུད་ཆོག་པའི་འཕེལ་རྒྱས་གྲོས་རིམ་གྱི་དབུལ་པོ་ཉུང་གཏོང་གི་དམིགས་ཚད་སྔ་སྣུར་དུ་ལེགས་སྒྲུབ་བྱས་ཡོད། ཀྲུང་གོས་ལེགས་གྲུབ་བྱས་ཡོད་ལ་འཕེལ་རྒྱས་འགྲོ་བཞིན་པའི་རྒྱལ་ཁབ་གཞན་གྱིས་ཀྱང་་ལེགས་གྲུབ་བྱེད་ཐུབ།

ཞིང་ལས་ལག་རྩལ་རོགས་སྐྱོར་བྱེད་པ་དང་། འགྲོ་ལམ་གྱི་རྨང་གཞིའི་སྒྲིག་བཀོད་འཐུས་སྒོ་ཚང་དུ་གཏོང་བ། ལས་རིགས་རྩལ་ནུས་གསོ་སྦྱོང་བྱེད་པ་ལ་སོགས་ཀྲུང་གོས་རྒྱལ་སྤྱིའི་དབུལ་པོ་ཉུང་གཏོང་གི་མཉམ་ལས་ཧུར་ཐག་བྱས་ཏེ་ཀྲུང་གོའི་ལུགས་ཀྱི་དེང་རབས་ཅན་གྱི་རྒྱལ་སྤྱིའི་ལག་ལེན་ལ་བརྟེན་ནས་གོ་ལ་ཧྲིལ་པོའི་དབུལ་པོ་ཉུང་གཏོང་གི་བྱ་གཞག་འཕེལ་རྒྱས་ལ་སྐུལ་འདེད་བཏང་སྟེ་རྒྱལ་ཁབ་ཁག་གི་མི་དམངས་ཀྱི་དམངས་འཚོའི་བདེ་རྩ་ཆེ་རུ་གཏོང་རོགས་བྱས་ཡོད།

2020ལོར་འབྲི་ཆུའི་འགག་གསུམ་པར་ཙིར་ཀུང་སིས་ཡུལ་དེའི་ཁེ་འབབ་མིན་པའི་སྒྲིག་གཞི་མེ་ཨའོ་ཡི་རྒྱུན་མཐུད་ཆོག་པའི་ཞིབ་འཇུག་ཁང་དང་མཉམ་ལས་བྱས་ཏེ། པར་ཙིར་ལྷོ་རྒྱུད་ཀྱི་ཁཱ་ནུའོ་ཨ་སི་གཙང་པོའི་ངོགས་ཀྱི་ཀེ་ལི་པའོ་ཅི་ཆུ་ཤུགས་གློག་ཁང་གི་ཉེ་འགྲམ་དུ་འབབ་འཕར་ལས་གཏོད་ཀྱི་ཚོད་ལྟའི་རྣམ་གྲངས་སྤེལ་ཡོད། འདི་ནི་རྣམ་གྲངས་ནང་ཞུགས་མཁན་ཞིང་པས་བཏབ་པའི་འབྲི་ཏ་ས་འཛིན་ཡིན་པ། ནཱ་ཐཱ་ལི་ཡཱ·ཁར་ཏའེ་ལཱ·ཧྥུའུ་ལོར་གྱིས་པར་བླངས།

ཀྲུང་ཐའི་གཞུང་ལམ་ནི་ཐ་ཇིག་སི་ཐན་དམངས་ཚོགས་ཀྱིས་རེ་སྒུག་བྱེད་པའི“འཕེལ་རྒྱས་ཀྱི་ལམ་བུ”དང“ཕྱུག་འགྱུར་གྱི་ལམ་བུ”ཞིག་ཡིན། ཀྲུང་གོ་ལམ་ཟམ་ཀུང་སིས་སྐྲུན་འགན་འཁུར་བའི་ཀྲུང་ཐའི་གཞུང་ལམ་གྱི་དུས་ཐེངས་གཉིས་པའི་རྣམ་གྲངས་2022ལོར་དངོས་སུ་ལས་འགོ་ཚུགས་ཤིང་། རྣམ་གྲངས་དེ་བསྐྲུན་རྗེས་ཀྲུང་ཐའི་དབར་གྱི་སྐམ་ལམ་གྱི་འགྲིམ་འགྲུལ་གནས་བབ་སྔར་བས་ལེགས་སུ་ཕྱིན་ཏེ་ཡུལ་དེའི་དམངས་ཚོགས་ཕྱིར་སྐྱོད་པར་སྟབས་བདེ་བསྐྲུན་རྒྱུ་རེད། འདི་ནི་ཀྲུང་ཐའི་གཞུང་ལམ་གྱི་དུས་ཐེངས་གཉིས་པའི་རྣམ་གྲངས་འཛུགས་སྐྲུན་བྱ་ཡུལ་དུ་ཀྲུང་ཐ་རྒྱལ་ཁབ་གཉིས་ཀྱི་ལས་དོན་པས་སྣུམ་ནག་ལམ་འདིང་བཞིན་པ། འདི་ག་ཚགས་པར་གྱི་གསར་འགོད་པ་ཁྲེང་ཧྲེ་ཅེ་ཡིས་པར་བླངས།

2024ལོའི་ཟླ་5པར། ཨ་ཧྥེ་རི་ཁའི་གཞི་རིམ་ལས་བྱེད་པའི་དབུལ་པོ་ཉུང་གཏོང་གི་སྤེལ་རེས་གཟབ་སྦྱོང་འཛིན་གྲྭ་སྐབས་དང་པོ་བདེ་བླག་ངང་གཉེར་བ་དང་། ནི་ཀྲེ་རི་ཡ་དང་། རུ་ཝང་ཏ། སི་ར་ལ་ཨོང་། ལྷོ་ཨ་ཧྥེ་རི་ཁ། ཝུ་ཀན་ཏ། ཙམ་པབ་ཝེ་སོགས་རྒྱལ་ཁབ་6གི་སློབ་མ་27གྱིས་ཆེད་དོན་སློབ་ཁྲིད་དང་ས་ཆ་དངོས་སུ་རྟོག་ཞིབ་སོགས་ཀྱི་བྱེད་སྟངས་བརྒྱུད་སྤེལ་རེས་གཟབ་སྦྱོང་བྱས་ཡོད། འདི་ནི་གཟབ་སྦྱོང་འཛིན་གྲྭའི་སློབ་མས་སི་ཁྲོན་ལེ་ཧྲན་གྲོང་ཁྱེར་མཱ་པན་ཇ་ལོ་དེང་རབས་ཞིང་ལས་གླིང་དུ་རྟོག་ཞིབ་དང་སྤེལ་རེས་བྱེད་བཞིན་པ། འདི་ག་ཚགས་པར་གྱི་གསར་འགོད་པ་སུང་ཧའོ་ཤིན་གྱིས་པར་བླངས།

ལྷོ་ཨ་ཧྥེ་རི་ཁའི་མུའུ་ཕུའུ་མ་ལན་ཅ་ཞིང་ཆེན་དུ་གནས་པའི་པུའུ་ལེ་ཞིང་ལས་སློབ་གླིང་གིས་ཞིང་དུད་ཆུང་ངུར་ཞིང་ལས་ལག་རྩལ་གྱི་གསོ་སྦྱོང་བྱས་པ་རེད། 2021ལོ་ནས་བཟུང་ཀྲུང་གོ་འབྲུ་རིགས་ཚོགས་པའི་གཤམ་འོག་གི་ཀྲུང་གོ་འབྲུ་རིགས་རྒྱལ་སྤྱི་སྤྱི་ཁྱབ་པུའུ་ཡིས་སློབ་གླིང་དེར་རོགས་སྐྱོར་བྱེད་འགོ་ཚུགས་ཡོད། འདི་ནི་ས་གནས་དེ་གའི་སློབ་མས་གསོ་སྦྱོང་བྱ་ཡུལ་ཞིང་ནང་དུ་སློབ་སྦྱོང་བྱེད་བཞིན་པ། ཐ་ཉི་ཡ·ཝུའེ་སི་ཐེ་མ་ཁོ་ཐེས་པར་བླངས།

ལོ་སིའི་རྒྱལ་ས་ཝན་ཐེན་དུ་གནས་པའི་ཀྲུང་གོ་དང་ལོ་སིའི་མཉམ་ལས་ཞིང་ལས་སྐྱེ་དངོས་ཀྱི་སྤུས་ལེགས་སོན་བཟང་ཚོད་ལྟའི་ས་ཚིགས་ནི་ཀྲུང་གོས་ཨེ་ཤེ་ཡ་ཤར་ལྷོའི་མནའ་འབྲེལ་རྒྱལ་ཁབ་ཏུ་བསྐྲུན་པའི་ཞིང་ལས་སྐྱེ་དངོས་ཀྱི་སྤུས་ལེགས་སོན་བཟང་ཚོད་ལྟའི་ས་ཚིགས་དང་པོ་དེ་ཡིན། ཀྲུང་གོའི་ཀོང་ཤིས་ཞིང་ལས་ལས་རིགས་ལག་རྩལ་སློབ་ཆེན་དང་ལོ་སིའི་རྒྱལ་ཁབ་ཞིང་ལས་ནགས་ཚལ་དང་གྲོང་གསེབ་འཕེལ་རྒྱས་ཞིབ་འཇུག་ཁང་གིས་མཉམ་སྐྲུན་བྱས་པ་ཞིག་རེད། འདི་ནི་ཚོད་ལྟའི་ས་ཚིགས་ཀྱི་ལས་མིས་ཤིང་འབྲས་འབྲུག་སིལ་འཐུ་བཞིན་པ། འདི་ག་ཚགས་པར་གྱི་གསར་འགོད་པ་དབྱང་དབྱི་ཡིས་པར་བླངས།

ཧ་སག་སི་ཐན་གྱི་ལུའུ་པན་བཟོ་ཁང་ཐོག་མ་དེ་ཤར་ཧ་སག་སི་ཐན་ཀྲོའུ་ཡི་ལྟེ་བའི་གྲོང་ཁྱེར་ཨེ་སི་ཁེ་མོན་དུ་གནས་པ་དང་ཐེན་ཅིན་ལས་རིགས་སློབ་ཆེན་དང་ཤར་ཧ་སག་སི་ཐན་ལག་རྩལ་སློབ་ཆེན་གྱིས་མཉམ་དུ་སྐྲུན་འགན་འཁུར་ཡོད། འདི་ནི་ལུའུ་པན་བཟོ་ཁང་གི་རླངས་འཁོར་ལག་རྩལ་དང་ཉམས་བཟོའི་དངོས་སྦྱོང་ཁུལ་དུ་ས་གནས་དེ་གའི་སློབ་མས་སྦྱོང་བརྡར་བྱེད་བཞིན་པ། འདི་ག་ཚགས་པར་གྱི་གསར་འགོད་པ་པའེ་ཙི་ཝུའེ་ཡིས་པར་བླངས།

མོང་པ་ས་ནས་ནེ་རོ་པི་བར་གྱི་ལྕགས་ལམ་སྐྲུན་འགོ་ཚུགས་ཚུན་ཀྲུང་གོའི་ལྕགས་ལམ་རིགས་གཅིག་མཁས་ཅན་གྱིས་དགེ་ཕྲུག་ཁྲིད་པ་དང་དམར་ཁྲིད་བྱེད་སྟངས་བརྒྱུད་ཁེན་ནི་ཡར་ཤེས་ལྡན་པ་གསོ་སྐྱོང་བྱས་ཡོད། འདི་ནི་མོང་པ་ས་ནས་ནེ་རོ་པི་བར་གྱི་ལྕགས་ལམ་གྱི་ཨོ་དབྱི་བབས་ཚུགས་སུ་ཀྲུང་གོ་ཕྱོགས་ཀྱི་བརྡ་རྟགས་ལས་དཔོན་དབྱང་ཅན་གྱིས་ཁེན་ནི་ཡ་ཕྱོགས་ཀྱི་བརྡ་རྟགས་ལག་རྩལ་པར་ལྕགས་ལམ་གྱི་བརྡ་རྟགས་ལ་ཞིབ་བཤེར་བྱེད་སྟངས་མཛུབ་ཁྲིད་བྱེད་བཞིན་པ། འདི་ག་ཚགས་པར་གྱི་གསར་འགོད་པ་ཧོང་ཝུའེ་ཤིན་གྱིས་པར་བླངས།

【མྱོང་བ་དངོས་ཡོད་མཁན་གྱིས་བརྗོད་དོན】 ངས་ཀྲུང་གོ་དང་ལོ་སིའི་མཉམ་ལས་ཞིང་ལས་སྐྱེ་དངོས་ཀྱི་སོན་བཟང་ཚོད་ལྟའི་ས་ཚིགས་སུ་ལས་ཀ་བྱས་ནས་ལོ་11ཕྱིན་སོང་། དེར་བརྟེན་ནས་ངའི་ཕྲུ་གུ་སློབ་ཆེན་དུ་གཏོང་ཐུབ་བྱུང་ལ་སྡོད་ཁང་ཁང་པའང་གསར་པ་རྒྱག་ཐུབ་བྱུང་། ངས་ད་དུང་སྦྱངས་པའི་ཞིང་ལས་འདེབས་འཛུགས་ལག་རྩལ་དགའ་ཉེ་སྤུན་མཆེད་ཚོར་བསླབས་ནས་ཁོང་ཚོར་ཡང་ཐོན་འབབ་མཐོ་རུ་དང་ཡོང་འབབ་མང་དུ་གཏོང་རོགས་བྱས་པ་ཡིན།

—— ཀྲུང་གོ་དང་ལོ་སིའི་མཉམ་ལས་ཞིང་ལས་སྐྱེ་དངོས་ཀྱི་སོན་བཟང་ཚོད་ལྟའི་ས་ཚིགས་ཀྱི་རྒྱལ་ཁོངས་ལོ་སི་ནས་ཡིན་པའི་ལས་མི་ཏུན·ལོན།

【མྱོང་བ་དངོས་ཡོད་མཁན་གྱིས་བརྗོད་དོན】དབུལ་ཕོངས་སེལ་བ་ནི་མིག་སྔའི་ཨེ་ཤེ་ཡའི་རྒྱལ་ཁབ་ཀྱིས་དཔལ་འབྱོར་དང་སྤྱི་ཚོགས་རྒྱུན་མཐུད་ཆོག་པའི་འཕེལ་རྒྱས་མངོན་འགྱུར་བྱེད་པའི་གནད་དོན་གལ་ཆེན་ཞིག་རེད། ད་ཐེངས་ཀྱི་གཟབ་སྦྱོང་འཛིན་གྲྭའི་ནང་ང་ཚོས་ལེ་ཧྲན་གྱི་ཁྱད་ལྡན་ཐོན་ལས་སྐོར་བཅར་འདྲི་བྱས་པ་མ་ཟད། ད་དུང་དབུལ་སྒྲོལ་ཞིང་དུད་ལ་བཅར་འདྲི་དང་སྤེལ་རེས་བྱས་ནས་ས་གནས་ས་ཐོག་ཏུ་ཀྲུང་གོའི་དབུལ་སྒྲོལ་འགག་སྒྲོལ་གྱི་གྲུབ་འབྲས་དངོས་ཉམས་ལེན་བྱས་ཡོད། ལོ་མང་རིང་ཀྲུང་གོས་ཨ་ཧྥེ་རི་ཁའི་རྒྱལ་ཁབ་ལ་རྒྱབ་སྐྱོར་བྱས་ནས། ང་ཚོར་སྤྱོད་གོ་ཆོད་པའི་ཉམས་མྱོང་མཁོ་འདོན་བྱས་པར་ཐུགས་རྗེ་ཆེ་ཞུ་རྒྱུ་ཡིན།

—— ནི་ཀྲེ་རི་ཡའི་ཙུང་ཐུང་མི་ཆོས་རིང་ལུགས་དང་དབུལ་པོ་ཉུང་གཏོང་ལས་དོན་གྱི་མཐོ་རིམ་དམིགས་བསལ་ལས་རོགས་ཏེ་ལུའུ·ཡ་ཁུའུ་པུའུ·པུའུ་ལུའུ་སི།

【མྱོང་བ་དངོས་ཡོད་མཁན་གྱིས་བརྗོད་དོན】 ང་ཚོ་དང་འབྲི་ཆུའི་འགག་གསུམ་པར་ཙིར་ཀུང་སི་མཉམ་ལས་བྱས་ནས་སྤེལ་བའི་འབབ་འཕར་ལས་གཏོད་ཀྱི་ཚོད་ལྟའི་རྣམ་གྲངས་ཉེ་འཁོར་གྱི་ཞིང་དུད་ལ་ཕྱོགས་ཏེ་ཐོན་སྐྱེད་ཚོགས་ཆུང་3བཙུགས་ནས་འབྲི་ཏ་ས་འཛིན་དང་། ཤིང་ཏོག་ལན་མེ། ཞོ། སྦྲང་རྩི་སོགས་ཞིང་ལས་ཐོན་རྫས་ཐོན་སྐྱེད་དང་བྲིན་འཚོང་ལ་གཞོལ་བས། ཞིང་པའི་ཡོང་འབབ་མང་དུ་དང་འཚོ་བའི་སྤུས་ཚད་ལེགས་སུ་ཕྱིན་ཏེ་ཡུལ་དེའི་དཔལ་འབྱོར་འཕེལ་རྒྱས་ལ་སྐུལ་འདེད་བཏང་ཡོད། མིག་སྔར་དེའི་ནང་ཞུགས་མཁན་ཞིང་པའི་ཡོང་འབབ་ལྡབ་འཕར་བྱུང་སྟེ་རྣམ་གྲངས་ལས་ཕན་པ་ཐོབ་མཁན་ཆིག་སྟོང་ལྷག་ཙམ་ཟིན་ཡོད། ང་ཚོས་ཀྲུང་གོའི་ཀུང་སིས་ཡུལ་དེའི་འཕེལ་རྒྱས་ལ་ཕུལ་བའི་ལེགས་སྐྱེས་གལ་ཆེན་ཚོར་བྱུང་ལ། མཉམ་ལས་བྱེད་ཟབ་ཏུ་བཏང་ནས་ས་གནས་དེ་གའི་དམངས་ཚོགས་སྔར་བས་མང་བར་ཕན་པ་ཐོབ་པའི་རེ་སྒུག་བྱེད་ཀྱི་ཡོད།

—— མེ་ཨའོ་ཡི་རྒྱུན་མཐུད་ཆོག་པའི་ཞིབ་འཇུག་ཁང་གི་སྤྱི་ཁྱབ་ཅིང་ལི་ལར་སི·ཏི་ཏི་ལི་ཤིས་སན།