ཚེས་2ཉིན《མཉམ་འབྲེལ་རྒྱལ་ཚོགས་ཀྱི་ཐང་རྒོད་ཅན་འགོག་བཅོས་སྤྱི་ཆིངས》(གཤམ་དུ《སྤྱི་ཆིངས》ཞེས་བསྡུ་རྒྱུ)ཀྱི་ཆིངས་ཡིག་འཇོག་མཁན་ཕྱོགས་ཀྱི་ཚོགས་ཆེན་ཐེངས་བཅུ་དྲུག་པ(C0P16)སོ་ཏི་ཨ་རབ་ཀྱི་རྒྱལ་ས་རི་ཡ་ཏེར་འགོ་ཚུགས་པ་རེད། ཚོགས་ཆེན་གྱིས“ང་ཚོའི་ས་ཞིང་། ང་ཚོའི་འབྱུང་འགྱུར”ཞེས་པ་བརྗོད་དོན་གཙོ་བོར་བྱས་ཏེ་ས་ཞིང་ཉམས་གསོ་བྱེད་མགྱོགས་སུ་གཏོང་བ་དང་ཐན་འགོག་ནུས་པ་ཆེ་རུ་གཏོང་བར་གྲོས་བསྡུར་གཙོ་བོ་བྱ་རྒྱུ་ཡིན་པ་དང་། སྔོན་དཔག་བྱས་ན་འཚོག་ཡུན་ཉིན་13ཡིན་པ་རེད།

《སྤྱི་ཆིངས》དྲུང་ཡིག་ཁྲུའི་ལག་བསྟར་དྲུང་ཡིག་དབྱི་པུའུ་ལ་ཤིན·ཏི་ཨའོ་ཡིས་འགོ་ཚུགས་མཛད་སྒོར་ཤིས་ཚིག་སྒྲོན་སྐབས། སའི་གོ་ལ་ས་ཞིང་ཞན་འགྱུར་གྱིས་རྐྱེན་པས་ཇེ་སྡུག་ཏུ་སོང་ནས་ས་རྒྱུ་40%ཙམ་ཉམས་ཞན་དུ་ཕྱིན་ཡོད། “ས་ཞིང་ཞན་འགྱུར་གྱིས་རྐྱེན་པས་སྐར་ཆ་རེར་རྐང་རྩེད་སྤོ་ལོའི་ཐང་4དང་མཚུངས་པའི་ང་ཚོའི་ས་ཞིང་ཤོར་གྱི་ཡོད” མཉམ་ལས་བྱས་པ་བརྒྱུད། མི་རྣམས་ཀྱིས་ས་ཞིང་ཉམས་ཞན་དུ་འགྱུར་ཚུལ་ལ་འགྱུར་བ་བཏང་ནས་ཐན་འགོག་གི་ནུས་པ་དེ་བས་ལྡན་པའི་འཛམ་གླིང་ཞིག་སྐྲུན་ཐུབ་ཅེས་བརྗོད་པ་རེད། ཏི་ཨའོ་ཡིས། C0PI6གི་ལྟེ་བའི་གྲོས་དོན་ནི་ས་ཞིང་གི་མཉེན་ཆ་དང་ཐན་སྐྱོན་ཉུང་དུ་བཏང་ནས་ཐན་འགོག་གི་ཐབས་ཇུས་གལ་ཆེན་གཏན་འཁེལ་བྱ་རྒྱུ་དེ་ཡིན་པ་དང་། སྔོན་དཔག་བྱས་ན་ཚོགས་འདུ་དེ་ཉིད་ཐན་འགོག་གྲོས་གཞིའི་ལམ་ཚད་རྡོ་རིང་གི་ཚོགས་འདུ་ཞིག་ཏུ་གྱུར་ངེས་རེད་ཅེས་བརྗོད་པ་རེད།

COP16གིས་ཀྲུང་གོའི་འགྲེམས་ཁང་ཆེད་མངགས་བཙུགས་པ་དང་། དེ་ནི་ཀྲུང་གོས་མངའ་ཁོངས་ཕྱི་རོལ་དུ་ཐང་རྒོད་ཅན་འགོག་བཅོས་དང“བྱང་གསུམ”འགག་སྒྲོལ་དམག་འཐབ་དྲིལ་བསྒྲགས་དང་ངོ་སྤྲོད་བྱེད་ཐེངས་དང་པོ་དེ་རེད། རྒྱ་ཁྱོན་སྨི་ངོས་གྲུ་600ལྷག་ཙམ་ཟིན་པའི་ཀྲུང་གོའི་འགྲེམས་ཁང་ནི་མགྲོན་བདག་རྒྱལ་ཁབ་ཕུད་པའི་རྒྱལ་ཁབ་ཀྱི་བརྗོད་དོན་གཙོ་བོའི་འགྲེམས་ཁང་ཆེ་ཤོས་དེ་ཡིན་པ་དང་། ཀྲུང་གོའི་ཐང་རྒོད་ཅན་འགོག་བཅོས་ཀྱི་བརྗོད་དོན་གཙོ་བོའི་འགྲེམས་སྟོན་དང་མུ་འབྲེལ་ཟུར་ཚོགས་ཀྱི་བྱེད་སྒོ་སྤེལ་བར་སྤྱོད་རྒྱུ་རེད།