འདི་ནི་ཉེ་ཆར་འགག་སྒོས་རྒྱལ་མཚམས་ནས་གཏོང་བཞིན་པའི་ར་ལ་ལྟ་འདོམས་བྱེད་བཞིན་པ།

འདི་ནི་ཉེ་ཆར་ནེ་པ་ལའི་མཐའ་མཚམས་ཡུལ་མིས་འགྲོ་ལུགས་གཉེར་རྗེས་ཀྲུང་གོ་ནས་ཉོས་པའི་དངོས་ཟོག་ནེ་པ་ལར་དབོར་བཞིན་པ།

འདི་ནི་ལེགས་རྩེ་འགག་སྒོ་དོ་དམ་ཨུ་ལྷན་གྱི་ལས་དོན་པ་འགག་སྒོའི་གནས་སྐབས་ཉོ་ཚོང་ཁྲོམ་རར་བརྟག་ཞིབ་བྱེད་བཞིན་པ།

འདི་ནི་ནེ་པ་ལའི་ཚོང་པ་འཇམ་དབྱངས་ཀྱིས་ལེགས་རྩེ་འགག་སྒོའི་གནས་སྐབས་ཉོ་ཚོང་ཁྲོམ་རར་ཁྲོམ་སྟོན་བཞིན་པ།

འདི་ནི་ལེགས་རྩེའི་མཐའ་མཚམས་ཞིབ་བཤེར་ས་ཚིགས་ཀྱི་མི་དམངས་ཉེན་རྟོག་པས་ལས་འགན་སྒྲུབ་བཞིན་པ།

ས་བབ་མཐོ་ཚད་སྨི་4772ཟིན་པའི་ལེགས་རྩེ་འགག་སྒོ་ནི་གཞིས་རྩེ་གྲོང་ཁྱེར་འབྲོང་པ་རྫོང་དུ་ཡོད་པ་དང་ནེ་པ་ལའི་མུ་སེ་ཐང་རྫོང་དང་སྦྲེལ་ཡོད། 2024ལོའི་ཟླ་དང་པོ་ནས་བརྒྱད་པའི་བར། ལེགས་རྩེ་འགག་སྒོས་ཕྱིར་གཏོང་བྱས་པའི་དངོས་ཟོག་ཏུན་101ལ་ལྟ་འདོམས་བྱས་ནས་ཕྱིར་གཏོང་དངོས་ཟོག་གི་རིན་ཐང་སྒོར་ཁྲི་456ཟིན་ཡོད།

2024ལོའི་ཟླ་11ཚེས་13ཉིན། ལེགས་རྩེ་འགག་སྒོ་སྒོ་ཕྱེ་ནས་ལོ་གཅིག་འཁོར་བར་རྟེན་འབྲེལ་ཞུ་ཆེད། ལེགས་རྩེར་རྟེན་འབྲེལ་མཛད་སྒོ་འཚོགས་ཤིང་། མཛད་སྒོ་འཚོག་ཡུལ་དུ་དགའ་སྤྲོ་དང་སྤྲོ་སེམས་ཀྱི་རྣམ་པས་ཁེངས་ཡོད།

དངོས་ཟོག་བརྗེ་རེས་ནས་དངུལ་ལོར་ཉོ་ཚོང་བར་དང་། སྲོལ་རྒྱུན་ཉོ་ཚོང་ནས་ཕྱི་ཕྱོགས་སྒོ་དབྱེའི་འགག་སྒོའི་བར། དུས་བཀག་ནས་ལོ་འཁོར་མོ་བར་བཅས་སུ་ས་བབ་མཐོ་ཚད་སྨི་4772ཟིན་པའི་ལེགས་རྩེ་འགག་སྒོས་རྒྱལ་ཁབ་གཉིས་པོའི་མཐའ་མཚམས་ས་ཁུལ་གྱི་དཔལ་འབྱོར་འཕེལ་རྒྱས་ལ་སྐུལ་འདེད་བཏང་བ་དང་ཆབས་ཅིག་རྒྱལ་ཁབ་གཉིས་པོའི་མི་དམངས་ཀྱི་རིག་གནས་སྤེལ་རེས་ཟབ་ཏུ་བཏང་ཡོད།