དུས་རབས་གསར་པའི“ཧྥུང་ཆའོ་ཉམས་མྱོང”མཐའ་འཁྱོངས་ཡག་པོ་དང་འཕེལ་རྒྱས་ཡག་པོ་གཏོང་དགོས།
སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས། དུས་རབས་གསར་པའི“ཧྥུང་ཆའོ་ཉམས་མྱོང”མཐའ་འཁྱོངས་ཡག་པོ་དང་འཕེལ་རྒྱས་ཡག་པོ་གཏོང་བ་དང་། ཏང་གི་མང་ཚོགས་ལམ་ཕྱོགས་མཐའ་འཁྱོངས་བྱེད་པ། མི་དམངས་ནང་ཁུལ་གྱི་འགལ་བ་ཐག་གཅོད་ཡང་དག་བྱེད་པ། མི་དམངས་མང་ཚོགས་ལ་དམ་པོར་བརྟེན་པ་བཅས་བྱས་ནས་གནད་དོན་གཞི་རིམ་དུ་ཐག་གཅོད་དང་ཐོན་བཟོ་ཡོད་དུས་ནས་སེལ་དགོས་ཞེས་ནན་བཤད་གནང་ཡོད། “ཧྥུང་ཆའོ་ཉམས་མྱོང”ནི་དུས་རབས་20པའི་ལོ་རབས་60པར་ཀྲེ་ཅང་ཀྲུའུ་ཅིའི་ཧྥུང་ཆའོ་ཡི་ལས་བྱེད་པ་དང་མང་ཚོགས་ཀྱིས་གསར་གཏོད་བྱས་པའི་སྤྱི་ཚོགས་བཅོས་སྐྱོང་བྱེད་སྟངས་ཤིག་རེད། ཉམས་མྱོང་དེ་ཐོག་མར“མང་ཚོགས་སྐུལ་སློང་དང་མང་ཚོགས་ལ་བརྟེན་ནས་་འགལ་བ་གོང་ཞུ་མི་བྱེད་པར་རང་སར་ཐག་གཅོད་མཐའ་འཁྱོངས་བྱས་པས་མི་བཟུང་ཚད་ཉུང་དུ་སོང་ནས་བདེ་འཇགས་ཡག་ཏུ་ཕྱིན་ཡོད”ཅེས་ཞིབ་གླེང་བྱེད་ཀྱི་ཡོད། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས“ཧྥུང་ཆའོ་ཉམས་མྱོང”ཁྱབ་གདལ་དང་། ཟབ་སྤེལ། འཕེལ་རྒྱས་བཅས་གཏོང་བར་ཚད་མཐོའི་མཐོང་ཆེན་གནང་སྟེ། ཉམས་མྱོང་འདི་མཐའ་འཁྱོངས་དང་འཕེལ་རྒྱས་གཏོང་བར་མཛུབ་སྟོན་རབ་དང་རིམ་པ་གནང་ཡོད། ཏང་གི་ཚོགས་ཆེན་བཅོ་བརྒྱད་པ་འཚོགས་ཚུན། ཉམས་མྱོང་འདི་གསར་གཏོད་དང་འཕེལ་རྒྱས་ཟམ་མི་ཆད་པར་བྱུང་ནས་དུས་རབས་གསར་པའི“ཧྥུང་ཆའོ་ཉམས་མྱོང”དུ་རིམ་སྤོར་བྱུང་སྟེ་རང་རྒྱལ་གྱི་གཞི་རིམ་སྤྱི་ཚོགས་བཅོས་སྐྱོང་གི་དཔེ་མཚོན་ལ་གྱུར་ཡོད།
ད་ཆའི་བོད་ཀྱི་དཔལ་འབྱོར་དང་སྤྱི་ཚོགས་འཕེལ་རྒྱས་འགྲོ་ཚུལ་ལ་བལྟས་ན། ཕྱོགས་ཡོངས་ནས་ཡར་རྒྱས་འགྲོ་བ་དང་ལོ་རྒྱུས་རང་བཞིན་གྱི་གྲུབ་འབྲས་ཐོབ་པ་ནི་དུས་རབས་ཀྱི་འཕེལ་ཕྱོགས་གཙོ་བོ་ཡིན། འོན་ཀྱང་མིའི་འདུ་ཤེས་ལ་འགྱུར་ལྡོག་ཆེན་པོ་འགྲོ་བ་དང་། མི་འབོར་འཁོར་རྒྱུགས་མང་དུ་འགྲོ་བ། སྤྱི་ཚོགས་རིམ་གྲས་གྱེས་པ། ཁེ་ཕན་ཞུ་རེ་མང་བ་སོགས་ཀྱི་གནས་ཚུལ་གསར་པ་དང་། འགལ་བ་གསར་པ། གནད་དོན་གསར་པ་བཅས་ཐོན་པ་དེས་སྤྱི་ཚོགས་བཅོས་སྐྱོང་ལ་བླང་བྱ་དེ་བས་མཐོ་བ་བཏོན་ཡོད། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས་གསུངས་དོན། གཞི་རིམ་ནི་ཁེ་ཕན་གྱི་འགལ་བ་དང་སྤྱི་ཚོགས་ཀྱི་འགལ་བའི“འབྱུང་གཞི”ཡིན་ལ། ཁེ་ཕན་གྱི་འབྲེལ་བ་མཐུན་སྦྱོར་དང་སྤྱི་ཚོགས་ཀྱི་འགལ་བ་གསེས་དཀྲོལ་བྱེད་པའི“འགག་མདོ”ཡང་ཡིན། དུས་བདེ་འཛུགས་སྐྱོང་གི་འགག་གནད་ནི་གཞི་རིམ་དང་། རྨང་གཞི། དོན་འཁྱོལ་བཅས་ལ་ཐུག་པའི་ངོས་འཛིན་གནང་ཡོད། དུས་རབས་གསར་པའི“ཧྥུང་ཆའོ་ཉམས་མྱོང”གིས་དེའི་གཏིང་ཟབ་པའི་ལོ་རྒྱུས་ཀྱི་རྨང་གཞི་དང་ཕུན་སུམ་ཚོགས་པའི་ལག་ལེན་གྱི་བློ་གྲོས་ལ་བརྟེན་ནས་དེང་གི་གཞི་རིམ་གྱི་སྤྱི་ཚོགས་བཅོས་སྐྱོང་ཐད་འགལ་བ་སྔོན་འགོག་དང་སེལ་བའི་ལམ་སྲོལ་ནུས་ལྡན་མཁོ་འདོན་བྱས་ཡོད་པས། སྤྱི་ཚོགས་བཅོས་སྐྱོང་དེང་རབས་ཅན་གྱི་འཕེལ་རིམ་ཁྲོད་ནུས་པ་གལ་ཆེན་འདོན་ཐུབ་ངེས་རེད། དེར་བརྟེན། དུས་རབས་གསར་པའི“ཧྥུང་ཆའོ་ཉམས་མྱོང”མཐའ་འཁྱོངས་ཡག་པོ་དང་འཕེལ་རྒྱས་ཡག་པོ་བཏང་སྟེ། དེ་ཉིད་གཞི་རིམ་བཅོས་སྐྱོང་གི་ལྷུ་ཚིགས་ཁག་ནང་མཉམ་འདྲེས་དང་སྤྱི་ཚོགས་བཅོས་སྐྱོང་གི་དེང་རབས་ཅན་གྱི་ཆུ་ཚད་རྒྱུན་ཆད་མེད་པར་མཐོ་རུ་གཏོང་བ་དེ་སྤྱི་ཚོགས་བརྟན་ལྷིང་དང་ཞི་མཐུན་ཡོང་བའི་གཞི་རིམ་གྱི་རྨང་གཞི་སྔར་བས་སྲ་བརྟན་དུ་གཏོང་བའི་ངོས་ནས་བརྗོད་ན་གལ་འགངས་ཤིན་ཏུ་ཆེ།
དུས་རབས་གསར་པའི“ཧྥུང་ཆའོ་ཉམས་མྱོང”མཐའ་འཁྱོངས་ཡག་པོ་དང་འཕེལ་རྒྱས་ཡག་པོ་གཏོང་བར་ཏང་གི་འགོ་ཁྲིད་རྩ་བའི་འགན་ལེན་དུ་བརྩི་དགོས། ཡུལ་གང་ཞིག་གི་གཞི་རིམ་ཏང་རྩ་འཛུགས་ཀྱིས་འགོ་ཁྲིད་ཀྱི་ནུས་པ་འདོན་སྤེལ་ཏན་ཏིག་ཐུབ་ན། ཡུལ་གང་དེའི་དུས་རབས་གསར་པའི“ཧྥུང་ཆའོ་ཉམས་མྱོང”བཀོལ་སྤྱོད་ཡག་པོ་བྱེད་ཐུབ། གཞི་རིམ་ཏང་རྩ་འཛུགས་ཀྱིས་འགོ་ཁྲིད་བྱེད་པའི་སྤྱི་ཚོགས་བཅོས་སྐྱོང་ལམ་སྲོལ་དང་གཞི་རིམ་དམངས་གཙོའི་ལམ་ལུགས་ཟམ་མི་ཆད་པར་འཐུས་སྒོ་ཚང་དུ་བཏང་ནས་ཏང་གི་འགོ་ཁྲིད་སྤྱི་ཚོགས་བཅོས་སྐྱོང་གི་ཕྱོགས་གང་སར་ཁྱབ་པ་དང་ནུས་པ་འདོན་ཐུབ་པའི་འགན་ལེན་བྱེད་དགོས། དུས་རབས་གསར་པའི“ཧྥུང་ཆའོ་ཉམས་མྱོང”མཐའ་འཁྱོངས་ཡག་པོ་དང་འཕེལ་རྒྱས་ཡག་པོ་གཏོང་བར་མི་དམངས་གོང་དུ་བཀུར་བ་དེ་འགྱུར་བ་མེད་པའི་རིན་ཐང་དོན་གཉེར་ལ་བརྩི་དགོས་པ་དང་། མང་ཚོགས་ཀྱི“འཕྲལ་མཁོ་དང་། དཀའ་ངལ། སེམས་ཁྲལ། རེ་སྒུག”བཅས་ཀྱི་གནད་དོན་ཐག་གཅོད་ཡག་པོ་བྱས་ཏེ་མི་དམངས་མང་ཚོགས་ཀྱི་མཛེས་སྡུག་ལྡན་པའི་འཚོ་བའི་དགོས་མཁོར་བསྟུན་རིང་རྒྱུན་ཆད་མེད་པར་དུས་བསྟུན་འཕེལ་རྒྱས་དང་གསར་གཏོད་འཕེལ་རྒྱས་ཡོང་བར་བྱེད་དགོས། དུས་རབས་གསར་པའི“ཧྥུང་ཆའོ་ཉམས་མྱོང”མཐའ་འཁྱོངས་ཡག་པོ་དང་འཕེལ་རྒྱས་ཡག་པོ་གཏོང་བར་མང་ཚོགས་སྐུལ་སློང་དང་མང་ཚོགས་ལ་བརྟེན་རྒྱུ་དོན་སྙིང་གལ་ཆེན་ཞིག་ཏུ་བརྩིས་ནས་ཏང་གི་འགོ་ཁྲིད་འོག་ཕྱོགས་མང་ཞུགས་པ་དང་། ཐུན་མོང་ཐོག་བཅོས་སྐྱོང་། མཉམ་སྐྲུན་མཉམ་སྐྱོང་བཅས་མཐའ་འཁྱོངས་བྱེད་པའི་བཅོས་སྐྱོང་གི་རྣམ་པ་བཏོད་དེ་སྤྱི་ཚོགས་ཀྱི་བྱེད་པོས་ནུས་པ་གང་ལེགས་འདོན་ཐུབ་པར་བྱེད་དགོས། དུས་རབས་གསར་པའི“ཧྥུང་ཆའོ་ཉམས་མྱོང”མཐའ་འཁྱོངས་ཡག་པོ་དང་འཕེལ་རྒྱས་ཡག་པོ་གཏོང་བར་གྲངས་འཛིན་ལག་རྩལ་སྤྱོད་རྒྱུ་དེ་ལྡོག་མེད་ཀྱི་འཕེལ་ཕྱོགས་ཤིག་ཏུ་བརྩིས་ནས་དེང་རབས་ཀྱི་ཚན་རྩལ་བྱེད་ཐབས་ཡག་པོ་སྤྱད་དེ་ཆ་འཕྲིན་ཅན་གྱིས་འདེགས་སྐྱོར་བྱེད་པའི་གཞི་རིམ་བཅོས་སྐྱོང་ལས་སྟེགས་འཐུས་སྒོ་ཚང་དུ་གཏོང་དགོས། དུས་རབས་གསར་པའི“ཧྥུང་ཆའོ་ཉམས་མྱོང”མཐའ་འཁྱོངས་ཡག་པོ་དང་འཕེལ་རྒྱས་ཡག་པོ་བཏང་ཚེ་རྒྱང་ལམ་གསར་པར“ཀྲུང་གོའི་སྐྱོང་ལུགས”ཀྱི་མངོན་གསལ་དོད་པའི་ལེགས་ཆ་མངོན་ཐུབ་ངེས་ཡིན་པ་ང་ཚོར་ཡིད་ཆེས་བྱེད་པའི་རྒྱུ་མཚན་ཡོད།