ཉེ་ཆར་བོད་ལྗོངས་གསར་སྤེལ་མ་འཇོག་ཚོགས་པ་ཚད་ཡོད་ཀུང་སིས་མ་འཇོག་བྱས་པ་དང་ཀྲུང་གོ་གློག་ཤུགས་ལས་གྲྭ་བློ་འདྲི་ཚོགས་པས་སྐྲུན་འགན་འཁུར་བའི་བོད་ལྗོངས་མངའ་རིས་ས་ཁུལ་རུ་ཐོག་རྫོང་གི་30MWཡི་འོད་ཤུགས་གློག་འདོན་ནུས་རྒྱུ་མཁོ་སྤྲོད་འགན་ལེན་རྣམ་གྲངས་ཀྱི་ཤོང་ཚད་ཧྲིལ་པོའི་དྲ་བ་སྦྲེལ་ནས་གློག་གཏོང་འགོ་ཚུགས་ཡོད།

ཤེས་རྟོགས་བྱུང་བར་གཞིགས་ན། རྣམ་གྲངས་དེ་ནི་རུ་ཐོག་རྫོང་གི་2024ལོའི་གཙོ་གནད་ཚོང་འགུགས་མ་འདྲེན་རྣམ་གྲངས་ཤིག་ཡིན་པ་དང་སྒྲིག་སྦྱོར་བྱས་པའི་འཕྲུལ་འཁོར་གྱི་གཏན་འཁེལ་ཤོང་ཚད་ནི་30MW+24MW·hཡི་ནུས་གསོག་མ་ལག་ཡིན་པ་དང་། གློག་གཏོང་འགོ་ཚུགས་རྗེས་སྔོན་དཔག་བྱས་ན་ལོར་དྲ་སྦྲེལ་གློག་གཏོང་ཚད་ཆན་ཝ་ཆུ་ཚོད་ཁྲི་5742ཟིན་རྒྱུ་དང་ལོར་ཚད་ལྡན་རྡོ་སོལ་ཏུན་ཁྲི་1.72ཙམ་གྲོན་ཆུང་ཐུབ་ནས། མངའ་རིས་ས་ཁུལ་གྱི་འདི་ལོའི་དགུན་ཁ་དང་སང་ལོའི་དཔྱིད་དུས་ཀྱི་གློག་ཤུགས་མཁོ་འདོན་བརྟན་པོ་ཐུབ་རྒྱུ་རེད།