འདི་ནི་བོད་ལྗོངས་རུ་ཁག་གིས་འགྲན་བསྡུར་བྱེད་བཞིན་པ། ཤིན་ཧྭ་གསར་འགྱུར་ཁང་གི་གསར་འགོད་པ་ཞུས་སུའུ་ཧུའེ་ཡིས་པར་བརྒྱབ།

འདི་ནི་ཧྲན་ཏུང་རུ་ཁག་གིས་འགྲན་བསྡུར་བྱེད་བཞིན་པ། ཤིན་ཧྭ་གསར་འགྱུར་ཁང་གི་གསར་འགོད་པ་ཞུས་སུའུ་ཧུའེ་ཡིས་པར་བརྒྱབ།

འདི་ནི་ཨན་ཧུའེ་རུ་ཁག་གིས་འགྲན་བསྡུར་བྱེད་བཞིན་པ། ཤིན་ཧྭ་གསར་འགྱུར་ཁང་གི་གསར་འགོད་པ་ཞུས་སུའུ་ཧུའེ་ཡིས་པར་བརྒྱབ།

འདི་ནི་ཀྲེ་ཅང་རུ་ཁག་གིས་འགྲན་བསྡུར་བྱེད་བཞིན་པ། ཤིན་ཧྭ་གསར་འགྱུར་ཁང་གི་གསར་འགོད་པ་ཞུས་སུའུ་ཧུའེ་ཡིས་པར་བརྒྱབ།

འདི་ནི་ཧུའུ་པེའི་རུ་ཁག་གིས་འགྲན་བསྡུར་བྱེད་བཞིན་པ། ཤིན་ཧྭ་གསར་འགྱུར་ཁང་གི་གསར་འགོད་པ་ཞུས་སུའུ་ཧུའེ་ཡིས་པར་བརྒྱབ།

ཤིན་ཧྭ་གསར་འགྱུར་ཁང་གི་གསར་འགོད་པ། ཀྲོའུ་ཧུའེ་མིན། ཧོང་ཡའོ་མན། ཐེན་ཀོང་ཡུས།

སྤྲོ་སེམས་རབ་ཏུ་འཁོལ་བའི་རོལ་དབྱངས་དང་། སྙན་ཞིང་ཤུགས་དང་ལྡན་པའི་དབྱངས་འགྲོས། སྒེག་ཉམས་ལྡན་པའི་ཞབས་བྲོ། ཚོན་མདངས་རྣམ་པར་བཀྲ་བའི་མི་རིགས་ཀྱི་གཞི་རྒྱུ་སོགས་སན་ཡཱ་རུ་འཚོགས་པའི་རྒྱལ་ཡོངས་གྲངས་ཉུང་མི་རིགས་ཀྱི་སྲོལ་རྒྱུན་ལུས་རྩལ་འགྲན་ཚོགས་སྐབས་བཅུ་གཉིས་པར། སྟོབས་ཤུགས་དང་མཉེན་ཆ་གཅིག་ཏུ་འདུས་ལ། མི་རིགས་ཀྱི་ཉམས་འགྱུར་ཟབ་མོ་དང་ལྟད་མོ་ཧ་ཅང་ཆེ་བའི་མི་རིགས་ཀྱི་ལུས་སྦྱོང་ལུས་རྩལ་འགྲན་བསྡུར་བྱས་ནས། ལྟད་མོ་བ་ཚོར“མི་རིགས་ཀྱི་ཉམས་འགྱུར་ཡག་ཤོས་མངོན་པའི”མིག་ཡིད་རྣ་བའི་དགའ་སྟོན་ཞིག་བཤམས།

མི་རིགས་ཀྱི་ལུས་སྦྱོང་ལུས་རྩལ་ནི་མི་རིགས་ཀྱི་སྲོལ་རྒྱུན་ཉམས་འགྱུར་དང་ས་ཁོངས་ཀྱི་ཁྱད་ཆོས་མངོན་གསལ་དོད་པོ་ལྡན་པའི་སྲོལ་རྒྱུན་གྱི་ལུས་རྩལ་བྱེད་སྒོ་དང་མི་རིགས་ཀྱི་དམངས་ཁྲོད་སྲོལ་རྒྱུན་ཞབས་བྲོའི་གཞི་རྒྱུ་མཉམ་དུ་འདུས་པའི་ལུས་རྩལ་རྣམ་གྲངས་ཤིག་ཡིན་ཞིང་། མི་རིགས་ལུས་སྦྱོང་ལུས་རྩལ་ལ་མཛེས་སྦྱོང་ལུས་རྩལ་གྱི་སྤྱིར་བཏང་གི་ཁྱད་ཆོས་ཡོད་པ་ཕུད། གྱོན་ཆས་དང་། སྟངས་སྟབས། རོལ་དབྱངས་སོགས་ཚང་མ་ནས་ཀྲུང་ཧྭ་མི་རིགས་ཀྱི་སྲོལ་རྒྱུན་རིག་གནས་ཀྱི་ཁྱད་ཆོས་མངོན་གྱི་ཡོད། 2015ལོར་རྒྱལ་ཡོངས་གྲངས་ཉུང་མི་རིགས་ཀྱི་སྲོལ་རྒྱུན་ལུས་རྩལ་འགྲན་ཚོགས་སྐབས་བཅུ་པར་མི་རིགས་ཀྱི་ལུས་སྦྱོང་ལུས་རྩལ་དེ་འགྲན་བསྡུར་གྱི་རྣམ་གྲངས་ལ་དངོས་སུ་གྱུར་ཡོད།

སྐབས་འདིའི་ལུས་རྩལ་འགྲན་ཚོགས་ལ་རྒྱལ་ཡོངས་ཀྱི་འཐུས་མི་རུ་ཁག་32འགྲན་བསྡུར་ནང་ཞུགས་ཡོད་ཅིང་། འགྲན་བསྡུར་རྣམ་གྲངས་དེ་གཏན་འཁེལ་རྩལ་འགྲོས་དང་། ལག་སྟོང་རང་འདེམས་རྩལ་འགྲོས། ཡང་བྱད་རང་འདེམས་རྩལ་འགྲོས་བཅས་སུ་དབྱེ་ཡོད་པ་རེད།

མི་རིགས་ལུས་སྦྱོང་ལུས་རྩལ་རྣམ་གྲངས་ཀྱི་ཤན་འབྱེད་པ་ལི་ཅུན་དབྱི་ཡིས། རྩལ་འགྲོས་དེར་སྐར་མ་ཁ་ཤས་ལས་མེད་ཀྱང་དེའི་ནང་བོད་རིགས་དང་། ཡུ་གུར་རིགས། སོག་རིགས། ཏའེ་རིགས་སོགས་མི་རིགས་20ལྷག་ཙམ་གྱི་ཞབས་བྲོའི་གཞི་རྒྱུ་མཉམ་དུ་འདྲེས་ཡོད་པས་བསྟུན་མཁས་རང་བཞིན་ཧ་ཅང་ཆེན་པོ་ཡོད་ཅེས་ངོ་སྤྲོད་བྱས།

ཡང་བྱད་རང་འདེམས་རྩལ་འགྲོས་འགྲན་བསྡུར་ནང་བོད་རང་སྐྱོང་ལྗོངས་ཀྱི་འཐུས་མི་རུ་ཁག་གི་རུ་མི་ཚོས་རལ་པ་དང་ལུས་སྦྱོང་ལུས་རྩལ་ཟུང་འབྲེལ་ཡག་པོ་བྱས་ཤིང་། རལ་པའི་རྔ་ཡང་སྤྲོ་སྣང་ལྡན་པའི་འགྱུར་ཁུག་དང་བསྟུན་ནས་འགུལ་སྟངས་འགྱུར་བར་ལྟད་མོ་བ་ཚོའི་དགའ་བསུ་ཡང་ཡང་ཐོབ་ཡོད།

“རལ་པའི་རྔ་ནི་བོད་རིགས་ཀྱི་ཁྱད་ཆོས་ཟབ་མོ་ལྡན་པའི་རོལ་ཆ་ཞིག་ཡིན་པ་དང་། རལ་པ་འཁྲབ་སྐབས་ཉམས་འགྱུར་ཟབ་མོ་ལྡན་ལ། ཉམས་སྣང་ཡང་ཧ་ཅང་དོད་པོ་ཡོད”ཅེས་བོད་ལྗོངས་རུ་ཁག་གི་རྩལ་ཁྲིད་པ་ཚེ་རིང་སྐྱིད་ཀྱིས་བཤད་པ་དང་། ཁོང་གིས་བོད་མི་རིགས་ཀྱི་ཁྱད་ཆོས་དག་རྒྱལ་ཡོངས་རང་བཞིན་གྱི་གར་སྟེགས་ཐོག་མངོན་ནས་མི་དེ་བས་མང་བས་བོད་ཀྱི་ཉམས་འགྱུར་མཐོང་ཐུབ་པ་དང་ཤེས་རྟོགས་ཐུབ་པར་བྱེད་ཀྱི་ཡིན་ཞེས་བཤད།

ཧའེ་ཁའུ་གྲོང་ཁྱེར་གྱི་གྲོང་མི་ཨ་ཅག་ཧོང་ལགས་ཀྱིས“མི་རིགས་ཀྱི་ཁྱད་ཆོས་ལྡན་པའི་ཞབས་བྲོ་མང་པོ་དེ་འདྲ་ཐེངས་དང་པོ་མཐོང་སྐབས། འཁྲུག་ཆ་ཧ་ཅང་དོད་པོ་ཡོད་པའི་ཚོར་སྣང་བྱུང་། ས་ཡུལ་དངོས་ཀྱི་རྣམ་པ་ཧ་ཅང་འཁྲུག་ཆ་དོད་པོ་འདུག་པས་དེ་ནི་མི་རིགས་ཀྱི་མཉམ་སྤྲོ་ཆེན་པོ་ཞིག་རང་རེད”ཅེས་བཤད།