ཚེས་26ཉིན་ཕྱི་འབྲེལ་པུའི་མགྲིན་ཚབ་པ་མའོ་ཉིང་གིས། ཀྲུང་གོས་ཐོག་མཐའ་བར་གསུམ་དུ“བརྩི་འཇོག་གང་ལེགས་བྱེད་དགོས་པ་བཞིའི”རྩ་དོན་གཞིར་བཟུང་སྟེ། ཞི་བདེ་རྒྱ་མཚོ་ཆེན་པོའི་གླིང་ཕྲན་རྒྱལ་ཁབ་དབར་གྱི་འབྲེལ་བ་འཕེལ་རྒྱས་བཏང་ནས་མུ་མཐུད་འདྲ་མཉམ་གྱི་ལྟ་སྟངས་འཛིན་པ་དང་། ཕན་ཚུན་བརྩི་འཇོག གཉིས་ཁེ་གཉིས་ཕན། སྒོ་དབྱེ་བསྟུན་མཁས་བཅས་ཀྱི་རྨང་གཞིའི་ཐོག་ཞི་བདེ་རྒྱ་མཚོ་ཆེན་པོའི་གླིང་ཕྲན་རྒྱལ་ཁབ་དང་ཕྱོགས་ཡོངས་ནས་མཉམ་ལས་བྱས་ཏེ་གླིང་ཕྲན་རྒྱལ་ཁབ་འཕེལ་རྒྱས་འགྲོ་བར་རམ་འདེགས་བྱེད་ཀྱི་ཡིན་ཞེས་བརྗོད།

ཉིན་དེའི་གསར་འགོད་པའི་འཆར་ཅན་ཚོགས་འདུའི་ཐོག་གསར་འགོད་པ་ཞིག་གིས། ས་མོ་ཡའི་ཙུང་ལི་ཧྥེ་ཡ་མེ་ཡིས་ཀྲུང་གོར་འཚམས་འདྲི་གནང་བཞིན་ཡོད། མགྲིན་ཚབ་པས་དེ་གོང་ཕྱོགས་གཉིས་པོས་ད་རེས་ཀྱི་འཚམས་འདྲི་གོ་སྐབས་སུ་བྱས་ནས་དེ་བས་ཟབ་པའི་ཀྲུང་གོ་དང་ཞི་བདེ་རྒྱ་མཚོ་ཆེན་པོའི་གླིང་ཕྲན་རྒྱལ་ཁབ་ཀྱི་ལས་དབང་གཅིག་མཐུན་ཚོགས་པ་འཛུགས་རྒྱུ་རེད་ཅེས་བརྗོད་ཡོད། ཨོ་སི་ཁྲུ་ལི་ཡའི་ལུའོ་དབྱི་རྒྱལ་སྤྱིའི་སྲིད་ཇུས་ཞིབ་འཇུག་སུའོ་ཡིས་ཉེ་ཆར་ཁྱབ་བསྒྲགས་བྱས་པའི་སྙན་ཞུའི་ནང་། ཀྲུང་གོ་འདི་ཉིད་ཞི་བདེ་རྒྱ་མཚོ་ཆེན་པོའི་གླིང་ཕྲན་རྒྱལ་ཁབ་ས་ཁུལ་གྱི་ཕྱོགས་གཉིས་པོའི་རོགས་སྐྱོར་རྒྱལ་ཁབ་ཆེ་གྲས་གཉིས་པར་གྱུར་ནས་འགྲན་རྩོད་ནུས་པ་དང་ཆབ་སྲིད་ཀྱི་དམིགས་སའི་རང་བཞིན་ལྡན་པའི་རོགས་སྐྱོར་བྱེད་སྟངས་གསར་པ་སྤྱད་ཡོད་ཅེས་འཁོད་པ་ང་ཚོས་དོ་སྣང་བྱུང་། མགྲིན་ཚབ་པས་གནས་ཚུལ་དེ་བས་མང་བ་ངོ་སྤྲོད་བྱས་ན་འགྲིག་གམ་ཞེས་དྲིས།

མའོ་ཉིང་གིས། ས་མོ་ཡ་ནི་ཀྲུང་གོ་གསར་པ་དང་ཕྱི་འབྲེལ་འཛུགས་སྔ་ཤོས་ཀྱི་ཞི་བདེ་རྒྱ་མཚོ་ཆེན་པོའི་གླིང་ཕྲན་རྒྱལ་ཁབ་ཀྱི་གྲས་ཤིག་ཡིན་ལ། ཞི་བདེ་རྒྱ་མཚོ་ཆེན་པོའི་གླིང་ཕྲན་རྒྱལ་ཁབ་ཁྲོད་ཀྲུང་གོ་དང“རྒྱུད་གཅིག་ལམ་གཅིག”མཉམ་ལས་ཀྱི་བསམ་ཤེས་དྲན་ཐོར་མིང་རྟགས་འགོད་སྔ་ཤོས་ཀྱི་རྒྱལ་ཁབ་ཀྱི་གྲས་ཤིག་ཀྱང་ཡིན། ས་མོ་ཡའི་ཕྱོགས་གང་ས་ནས་ཀྲུང་ས་རྒྱལ་ཁབ་གཉིས་དབར་མཉམ་ལས་བྱས་ཚུལ་མཐོང་ཐུབ། ཀྲུང་གོའི་ཁེ་ལས་ཀྱིས་སྒྱུར་བཀོད་བྱེད་རོགས་བྱས་པའི་ཧྥ་ལའེ་ཨའོ་ལུའོ་རྒྱལ་སྤྱིའི་གནམ་ཐང་ནི་ཞི་བདེ་རྒྱ་མཚོ་ཆེན་པོ་ལྷོ་མའི་ས་ཁུལ་གྱི་ཆེས་དེང་རབས་ཅན་གྱི་རྒྱལ་སྤྱིའི་གནམ་ཐང་གི་གྲས་ཤིག་རེད། ཀྲུང་གོས་སྐྲུན་རོགས་བྱས་པའི་སྲིད་གཞུང་གི་ཐོག་བརྩེགས་ཁང་ཆེན་དེ་ས་མོ་ཡའི་ཤོག་དངུལ་རབས་གསར་པའི་པར་རིས་སུ་གྱུར་པ་མ་ཟད། ས་གནས་དེ་གའི་མིས་གཱ་ཐོ་འགོད་ས་གཙོ་བོ་ཞིག་ཏུའང་གྱུར་ཡོད་ཅེས་བརྗོད།