དིང་རི་རྫོང་ཁ་དྲོ་གྲོང་ཚོར་བཅའ་སྡོད་རང་སྐྱོང་ལྗོངས་ཞིང་ལས་དང་གྲོང་གསེབ་ཐིང་གི་ལས་དོན་རུ་ཁག་གིས།
བཅའ་ཁྲིམས་ཁྱབ་གདལ་གནད་སྨིན་བྱས་ནས་ཁྲིམས་སྐྱོང་འདུ་ཤེས་མི་སེམས་སུ་ཟུག་པར་བྱས་པ།
དིང་རི་རྫོང་ཤེལ་དཀར་གྲོང་རྡལ་ཁ་དྲོ་གྲོང་ཚོར་བཅའ་སྡོད་རང་སྐྱོང་ལྗོངས་ཞིང་ལས་དང་གྲོང་གསེབ་ཐིང་གི་ལས་དོན་རུ་ཁག་ཁག་བཅུ་གསུམ་པ་བཅའ་སྡོད་བྱས་ཚུན། ཐོག་མཐའ་བར་གསུམ་དུ་ཁྲིམས་སྐྱོང་གི་འདུ་ཤེས་མང་ཚོགས་ཀྱི་ཐོན་སྐྱེད་དང་འཚོ་བའི་ཕྱོགས་ཡོངས་ལ་ཁྱབ་པར་བྱས་ཏེ་ཡུལ་དེ་ལེགས་ལ་མྱུར་བའི་སྒོ་ནས་འཕེལ་རྒྱས་འགྲོ་རྒྱུར་སྐུལ་འདེད་བཏང་བ་རེད།
གྱོད་དཔེར་བརྟེན་ནས་ཁྲིམས་ལ་འགྲེལ་བཤད་བརྒྱབ་པ། བཅའ་ཁྲིམས་ཁྱབ་གདལ་བྱེད་སྟངས་དེ་བས་ལེགས་པ་བཏོད་པ།
གྲོང་སྡོད་ལས་དོན་རུ་ཁག་གིས་ཉེན་དོན་ཁང་གི་མི་དམངས་ཉེན་རྟོག་པ་གདན་དྲངས་ནས“གྱོད་དཔེར་བརྟེན་ནས་ཁྲིམས་ལ་འགྲེལ་བཤད”ཀྱི་བཅའ་ཁྲིམས་ཁྱབ་གདལ་གྱི་དྲིལ་བསྒྲགས་འཆད་ཁྲིད་བྱས་པ་རེད། འཆད་ཁྲིད་བྱ་ཡུལ་དུ་མི་དམངས་ཉེན་རྟོག་པ་ཚེ་རིང་བསྟན་པས་ལས་ཀའི་དོན་དངོས་དང་ཉེ་དུས་ཀྱི་གནས་སྤོས་བྱ་ཡུལ་གྱི་གྱོད་དཔེ་དངོས་དང་ཟུང་འབྲེལ་བྱས་ནས། མང་ཚོགས་ཀྱིས་དོ་ཁུར་བྱེད་པའི་གླེང་མང་བའི་གནད་དོན་ལ་འགྲེལ་བཤད་ཞིབ་ཕྲ་བརྒྱབ་པ་རེད། གློག་འཕྲིན་ཁ་བསླུས་དང་སྨན་བཅོས་འགན་བཅོལ་ཁ་བསླུས་སོགས་ཀྱི་གྱོད་དཔེ་དྲངས་ཏེ་གོ་བདེ་ཤེས་སླའི་སྐད་ཆའི་ཐོག་ནས་མང་ཚོགས་ལ་བཅའ་ཁྲིམས་འགྲེལ་བཤད་བརྒྱབ་པ་དང་། ཡང་དག་པའི་ཁྲིམས་སྐྱོང་འདུ་ཤེས་འཛུགས་རྒྱུར་ཁྲིད་སྟོན་བྱས་པ་དང་འབྲེལ། མང་ཚོགས་ལ་འགྲིམ་འགྲུལ་བདེ་འཇགས་ཀྱི་འབྲེལ་ཡོད་ལས་དོན་ལ་དོ་སྣང་བྱེད་དགོས་པའི་དྲན་སྐུལ་ཡང་བྱས་པ་རེད།
ཁྲིམས་སྐྱོང་གི“ཚོང་འདུས”འཚོགས་པ། དྲིལ་བསྒྲཌ་བྱེད་སྟངས་འཚོ་བར་ཉེ་བཅར་བྱུང་བ།
ཁ་དྲོ་གྲོང་ཚོའི་སེ་འབྲུའི་རྡོག་པོ་ས་ཚིགས་སུ་གྲོང་སྡོད་ལས་དོན་རུ་མིས་མང་ཚོགས་ལ་བཅའ་ཁྲིམས་དྲིལ་བསྒྲགས་དང་བློ་འདྲིའི་ཞབས་འདེགས་ཞུས་ཤིང་། ལས་དོན་རུ་ཁག་གིས་ཁྲིམས་སྐྱོང་གི“ཚོང་འདུས”རྣམ་པ་བཏོད་དེ་སེ་འབྲུའི་རྡོག་པོ་ས་ཚིགས་དང་བྱེད་སྒོ་ཆེ་གྲས་སྤེལ་ཡུལ་སོགས་མི་ཚོགས་སྟུག་སར་བསྐྱོད་དེ། ཁྲིམས་སྐྱོང་དྲིལ་བསྒྲགས་དང་བྱ་དགའ་ཡོད་པའི་དྲི་བ་དྲིས་ལན་ཟུང་འབྲེལ་བྱས་ནས་སྤྲོ་སྣང་དོད་པའི་རྣམ་པ་བཏོད་དེ་མང་ཚོགས་མང་པོ་དེའི་ནང་ཞུགས་རྒྱུའི་ཡིད་དབང་བཀུག་ཡོད། བྱེད་སྒོ་ཆེ་གྲས་ཁག་སྤེལ་རིང་གྲོང་མིར་བཅའ་ཁྲིམས་ཁྲིམས་སྲོལ་དང་། དམངས་ཕན་སྲིད་ཇུས། བུད་མེད་ཀྱི་ཁེ་དབང་། མེ་ཟོན་བདེ་འཇགས་ཤེས་བྱ་སོགས་སྒྲོག་འགྲེལ་བྱས་པ་དང་འབྲེལ། བྱ་དགའ་ཡོད་པའི་ལན་འདེབས་བརྩོན་ལེན་གྱི་བྱེད་སྒོའང་སྤེལ་བ་རེད།
སྒྲོག་འགྲེལ“ཡན་ལག་རུ་ཁག”བཙུགས་པ། ཁྲིམས་སྐྱོང་གི་འདུ་ཤེས་མི་སེམས་སུ་ཟུག་པ།
གྲོང་སྡོད་ལས་དོན་རུ་ཁག་གི་རུ་མི་ཝུའུ་ཧའོ་ཡིས་ངོ་སྤྲོད་བྱས་པར་གཞིགས་ན། སྒྲོག་འགྲེལ“ཡན་ལག་རུ་ཁག”ནི་གྲོང་སྡོད་ལས་དོན་རུ་ཁག་གིས་སྣེ་ཁྲིད་པ་དང་གྲོང་ཚོའི“ཨུ་ལྷན་གཉིས”དང་བཅའ་ཁྲིམས་ཁྱབ་གདལ་དང་བླངས་པ་ལས་གྲུབ་པ་ཞིག་རེད། དུད་ཚང་དུ་བསྐྱོད་ནས་སྒྲོག་འགྲེལ་བྱེད་པ་དང་རིག་རྩལ་རུ་ཁག་གིས་འཁྲབ་སྟོན་བྱེད་པ་སོགས་ཀྱི་རྣམ་པའི་ཐོག་ནས་བཅའ་ཁྲིམས་ཁྱབ་གདལ་དང་དྲིལ་བསྒྲགས་བྱས་པ་རེད། རྫོང་གི་རིག་རྩལ་རུ་ཁག་གདན་དྲངས་ཏེ་གཞི་རིམ་དུ་བཅའ་ཁྲིམས་ཁྱབ་གདལ་གྱི་བྱེད་སྒོ་སྤེལ་བ་དང་། དྲིལ་བསྒྲགས་སློབ་གསོའི་ནང་དོན་ཕུན་སུམ་ཚོགས་སུ་གཏོང་བ། མང་ཚོགས་ཀྱི་ཁྲིམས་སྐྱོང་རིག་གནས་བྱང་ཚད་མཐོ་རུ་གཏོང་བ། གྲོང་ཚོ་དེ་གའི་རིག་རྩལ་རུ་ཁག་གསོ་སྐྱོང་ལ་མཐོང་ཆེན་བྱེད་པ། གླུ་གཞས་དང་ཞབས་བྲོ་སོགས་ཀྱི་རྣམ་པའི་ཐོག་ནས་བཅའ་ཁྲིམས་ཁྱབ་གདལ་གཏོང་བ་བཅས་བྱས་པ་རེད། མང་ཚོགས་ཀྱིས་གོ་བ་ལེན་བདེ་བ་དང་སྤྱོད་སླ་བའི་ཆེད་དུ། དྲིལ་བསྒྲགས་ཡན་ལག་རུ་ཆུང་གིས་ཆེད་ལས་ཀྱི་ཐ་སྙད་རྣམས་ཕལ་སྐད་དུ་ཕབ་པ་དང་འབྲེལ། ཙག་ཙིག་ཚོང་ཁང་དང་ཟ་ཁང་ཆུང་ཆུང་སོགས་ཀྱི་སྒོ་རྩར་གཉེར་སྐྱོང་པར“ཁྲིམས་གཞུང”བཤད་པ་དང་། གཉེར་སྐྱོང་གི་འབྲེལ་ཡོད་བཅའ་ཁྲིམས་ཤེས་བྱ་ཁྱབ་གདལ་བཏང་སྟེ་ཁོང་ཚོའི་ཁྲིམས་ལྟར་གཉེར་སྐྱོང་དང་ཁེ་དབང་སྲུང་སྐྱོང་གི་འདུ་ཤེས་ཟབ་ཏུ་བཏང་བ་རེད།