ཉེ་ཆར་ཀྲུང་གུང་ཀྲུང་དབྱང་གཞུང་དོན་ཐིང་དང་རྒྱལ་སྲིད་སྤྱི་ཁྱབ་ཁང་གཞུང་དོན་ཐིང་གིས《སྤྱི་ཚོགས་ཡོངས་ཀྱི་ཟོག་འགྲེམས་མ་གནས་དམའ་རུ་ནུས་ལྡན་གཏོང་བའི་བྱ་སྤྱོད་ཇུས་གཞི》བཀྲམ་པ་དང་འབྲེལ་བརྡ་ཐོ་བཏང་ནས། ས་ཁུལ་ཁག་དང་སྡེ་ཚན་ཁག་གིས་དོན་དངོས་དང་ཟུང་འབྲེལ་བྱས་ཏེ་ལག་བསྟར་དོན་འཁྱོལ་ནན་ཏན་བྱེད་དགོས་པའི་བླང་བྱ་བཏོན་པ་རེད།

《ཇུས་གཞིའི》ནང་། ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་མཛུབ་ཁྲིད་དུ་བྱ་རྒྱུ་མཐའ་འཁྱོངས་ཀྱིས་ཏང་གི་ཚོགས་ཆེན་ཉི་ཤུ་པ་དང་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གཉིས་པ་དང་གསུམ་པའི་དགོངས་དོན་ལག་བསྟར་གཏིང་ཟབ་བྱེད་པ་དང་། འཕེལ་རྒྱས་ཀྱི་འདུ་ཤེས་གསར་པ་ཆ་ཚང་བ་དང་། གནད་ལ་འཁེལ་བ། ཕྱོགས་ཡོངས་བཅས་ཀྱི་སྒོ་ནས་དོན་འཁྱོལ་བྱེད་པ། དངོས་གཞིའི་དཔལ་འབྱོར་དང་མི་དམངས་མང་ཚོགས་ལ་ཞབས་འདེགས་ཞུ་རྒྱུ་དེ་འགོ་འཛུགས་ས་དང་དོན་ལ་བབས་སར་བྱེད་པ། བཟོ་སྐྲུན་ལས་རིགས་ཀྱི་བསྡུར་ཚད་གཞི་རྩའི་ཆར་བརྟན་པོ་རྒྱུན་འཁྱོངས་བྱ་རྒྱུ་དེ་གཞི་རྩའི་སྔོན་འགྲོའི་ཆ་རྐྱེན་དུ་བྱེད་པ། གྲུབ་ཆ་ལེགས་སྒྲིག་དང་སྒྱུར་བཅོས་ལ་སྐུལ་འདེད་གཏོང་རྒྱུ་དེ་ཐབས་ལམ་གཙོ་བོར་འཛིན་པ་བཅས་བྱས་ཏེ། གྲུབ་ཆ་ལེགས་སྒྲིག་དང་སྒྱུར་བཅོས་ཟབ་གཏོང་དབར་དང་། དྲ་རྒྱ་སྟོབས་ཆེན་འཛུགས་པ་དང་མཇུག་སྣེ་ཤར་གཏོང་དབར། འགག་གནད་གཏོད་པ་དང་བཀོད་པ་ལེགས་གཏོང་དབར་བཅས་ཀྱི་འབྲེལ་བ་ཐག་གཅོད་ཡག་པོ་བྱས་ནས། སྤྱི་ཚོགས་ཡོངས་སུ་ཟོག་འགྲེམས་ཐོན་ཁུངས་བཀོད་སྒྲིག་གི་ལས་ཕྱོད་ཡག་ཤོས་དང་ཕན་འབྲས་ཆེ་ཤོས་ཐོན་རྒྱུར་སྐུལ་འདེད་གཏོང་བ་དང་། ཟོག་འགྲེམས་སྒྲིག་འཛུགས་ཅན་གྱི་ཚད་གཞི་མཐོ་རུ་དང་ལས་ཕྱོད་ཆེ་རུ་གཏོང་བ། (པར་ངོས་བཞི་པར་གཟིགས)(པར་ངོས་དང་པོར་མཐུད) ཟོག་འགྲེམས་དང་ཐོན་ལས་མཉམ་འདྲེས་གསར་གཏོད་ལ་སྐུལ་འདེད་གཏོང་བ། མཐུན་སྦྱོར་སྦྲེལ་མཐུད་དང་རྒྱུ་རྐྱེན་གཙོ་བོ་འགན་ལེན་བྱེད་ཤུགས་ཆེ་རུ་གཏོང་བ། ཟོག་འགྲེམས་ཀྱི་འཕེལ་རྒྱས་དོ་སྙོམས་མེད་པ་དང་གང་ལེགས་མ་བྱུང་བའི་གནད་དོན་ཐག་གཅོད་བྱེད་པ། ཟོག་འགྲེམས་ཀྱི་མ་གནས་ངོ་བོའི་རང་བཞིན་གྱི་སྒོ་ནས་ཆག་རྒྱུར་སྤྱི་འདོམས་སྐུལ་འདེད་གཏོང་བ། སྐྱེལ་འདྲེན་མ་གནས་དང་། མཛོད་འཇུག་མ་གནས། དོ་དམ་མ་གནས་བཅས་དམའ་རུ་ནུས་ལྡན་བཏང་སྟེ། ཐོན་ལས་ཀྱི་ལྟེ་བའི་འགྲན་རྩོད་ནུས་པ་ཆེ་རུ་གཏོང་བ་དང་རྒྱལ་དམངས་དཔལ་འབྱོར་རྒྱུན་འཁོར་ཡག་པོ་ཐུབ་རྒྱུར་འདེགས་སྐྱོར་ནུས་ལྡན་བྱེད་དགོས་པའི་བླང་བྱ་བཏོན་པ་རེད།

དམིགས་ཚད་གཙོ་བོ་ནི། 2027ལོར་སླེབས་སྐབས་སྤྱི་ཚོགས་ཟོག་འགྲེམས་ཀྱི་སྤྱིའི་འགྲོ་གྲོན་དང་རྒྱལ་ནང་གི་ཐོན་སྐྱེད་རིན་ཐང་བསྡོམས་འབོར་གྱི་བསྡུར་ཚད་13.5%ཙམ་བར་ཆག་པ་བྱ་རྒྱུ་དང་། ཕྱོགས་བསྡུས་འགྲིམ་འགྲུལ་སྐྱེལ་འདྲེན་མ་ལག་སྒྱུར་བཅོས་ཐད་ཚད་བརྒལ་གསར་པ་ཡོང་བར་བྱེད་པ་དང་དངོས་ཟོག་སྐྱེལ་འདྲེན་གྱི་གྲུབ་ཆ་སྔར་བས་ལེགས་སུ་བཏང་སྟེ། ལྕགས་ལམ་གྱི་དངོས་ཟོག་སྐྱེལ་འདྲེན་བྱེད་ཚད་དང་ལྕགས་ལམ་གྱི་དངོས་ཟོག་སྐྱེལ་འདྲེན་འཁོར་རྒྱུག་བྱེད་ཚད་ཀྱི་བསྡུར་གྲངས་བཟུང་ཚད་11%དང་23%ཙམ་བར་སོ་སོར་མཐོ་རུ་གཏོང་རྒྱུ་དང་གྲུ་ཁའི་དོས་སྒམ་ལྕགས་ལམ་དང་ཆུ་ལམ་ཐོག་མཉམ་འདྲེན་བྱེད་ཚད་ཅུང་མགྱོགས་མྱུར་འཕར་བ་རྒྱུན་འཁྱོངས་བྱ་རྒྱུ། རྒྱལ་སྤྱིའི་འགྲན་རྩོད་ནུས་པ་ལྡན་པའི་དེང་རབས་ཟོག་འགྲེམས་ཁེ་ལས་ཁག་ཅིག་སྐྱེད་སྲིང་བྱེད་པ་དང་། རྒྱལ་ཁབ་ཀྱི་ཟོག་འགྲེམས་ལྟེ་བའི་མ་ལག་དང་དེང་རབས་ཟོག་འགྲེམས་ཞབས་ཞུའི་དྲ་རྒྱ་སྔར་བས་འཐུས་སྒོ་ཚང་དུ་གཏོང་བ། གཅིག་གྱུར་ནུས་ཆེ་དང་འགྲན་རྩོད་རིམ་ལྡན་གྱི་ཟོག་འགྲེམས་ཁྲོམ་ར་གཞི་རྩའི་ཆར་ཆགས་པར་བཅས་བྱས་ཏེ། དེང་རབས་ཟོག་འགྲེམས་ཀྱིས་ཐོན་ལས་འཁོར་འབྲེལ་དང་མཁོ་སྤྲོད་འཁོར་འབྲེལ་གྱི་མཉེན་ཤུགས་དང་བདེ་འཇགས་ཆུ་ཚད་མཐོ་རུ་གཏོང་བའི་འཐབ་ཇུས་ཀྱི་འདེགས་སྐྱོར་མངོན་གསལ་དོད་པོས་ཆེ་རུ་གཏོང་རྒྱུ་བཅས་རེད།