ཉེ་ཆར། ཅོར་ཏན་གྱི་རྒྱལ་ས་ཨན་མན་དུ“ཀྲུང་གོ·པེ་ཅིང་གློག་བརྙན་འགྲེམས་སྟོན”འགོ་ཚུགས་ཤིང་། ད་རེས་ཀྱི་གློག་བརྙན་འགྲེམས་སྟོན་བྱེད་ཡུན་ཉིན་གཉིས་ཡིན་ཞིང་། དེའི་རིང《འགག་སྒོའི་འཐབ་ཕྱོགས》དང་། 《འཇའ་བཞིན་ཡལ་བའི་བུ་མོ》《ལོ་ཚོགས་མཚམས་འཇོག་མི་རུང》《གསེར་གྱི་མཛུབ་མོ》བཅས་གློག་བརྙན་བཞི་བསྟན་པ་རེད།

འགོ་ཚུགས་མཛད་སྒོར་ཅོར་ཏན་དུ་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ཁྲེན་ཁྲོན་ཏུང་གིས། ཀྲུང་གོ་དང་ཅོར་ཏན་གཉིས་ཀར་ལོ་རྒྱུས་ཡུན་རིང་བ་དང་རིག་གནས་ཐོན་ཁུངས་འབེལ་པོ་ཡོད། ཉེ་བའི་ལོ་ཤས་རིང་གློག་བརྙན་སྒྱུ་རྩལ་དང་ཐོན་ལས་གཉིས་ཀ་མགྱོགས་མྱུར་འཕེལ་རྒྱས་ཕྱིན་ནས་རང་རང་སོ་སོར་ཁྱད་ཆོས་དང་མདུན་ལམ་ཆེན་པོ་ལྡན་ཡོད་པས། ཀྲུང་གོ་དང་ཅོར་ཏན་རྒྱལ་ཁབ་གཉིས་པོའི་གློག་བརྙན་ཁྱབ་ཁོངས་ཀྱི་མཉམ་ལས་ལ་སྔར་ལས་ལྷག་པའི་གྲུབ་འབྲས་འཐོབ་རྒྱུའི་རེ་སྒུག་བྱེད་ཀྱི་ཡོད་ཅེས་བཤད་པ་རེད།

ཅོར་ཏན་གོང་མ་ཚང་གློག་བརྙན་ཨུ་ཡོན་ལྷན་ཁང་གི་སྤྱི་ཁྱབ་ཀན་ཧྲི་མུའུ་ཧན་ན་ཏེ·པ་ཁེ་ལིས་ཤིས་ཚིག་ནང་། ད་རེས་ཀྱི་གློག་བརྙན་འགྲེམས་སྟོན་འདི་ཅོར་ཏན་གྱི་ལྟད་མོ་བ་ཚོའི་ངོས་ནས་བརྗོད་ན་ཀྲུང་གོའི་རིག་གནས་གཏིང་ཟབ་ལ་དུས་ཡུན་རིང་བའི་གློག་བརྙན་ཉམས་ལེན་བྱེད་པའི་དམིགས་བསལ་གྱི་གོ་སྐབས་ཤིག་རེད། ཅོར་ཏན་དང་ཀྲུང་གོའི་མཉམ་ལས་འདི་ལྟ་བུ་སླད་ཕྱིན་མུ་མཐུད་རྒྱུན་མཐུད་ཐུབ་པའི་རེ་བ་ཡོད་ཅེས་བརྗོད་པ་རེད།