ཚེས་18ཉིན་ནོར་སྲིད་པུས་ཟླ་10པའི་ནོར་སྲིད་གཏོང་ཡོང་འཁོར་སྐྱོད་ཀྱི་གྲངས་གཞི་ཁྱབ་བསྒྲགས་བྱས་པ་དང་། ཟླ་བཅུ་པར་རྒྱལ་ཡོངས་ཀྱི་སྤྱིར་བཏང་གི་སྤྱི་པའི་སྔོན་རྩིས་ཡོང་འབབ་དུས་མཚུངས་ལས་5.5%འཕར་ནས་འཕར་ཚད་མུ་མཐུད་མཐོ་རུ་འགྲོ་བཞིན་ཡོད། ཟླ་དང་པོ་ནས་བཅུ་པའི་བར་རྒྱལ་ཡོངས་ཀྱི་སྤྱིར་བཏང་གི་སྤྱི་པའི་སྔོན་རྩིས་ཡོང་འབབ་སྒོར་དུང་ཕྱུར་184981ཟིན་པ་དེ་དུས་མཚུངས་ལས་1.3%ཆག་ནས་རིམ་རྩིས་ཆག་ཚད་མུ་མཐུད་དམའ་རུ་འགྲོ་བཞིན་ཡོད། ན་ནིང་གི་དུས་མཚུངས་སུ་ཁེ་ལས་འབྲིང་ཆུང་ཕྲན་གསུམ་གྱིས་ཁྲལ་འགྱངས་མཛོད་འཇུག་བྱས་ནས་གཞི་གྲངས་མཐོ་རུ་བཏང་བ་སོགས་དམིགས་བསལ་རྒྱུ་རྐྱེན་གྱི་ཤུགས་རྐྱེན་ཐེབས་པ་ཕུད་རྒྱལ་ཡོངས་ཀྱི་ཡོང་འབབ་བརྟན་པོའི་ངང་འཕར་བཞིན་ཡོད་པ་རེད།

ནོར་སྲིད་པུའི་འབྲེལ་ཡོད་འགན་འཁུར་བས། ཟླ་བཅུ་པའི་ཁྲལ་འབབ་དུས་མཚུངས་ལས་1.8%འཕར་ནས་ལོ་འདིའི་ནང་ཐེངས་དང་པོར་འཕར་ཏེ། ཟླ་བ་འདི་གའི་ཁྲལ་འབབ་འཁོར་སྐྱོད་ལ་དགེ་མཚན་ལྡན་པའི་འགྱུར་ལྡོག་ཁག་ཅིག་ཐོན་པ་དཔེར་ན། རྒྱལ་ནང་གི་གནས་ཐང་འཕར་ཁྲལ་ཆག་ཚད(-1.2%)དེ་ཟླ་དང་པོ་ནས་ཟླ་དགུ་པའི་བར(-5.6%)དང་བསྡུར་ན་མངོན་གསལ་དོད་པོས་དམའ་རུ་ཕྱིན་པ་དང་། སྒེར་འབབ་དཔྱ་ཁྲལ་5.5%འཕར་བ་དེ་ཟླ་བཞི་པའི་ཚུན་གྱི་འཕར་ཐེངས་དང་པོ་ཡིན་ཞེས་བརྗོད་པ་རེད།