ཉེ་ཆར་2024ལོའི་རང་སྐྱོང་ལྗོངས་ཀྱི“གཞི་རིམ་སྒྲོག་འགྲེལ་པ་ཡག་ཤོས་བཅུའི”འགྲན་བསྡུར་ཆེ་མོ་ལྷོ་ཁ་གྲོང་ཁྱེར་དུ་མཇུག་འགྲིལ་བ་རེད།

ད་ཐེངས་ཀྱི་འགྲན་བསྡུར་ཆེ་མོར་ཚུད་པའི་ཕུལ་བྱུང་གཞི་རིམ་སྒྲོག་འགྲེལ་པ་ནི་ལྗོངས་ཡོངས་ཀྱི་གཞི་རིམ་སྒྲོག་འགྲེལ་པ་10000ནང་ནས་རྩེར་སོན་ཤ་སྟག་ཡིན་ཞིང་། ཁོང་ཚོ་ནི་ལྗོངས་ཡོངས་ཀྱི་གྲོང་ཁྱེར་དང་ས་ཁུལ་བདུན་གྱི་གྲོང་ཚོ(གྲོང་ལྷན)ཁག་ནས་ཡིན་པ་དང་། གྲོང་ཚོའི་ཏང་ཀྲི་པུའི་ཧྲུའུ་ཅི་དང་། གྲོང་ཚོ་ཨུ་ལྷན་གྱི་ཀྲུའུ་རེན། སློབ་ཆེན་ཐོན་པའི་གྲོང་དཔོན། དགེ་རྒན། གྲོང་ཚོའི་སྨན་པ་སོགས་མི་སྣ་སྣ་ཚོགས་ཡོད། བདམས་ཐོན་པ་29ཚོགས་ཆུང་4ལ་བགོས་པ་དེའི་ནང་རྒྱལ་ཁབ་ཀྱི་སྤྱི་སྤྱོད་སྐད་ཡིག་ཚོགས་ཆུང་1དང་བོད་སྐད་ཚོཌ་ཆུང་3ཡོད། འགྲན་བསྡུར་བྱེད་རིང་ས་གནས་ས་ཐོག་ཏུ་སྐར་མ་བརྒྱབ་པ་དང་དྲ་ཐོག་ནས་ཐད་གཏོང་བྱས་པ་དང་འབྲེལ། གཞུང་དཔང་སྒྲིག་གཞི་གདན་དྲངས་ནས་འགྲན་བསྡུར་གྱི་བརྒྱུད་རིམ་ཧྲིལ་པོར་ལྟ་སྐུལ་བྱས་པ་རེད།

བདམས་ཐོན་པ་ཚོས་ཉེ་འགྲམ་གྱི་མི་དང་བྱ་བ་དག་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་སློབ་སྦྱོང་ལག་བསྟར་བྱེད་པ་དང་། ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་སློབ་སྦྱོང་ལག་བསྟར་བྱེད་པ། བརྟན་ལྷིང་དང་། འཕེལ་རྒྱས། སྐྱེ་ཁམས། མཐའ་སྟོབས་བཅས་ཀྱི“དོན་ཆེན་བཞིར”དམ་པོར་དམིགས་པ། “འཛུགས་གཏོད་བཞི”དང“མདུན་གྲལ་དུ་སླེབས་པ་བཞིར”སྐུལ་འདེད་ཧུར་ཐག་གཏོང་བ་སོགས་ཀྱི་ལས་དོན་ཁག་དང་ཟུང་འབྲེལ་དམ་ཟབ་བྱས་ཤིང་། ཚང་མར་རང་ཉིད་ཀྱི་ཐུན་མོང་མ་ཡིན་པའི་ཁྱད་ཆོས་ལྡན་པ་དང་། འགྲན་བསྡུར་བྱ་ཡུལ་ནས་ཐལ་མོའི་རྡེབ་སྒྲས་ཡང་ཡང་གྲགས་པ་རེད།