འདི་ནི་ཡེར་པ་ཐང་ཆུ་ཤུགས་གློག་ཁང་བསྐྲུན་ཡུལ་ཡིན་པ། (མི་མེད་གནམ་གྲུས་བླངས་པའི་པར)

འདི་ནི་ལས་མིས་ཡེར་པ་ཐང་ཆུ་ཤུགས་གློག་ཁང་གི་རགས་ཆེན་རྒྱག་བཞིན་པ།

འདི་ནི་ཡེར་པ་ཐང་ཆུ་ཤུགས་གློག་ཁང་འཛུགས་སྐྲུན་བྱ་ཡུལ་དུ་རླངས་འཁོར་ནས་ཨར་འདམ་འདོན་བཞིན་པ།

འདི་ནི་ལས་མིས་ཡེར་པ་ཐང་ཆུ་ཤུགས་གློག་ཁང་གི་རགས་ཆེན་རྒྱག་བཞིན་པ།

འཛུགས་སྐྲུན་བྱེད་བཞིན་པའི་ཡེར་པ་ཐང་ཆུ་ཤུགས་གློག་ཁང་ནི་སི་ཁྲོན་ཞིང་ཆེན་དཔལ་ཡུལ་རྫོང་དང་བོད་རང་སྐྱོང་ལྗོངས་ཀྱི་གོ་འཇོ་རྫོང་འབྲེལ་མཚམས་ཀྱི་འབྲི་ཆུའི་སྟོད་རྒྱུད་ཀྱི་ཆུ་གཞུང་དུ་ཡོད་ཅིང་། སྤྱིའི་གློག་འདོན་ཤུགས་ཀྲའོ་ཝ་2240ཟིན་པ་དེ་འབྲི་ཆུའི་སྟོད་རྒྱུད་ཀྱི་ཁྲོན་བོད་དུམ་བུའི་གློག་འདོན་ཤུགས་ཆེ་ཤོས་ཀྱི་གློག་ཁང་ཞིག་རེད།

ཤེས་རྟོགས་བྱུང་བར་གཞིགས་ན། གློག་ཁང་སྐྲུན་ཁུལ་གྱི་ཆ་སྙོམས་ས་བབ་སྨི་3000ཟིན་པ་དང་། 2025ལོའི་ཟླ་10པར་ཆུ་གསོག་རྒྱུ་དང་། 2025ལོའི་ཟླ་12པར་འཕྲུལ་ཚན་ཁག་དང་པོ་ནས་གློག་གཏོང་རྒྱུ། 2026ལོར་འཕྲུལ་ཚན་ཚང་མ་ནས་གློག་གཏོང་རྒྱུ་བཅས་ཀྱི་འཆར་གཞི་ཡོད་པ་རེད། ཡེར་པ་ཐང་ཆུ་ཤུགས་གློག་ཁང་ནི་རང་རྒྱལ་གྱི“ནུབ་གློག་ཤར་གཏོང”གི་རྒྱུན་མཐུད་རྟེན་གཞི་དང་ལྷོ་ནུབ་ཆུ་གློག་རྟེན་གཞིའི་འཛུགས་སྐྲུན་ལས་གྲྭ་གལ་ཆེན་ཞིག་ཡིན་ཞིང་། དེ་འཛུགས་སྐྲུན་བྱས་པ་དེས་རང་རྒྱལ་གྱི་ནུས་རྒྱུའི་གྲུབ་ཆ་ལེགས་སུ་གཏོང་བ་དང་བོད་འབྲེལ་ས་ཁུལ་གྱི་དཔལ་འབྱོར་དང་སྤྱི་ཚོགས་འཕེལ་རྒྱས་ལ་སྐུལ་འདེད་གཏོང་བར་དོན་སྙིང་གལ་ཆེན་ལྡན་ཡོད།