ཤིན་ཧྭ་གསར་འགྱུར་ཁང་གྲོང་ཁྱེར་སན་ཐེ་ཡ་ཀོ་ནས་གློག་འཕྲིན་འབྱོར་བ་གཞིར་བཟུང་། ཆི་ལིའི་སན་ཐེ་ཡ་ཀོ་རྒྱལ་སྤྱིའི་དཔེ་དེབ་འགྲེམས་སྟོན་སྐབས་43པའི་ཀྲུང་གོའི་སྐུ་མགྲོན་གཙོ་བོའི་རྒྱལ་ཁབ་ཀྱི་བྱེད་སྒོ་ཚེས་8ཉིན་སན་ཐེ་ཡ་ཀོའི་མཱ་པོ་ཆའོ་སྒྱུ་རྩལ་རིག་གནས་ལྟེ་གནས་སུ་འགོ་ཚུགས་པ་རེད།

ད་ཐེངས་ཀྱི་སྐུ་མགྲོན་གཙོ་བོའི་རྒྱལ་ཁབ་ཀྱི་བྱེད་སྒོའི་རིང་། ཀྲུང་གོའི་འགྲེམས་ཁུལ་དུ་རིགས་སྣ་ཁ་3000ལྷག་ཙམ་ཡོད་པའི་ནང་དོན་ཕུན་སུམ་ཚོགས་པ་དང་། དགོངས་པ་གཏིང་ཟབ་པ། ཆི་ལིའི་ཀློག་པ་པོའི་དགོས་མཁོ་དང་འཚམ་པ་བཅས་ཀྱི་དཔེ་དེབ་རྩེ་གྲ་སྣ་ཁ་ཁྲི་གཅིག་ལྷག་ཙམ་འགྲེམས་སྟོན་བྱས་པ་རེད། བྱེད་སྒོར《ཞི་ཅིན་ཕིང་གི་གསུང་རྩོམ་བདམས་སྒྲིག་ཀློག་དེབ》དང་པོ་དང་གཉིས་པ་དང་། 《ཞི་ཅིན་ཕིང་གིས་རྒྱལ་སྲིད་སྐྱོང་ལུགས་སྐོར་གླེང་བ》ཞེས་པའི་དེབ་དང་པོ་ནས་བཞི་པ་བར་སོགས་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་གསུང་རྩོམ་གལ་ཆེན་དང་འབྲེལ་ཡོད་སློབ་སྦྱོང་ཀློག་དེབ་ཀྱི་རྒྱ་ཡིག་དང་ཕྱི་ཡིག་པར་མ་གཙོ་གནད་ཐོག་འགྲེམས་སྟོན་བྱས་པ་དང་། ཀྲུང་གོའི་ཕྱོགས་ཡོངས་ནས་སྒྱུར་བཅོས་ཟབ་གཏོང་དང་ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་བའི་བརྗོད་དོན་གཙོ་བོའི་དཔེ་དེབ་རབ་དང་རིམ་པ་གཅིག་སྡུད་ཐོག་འགྲེམས་སྟོན་བྱས་ཡོད། འབྲེལ་ཡོད་དཔེ་དེབ་ལ་དོ་ཁུར་ཆེན་པོ་ཐོབ་པ་དང་འགྲེམས་ཁུལ་དུ་ཕྱི་རྒྱལ་གྱི་རིག་གནས་མཁས་དབང་དང་ས་གནས་དམངས་ཚོགས་ཚོས་ལྟ་ཀློག་དང་སྤེལ་རེས་བྱས་ཡོད།

དཔེ་དེབ་འགྲེམས་སྟོན་བྱེད་རིང་། ད་དུང་ཀྲུང་གོའི་ལུགས་ཀྱི་དེང་རབས་ཅན་དང་ཀྲུང་གོ་དང་ལ་ཏིང་མེ་གླིང་གི་དཔེ་སྐྲུན་མཉམ་ལས་ཀྱི་གོ་སྐབས་གསར་པའི་གླེང་སྟེགས་དང་། ཀྲུང་གོ་དང་ལ་ཏིང་མེ་གླིང་གི་རྩོམ་རིག་དཔེ་སྐྲུན་སྤེལ་རེས་གླེང་སྟེགས། ཉེ་ལུའུ་ཏ་ཐེབས་རྩ་ལྷན་ཚོགས་ལ་དཔེ་དེབ་ཞལ་འདེབས་རྒྱག་པ་སོགས་ཀྱི་བྱེད་སྒོ་སྤེལ་བ་རེད།