ཐུང་མོང་གི་ངོས་འཛིན་གཅིག་སྡུད་བྱས་ནས་འཛམ་གླིང་ལ “ལྷོ་ཕྱོགས་བློ་གྲོས”ལེགས་སྐྱེས་འབུལ་དགོས།
ཀྲུའུ་ཞི་ཞི་ཅིན་ཕིང་གིས“གོ་ལ་ཧྲིལ་པོའི་ལྷོ་ཕྱོགས”སྨྱན་སྦྱོར་གྱི་ཇུས་འདོན་ཚོགས་པའི་མཐོ་རིམ་གླེང་སྟེགས་ལ་སྤྲིངས་པའི་རྟེན་འབྲེལ་འཕྲིན་ཡིག་གིས་བསམ་བློའི་ཁྲིད་སྟོན་གནང་བ།
རྒྱལ་ཁབ་ཀྱི་ཀྲུའུ་ཞི་ཞི་ཅིན་ཕིང་གིས་པར་ཙིར་ཧྲེང་པའོ་ལུའོ་རུ་འགོ་ཚུགས་པའི“གོ་ལ་ཧྲིལ་པོའི་ལྷོ་ཕྱོགས”སྨྱན་སྦྱོར་གྱི་ཇུས་འདོན་ཚོགས་པའི་མཐོ་རིམ་གླེང་སྟེགས་ལ་རྟེན་འབྲེལ་འཕྲིན་ཡིག་སྤྲིངས་པར་ཚོགས་ཞུགས་སྐུ་མགྲོན་ཚོའི་ཁྲོད་ཚུར་སྣང་ལན་ཆ་ཆེན་པོ་བྱུང་ཡོད། གསར་དར་ཁྲོམ་རའི་རྒྱལ་ཁབ་དང་འཕེལ་རྒྱས་འགྲོ་བཞིན་པའི་རྒྱལ་ཁབ་ནས་ཡོང་བའི་རྒྱལ་ཁབ་མང་པོའི་མི་སྣས། ཀྲུའུ་ཞི་ཞི་ཅིན་ཕིང་གིས་རྟེན་འབྲེལ་འཕྲིན་ཡིག་ནང་གོ་ལ་ཧྲིལ་པོའི་ལྷོ་ཕྱོགས་ཀྱིས་མིའི་རིགས་ཀྱི་ཡར་ཐོན་བྱ་གཞག་ཁྲོད་ནུས་པ་དེ་བས་ཆེ་བ་བཏོན་པ་གསལ་འགྲེལ་གནང་བ་དང་། ཀྲུང་གོས་ཐོག་མཐའ་བར་གསུམ་དུ་གོ་ལ་ཧྲིལ་པོའི་ལྷོ་ཕྱོགས་རྒྱལ་ཁབ་དང་མཉམ་དུ་ཕྱོགས་མང་རིང་ལུགས་ངོ་མ་ལག་ལེན་བསྟར་བའི་ནན་བཤད་གནང་བ་དེས་གོ་ལ་ཧྲིལ་པོའི་ལྷོ་ཕྱོགས་སྨྱན་སྦྱོར་གྱི་ཇུས་འདོན་ཚོགས་པས་འབྲེལ་ཡོད་རྒྱལ་ཁབ་ཁག་ལ་དེང་རབས་ཅན་གྱི་ཕུགས་འདུན་དོན་གཉེར་བྱེད་རོགས་དང་གོ་ལ་ཧྲིལ་པོའི་བཅོས་སྐྱོང་ལ་སྐུལ་འདེད་གཏོང་བར་ཁ་ཕྱོགས་གསལ་སྟོན་གནང་བ་ངོས་འཛིན་བྱས་ཡོད།
ཀྲུང་གོས་གོ་ལ་ཧྲིལ་པོའི་ལྷོ་ཕྱོགས་མཉམ་ལས་དང་འཕེལ་རྒྱས་ལ་སྒུལ་ཤུགས་བསྣན་པ།
ཀྲུའུ་ཞི་ཞི་ཅིན་ཕིང་གིས་རྟེན་འབྲེལ་འཕྲིན་ཡིག་ནང་གསུངས་དོན། དེང་སྐབས་འཛམ་གླིང་ལྷོ་ཕྱོགས་ཀྱི་སྙན་གྲགས་ཇེ་ཆེར་འགྲོ་བཞིན་ཡོད་པ་དང་མིའི་རིགས་ཀྱི་ཡར་ཐོན་བྱ་གཞག་ཁྲོད་ནུས་པ་སྔར་ལས་ཆེ་བ་འདོན་བཞིན་ཡོད། ཀྲུང་གོ་ནི་ཐོག་མཐའ་བར་གསུམ་དུ་གོ་ལ་ཧྲིལ་པོའི་ལྷོ་ཕྱོགས་ཀྱི་ཁོངས་མི་ཞིག་ཡིན་པ་དང་། ནམ་ཡང་འཕེལ་རྒྱས་འགྲོ་བཞིན་པའི་རྒྱལ་ཁབ་ཀྱི་ཁོངས་སུ་གཏོགས་པས། རྒྱ་ཆེའི་གོ་ལ་ཧྲིལ་པོའི་ལྷོ་ཕྱོགས་རྒྱལ་ཁབ་དང་མཉམ་དུ་ཕྱོགས་མང་རིང་ལུགས་ངོ་མ་ལག་ལེན་བསྟར་བ་དང་། འདྲ་མཉམ་དང་གོ་རིམ་ལྡན་པའི་འཛམ་གླིང་སྣེ་མང་ཅན་དང་ཀུན་ཕན་བསྟུན་མཁས་ཀྱི་དཔལ་འབྱོར་གོ་ལ་ཧྲིལ་པོ་ཅན་དར་སྤེལ་བཏང་སྟེ། ལག་གདང་སྦྲེལ་ནས་མིའི་རིགས་ཀྱི་ལས་དབང་གཅིག་མཐུན་ཚོགས་པ་གཏོད་པར་སྐུལ་འདེད་གཏོང་འདོད་ཡོད།
ས་གནས་ས་ཐོག་ཏུ་ཀྲུའུ་ཞི་ཞི་ཅིན་ཕིང་གི་རྟེན་འབྲེལ་འཕྲིན་ཡིག་ཉན་རྗེས། པར་ཙིར་གྱི་ཀྲུང་གོའི་གནད་དོན་ཞིབ་འཇུག་ལྟེ་གནས་ཀྱི་ཀྲུའུ་རེན་ལུའོ་ཉི·ལིན་སིས་ཀྲུང་གོས་དཔལ་འབྱོར་སྤུས་ཚད་མཐོ་བའི་འཕེལ་རྒྱས་གཏོང་རྒྱུ་མཐའ་འཁྱོངས་བྱེད་པ་དང་ཆུ་ཚད་མཐོ་བའི་ཕྱི་ཕྱོགས་སྒོ་དབྱེར་སྐུལ་འདེད་བཏང་ནས་འཛམ་གླིང་གི་དཀའ་གནད་སེལ་ཆེད་ཀྲུང་གོའི་ཇུས་གཞི་བཏོན་པ་དཔེར་ན། ཞི་བདེའི་ངང་སྐད་ཆ་ཤོད་རེས་བྱས་ནས་རྒྱལ་སྤྱིའི་རྩོད་གཞི་ཐག་གཅོད་བྱ་རྒྱུའི་འདོད་ཚུལ་འཛིན་པ་དང་། མིག་སྔའི་འཛམ་གླིང་གི་དུས་བབ་གསར་པར་གཞིགས་ནས་རིག་གནས་སློབ་གསོར་ཤུགས་སྣོན་རྒྱག་པ། ལྗང་མདོག་འཕེལ་རྒྱས་ཁྱབ་གདལ་གཏོང་བ་སོགས་ལྟ་བུ་རེད། དེ་ནི་འཛམ་གླིང་ཡོངས་ཀྱི་དཔལ་འབྱོར་འཕེལ་རྒྱས་ལ་དེ་བས་ལེགས་པའི་ཆ་རྐྱེན་གཏོད་ཆེད་རེད་ཅེས་བརྗོད།
མོ་ཞི་ཁོའི་རྒྱལ་ཕྲན་མཉམ་འབྲེལ་གྱི་གྲོས་ཁང་གོང་མའི་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོ་ཁུལ་ཨུ་ཡོན་ལྷན་ཁང་གི་ཀྲུའུ་ཞི་དང་མོ་ཞི་ཁོའི་སྲིད་འཛིན་ཏང་རྒྱལ་ཁབ་བསྐྱར་དར་ལས་འགུལ་ཏང་གི་ཀྲུའུ་ཞི་ཟུར་པ་པོ་ལེ་ཝུན་སི་ཅི་ཡིས། གོ་ལ་ཧྲིལ་པོའི་ལྷོ་ཕྱོགས་ཀྱི་འདུ་ཤེས་ལ་འཛམ་གླིང་ཐོག་ངོས་འཛིན་དེ་བས་རྒྱ་ཁྱབ་ཐོབ་པ་དང་ཀྲུང་གོས་ལག་ལེན་བརྒྱུད་འདུ་ཤེས་དེ་དོན་དངོས་སུ་འགྱུར་བར་བྱེད་བཞིན་ཡོད། ཀྲུང་གོས“རྒྱུད་གཅིག་ལམ་གཅིག”མཉམ་སྐྲུན་གྱི་མཉམ་ལས་རྣམ་གྲངས་ལ་བརྟེན་ནས་ལ་ཏིང་མེ་གླིང་གི་འཕེལ་རྒྱས་དང་དར་རྒྱས་ལ་རྒྱབ་སྐྱོར་བྱས་ཏེ་གོ་ལ་ཧྲིལ་པོའི་ལྷོ་ཕྱོགས་ཀྱི་འདུ་ཤེས་དོན་ཐོག་ཏུ་འཁྱོལ་བར་བྱེད་པ་དང་། གོ་ལ་ཧྲིལ་པོའི་ལྷོ་ཕྱོགས་རྒྱལ་ཁབ་དབར་ཕན་ཚུན་བརྩི་འཇོག་དང་རྒྱུས་ལོན་བྱེད་པར་སྐུལ་འདེད་གཏོང་བ། ཐུན་མོང་ཐོག་ཡར་རྒྱས་ཡོང་བ། ཤེས་དཔལ་མི་འདྲ་བ་སྤེལ་རེས་དང་ཕན་ཚུན་དཔྱད་གཞིར་འཛིན་རྒྱུར་སྐུལ་འདེད་གཏོང་བ། ཕྱོགས་མང་རིང་ལུགས་སྲུང་སྐྱོང་བཅས་བྱེད་ཀྱི་ཡོད། སྨྱན་སྦྱོར་གྱི་ཇུས་འདོན་ཚོགས་པས་རྒྱལ་ཁབ་ཁག་དང་ལས་རིགས་ཁག་གིས་གོ་ལ་ཧྲིལ་པོའི་ལྷོ་ཕྱོགས་ཞེས་པའི་ཐ་སྙད་དེ་ཤེས་རྟོགས་གང་ལེགས་བྱེད་པར་སྐུལ་འདེད་གཏོང་ཆེད་མེད་དུ་མི་རུང་བའི་ནུས་པ་འདོན་བཞིན་ཡོད། ཤིན་ཧྭ་གསར་འགྱུར་ཁང་ཚུད་པའི་ཀྲུང་གོའི་གཙོ་རྒྱུན་སྨྱན་སྦྱོར་གྱིས་དོན་དངོས་གནས་ཚུལ་དྲང་གཞག་སྤེལ་གཏོང་བྱ་རྒྱུ་མཐའ་འཁྱོངས་བྱས་ནས་དྲང་ནུས་བརྒྱུད་སྤེལ་ཧུར་ཐག་བྱས་པའི་ངོས་འཛིན་བྱས་ཡོད།
སྤེལ་རེས་ལ་བརྟེན་ནས་མཉམ་ལས་ལ་སྐུལ་འདེད་བཏང་སྟེ་དུས་རབས་ཀྱི་ཞིབ་འཇུག་བྱ་གཞིར་ཐུན་མོང་ཐོག་ལན་བཏབ་པ།
ཀྲུའུ་ཞི་ཞི་ཅིན་ཕིང་གིས་རྟེན་འབྲེལ་འཕྲིན་ཡིག་ནང་ནན་བཤད་གནང་དོན། འཛམ་གླིང་གི་ལོ་བརྒྱའི་འགྱུར་ལྡོག་ཁྲོད་དེང་རབས་ཅན་གྱི་ཕུགས་འདུན་དོན་གཉེར་བྱས་ནས་རྒྱལ་སྤྱིའི་སྒྲིག་ལམ་དེ་བས་གཞུང་དྲང་ལུགས་མཐུན་གྱི་ཕྱོགས་སུ་འཕེལ་རྒྱས་འགྲོ་རྒྱུར་སྐུལ་འདེད་གཏོང་རྒྱུ་དེ་ནི་གོ་ལ་ཧྲིལ་པོའི་ལྷོ་ཕྱོགས་རྒྱལ་ཁབ་ཀྱི་ཕྲག་ཐོག་ཏུ་བབས་པའི་བླ་ན་མེད་པའི་ལོ་རྒྱུས་ཀྱི་འགན་འཁྲི་ཞིག་རེད་ལ། གོ་ལ་ཧྲིལ་པོའི་ལྷོ་ཕྱོགས་སྨྱན་སྦྱོར་གྱི་ཇུས་འདོན་ཚོགས་པར་འཕྲད་པའི་ཐུན་མོང་གི་དུས་རབས་ཀྱི་ཞིབ་འཇུག་བྱ་གཞི་ཞིག་ཀྱང་རེད།
ཨ་ཀེན་ཐིན་གྱི་ཨ་ཀྲུང་ཞིབ་འཇུག་ལྟེ་གནས་ཀྱི་ཀྲུའུ་རེན་ཕ་ཐེ་ལི་ཤིས་ཨའོ·ཀྲུའུ་སི་ཐུའོ་ཡིས། སྨྱན་སྦྱོར་གྱི་ཇུས་འདོན་ཚོགས་པས་གོ་ལ་ཧྲིལ་པོའི་ལྷོ་ཕྱོགས་རྒྱལ་ཁབ་ཀྱི་སྤེལ་རེས་མཉམ་ལས་ལ་སྐུལ་འདེད་གཏོང་བའི་ཁྲོད་དེ་བས་གལ་འགངས་ཆེ་བའི་ནུས་པ་འདོན་བཞིན་ཡོད། གོ་ལ་ཧྲིལ་པོའི་ལྷོ་ཕྱོགས་རྒྱལ་ཁབ་ལ་རྟག་ཏུ་གཞན་གྱིས་གོ་བ་ལོག་སྒྲུབ་བྱེད་ཀྱི་ཡོད་པས། གོ་ནོར་ཐེབས་པ་དག་སེལ་དང་ཕྱོགས་རིས་ཀྱི་ལྟ་ཚུལ་ཡོ་བསྲང་བྱ་རྒྱུ་དེ་ནི་གོ་ལ་ཧྲིལ་པོའི་ལྷོ་ཕྱོགས་སྨྱན་སྦྱོར་གྱི་ཇུས་འདོན་ཚོགས་པར་འཕྲད་པའི་ཐུན་མོང་གི་དུས་རབས་ཀྱི་ཞིབ་འཇུག་བྱ་གཞི་ཞིག་རེད། འཐབ་ཇུས་གསར་པ་སྤྱད་དེ་ཕྱི་རོལ་ཡུལ་གྱི་དོན་དངོས་བརྒྱུད་སྤེལ་ཐུབ་པའི་འགན་ལེན་བྱས་ནས་གོ་ལ་ཧྲིལ་པོའི་ལྷོ་ཕྱོགས་རྒྱལ་ཁབ་ཀྱི་འབོད་སྒྲ་གོ་ཐུབ་པ་དང་བསམ་ཤེས་ཐུབ་པ་བྱེད་དགོས། ལ་ཏིང་མེ་གླིང་གི་རྒྱལ་ཁབ་ཏུ་འཚོག་ཉེར་ཡོད་པའི་ཨེ་ཤེ་ཡ་དང་ཞི་བདེ་རྒྱ་མཚོ་ཆེན་པོ་ཁུལ་གྱི་དཔལ་འབྱོར་མཉམ་ལས་རྩ་འཛུགས་ཀྱི་འགོ་ཁྲིད་པའི་དངོས་གཞི་མིན་པའི་ཚོགས་འདུ་དང་རྒྱལ་ཁབ་ཉི་ཤུ་ཚོགས་པའི་འགོ་ཁྲིད་པའི་དབུ་ཚོགས་སོགས་ཕྱོགས་མང་མཉམ་ལས་ལམ་སྲོལ་ནི་གོ་ལ་ཧྲིལ་པོའི་ལྷོ་ཕྱོགས་རྒྱལ་ཁབ་ཀྱི་ཆ་འཕྲིན་ངོ་མ་བརྒྱུད་བསྒྲགས་བྱེད་པའི་ལས་སྟེགས་གལ་ཆེན་ཞིག་ཡིན་པ་ངོས་འཛིན་བྱས་ཡོད།
མིའི་རིགས་ཀྱི་ལས་དབང་གཅིག་མཐུན་ཚོགས་པ་གཏོད་པར་སྐུལ་འདེད་གཏོང་ཆེད“ལྷོ་ཕྱོགས་ཀྱི་འགན་འཁྲི”ཁུར་བ།
ཙམ་པབ་ཝེའི་ལྷོ་རྒྱུད་ཨ་ཧྥེ་རི་ཁ་གླིང་ཞིབ་འཇུག་དང་ཚད་ལྡན་ཡིག་ཆ་ལྟེ་གནས་ཀྱི་ལག་བསྟར་ཀྲུའུ་རེན་མཱ་ཏ་ཁུ་ཧྥན་པ་ཡིས་ཀྲུའུ་ཞི་ཞི་ཅིན་ཕིང་གི་རྟེན་འབྲེལ་འཕྲིན་ཡིག་ཉན་རྗེས་སེམས་འགུལ་ཚད་མེད་ཐེབས་བྱུང་། ཁོང་གིས། ཀྲུའུ་ཞི་ཞི་ཅིན་ཕིང་གིས་དེ་སྔོན་དེང་རབས་ཅན་གྱི་ལམ་བུའི་ཐོག་གཅིག་ཀྱང་ཉུང་མི་རུང་ལ་རྒྱལ་ཁབ་གཅིག་ཀྱང་རྗེས་སུ་ལུས་མི་རུང་ཞེས་གསུངས་མྱོང་ཡོད། གོ་ལ་ཧྲིལ་པོའི་ལྷོ་ཕྱོགས་རྒྱལ་ཁབ་ཀྱིས་སྣ་མང་དང་། ཕྱོགས་མང་། ཁོང་ཡངས་བཅས་ཀྱི་རྩ་དོན་ལ་བརྩི་སྲུང་བྱེད་ཀྱི་ཡོད་པས། རྒྱལ་ཁབ་ཆེ་ཆུང་ལ་མ་ལྟོས་པར་ཚང་མའི་འབོད་སྒྲ་གོ་ཐུབ་ཀྱི་ཡོད། གོ་ལ་ཧྲིལ་པོའི་ལྷོ་ཕྱོགས་རྒྱལ་ཁབ་ཀྱིས་ད་དུང་གོ་ལ་ཧྲིལ་པོའི་བཅོས་སྐྱོང་མ་ལག་སྒྱུར་བཅོས་དར་སྤེལ་བཏང་སྟེ། འཛམ་གླིང་གི་ཞི་བདེ་དང་མཐུན་སྦྱོར་འཕེལ་རྒྱས་ལ་སྐུལ་འདེད་གཏོང་གི་ཡོད་ཅེས་བརྗོད།
ཀྲུའུ་ཞི་ཞི་ཅིན་ཕིང་གི་རྟེན་འབྲེལ་འཕྲིན་ཡིག་གིས་ཀེ་རེན་ན་ཏའི་སྲིད་གཞུང་གསར་འགྱུར་གཞུང་ལས་ཁང་གི་ཀྲུའུ་རེན་ཅཱ་སན·ཧྥེ་ལེ་ཕུ་ལ་སྐུལ་ལྕག་ཆེན་པོ་ཐེབས་ཡོད། ཁོང་གིས། གོ་ལ་ཧྲིལ་པོའི་ལྷོ་ཕྱོགས་རྒྱལ་ཁབ་ཀྱི་ཁོངས་མི་ཞིག་ཡིན་པའི་ངོས་ནས། ཀེ་རེན་ན་ཏས་ཐོག་མཐའ་བར་གསུམ་དུ་འཕེལ་རྒྱས་འགྲོ་བཞིན་པའི་རྒྱལ་ཁབ་གཞན་དང་མཉམ་དུ་ཕྱོགས་མང་རིང་ལུགས་དང་ཁུལ་ཁོངས་མཉམ་ལས་ལ་ཤུགས་སྣོན་རྒྱག་པར་གཞོལ་བ་དང་འཛམ་གླིང་གི་ཞི་བདེ་དང་བརྟན་ལྷིང་ལ་སྐུལ་འདེད་ཧུར་ཐག་གཏོང་གི་ཡོད། དཔེར་ན། ཅཱ་ལི་པི་གཅིག་མཐུན་ཚོགས་པས་གདོང་གཏུག་ཐག་གཅོད་དང་ས་ཁུལ་གྱི་དམངས་གཙོར་སྐུལ་འདེད་གཏོང་བའི་ཐད་ནུས་པ་གལ་ཆེན་བཏོན་ཡོད། མཐུན་སྒྲིལ་མཉམ་ལས་དེ་ལྟ་བུས་རྒྱལ་ཁབ་ཆུང་གྲས་ཀྱི་སྐད་ཤུགས་ཆེ་རུ་ནུས་ལྡན་བཏང་བས། དེ་བས་དོ་སྙོམས་དང་སྣེ་མང་ཅན་གྱི་རྒྱལ་སྤྱིའི་སྒྲིག་ལམ་གཏོད་པར་ཕན་པ་ཡོད། གོ་ལ་ཧྲིལ་པོའི་ལྷོ་ཕྱོགས་སྨྱན་སྦྱོར་གྱི་ཇུས་འདོན་ཚོགས་པས་འགན་འཁྲི་ཕྲག་ཏུ་ཁུར་ཏེ། རྒྱུན་མཐུད་མཉམ་ལས་དང་ཐུན་མོང་གི་ངོས་འཛིན་གཅིག་སྡུད་བྱས་ནས་རྒྱལ་ཁབ་ཆེ་ཆུང་ལ་མ་ལྟོས་པར་ཚང་མ་འཕེལ་རྒྱས་ཡར་ཐོན་ཡོང་བར་སྐུལ་མ་བཏང་སྟེ། མཛེས་སྡུག་ལྡན་པའི་འབྱུང་འགྱུར་ཕྱོགས་སུ་བསྐྱོད་དགོས་པའི་ངོས་འཛིན་བྱས་ཡོད།