ལོ་གཉིས་རིང་། ལེའོ་ཉིང་གི་བོད་སྐྱོར་ལས་དོན་རུ་ཁག་ཁག་བཅུ་པས་རྣམ་གྲངས་བོད་སྐྱོར་ཡག་པོ་གཉེར་བ་དང་ཚོང་འགུགས་མ་འདྲེན་བྱེད་ཤུགས་ཆེ་རུ་གཏོང་བ་སོགས་ཀྱི་ཐད་ཤུགས་སྣོན་རྒྱག་པ་དང་། ནག་ཆུའི་ཐོན་ཁུངས་ཀྱི་ལེགས་ཆ་སྔོག་འདོན་གང་ལེཌ་བྱེད་པ། ལེའོ་ཉིང་གི་ཐོན་ཁུངས་རྒྱུན་ཆད་མེད་པར་སྦྲེལ་མཐུད་ཡག་པོ་བཅས་བྱས་པས། ཚན་ཞིབ་དང་། གཞི་རིམ་བཅོས་སྐྱོང་། ཐོན་ལས་སོགས་ཁྱབ་ཁོངས་མང་པོར་གཡུར་ཟའི་གྲུབ་འབྲས་ཐོབ་ཡོད་པ་རེད།

རྨང་གཞིའི་སྒྲིག་བཀོད་འཛུགས་སྐྲུན་བྱ་རྒྱུ་འགན་ལེན་དུ་བྱས་ནས། སོན་རྩིའི་ཐོན་ཁུངས་སྲུང་སྐྱོང་དང་ཞིབ་འཇུག་ལ་རམ་འདེགས་བྱས་ཤིང་། ཀྲུང་གོ་ནག་ཆུ་ཡི་མཚོ་བོད་ས་མཐོའི་གླིང་སྣེའི་སོན་རྩིའི་ཐོན་ཁུངས་སྲུང་སྐྱོང་ཞིབ་འཇུག་ལྟེ་གནས་ལ་ཁྱོན་མ་དངུལ་སྒོར་ཁྲི་5072.95བཏང་བ་དང་། རྣམ་གྲངས་དེ་2024ལོའི་ཟླ་4ཚེས་20ཉིན་ནས་ལས་འགོ་ཚུགས་ཤིང་། མིག་སྔའི་བར་མ་དངུལ་སྒོར་ཁྲི་4500དམིགས་སར་འབྱོར་བ་དེའི་ནང་ལེའོ་ཉིང་གི་བོད་སྐྱོར་མ་དངུལ་སྒོར་ཁྲི་3000ཚུད་ཡོད། ལེའོ་ཉིང་གི་བོད་སྐྱོར་ལས་དོན་རུ་ཁག་གིས་ཞིབ་འཇུག་ལྟེ་གནས་རྣམ་གྲངས་ཀྱི་ཞིབ་འཇུག་སྙན་ཞུ་དང་འཆར་འགོད་ཇུས་གཞི་བཟོ་བར་རོགས་རམ་བྱས་ནས་རྣམ་གྲངས་བདེ་བླག་ངང་སྤེལ་རྒྱུར་རམ་འདེགས་བྱས་པ་དང་། མིག་སྔར་དུས་ཐེངས་དང་པོའི་རྣམ་གྲངས་གཙོ་བོ་བདེ་བླག་ངང་ཞིབ་བཤེར་རྩིས་ལེན་བྱས་པ་རེད།

དམངས་འཚོའི་བདེ་རྩ་ཆེ་རུ་གཏོང་རྒྱུ་དམིགས་ཚད་དུ་བྱས་ནས་གཞི་རྩའི་སྤྱི་པའི་ཞབས་ཞུ་རྒྱུན་མཐུད་འཐུས་སྒོ་ཚང་དུ་བཏང་ཞིང་། དམངས་འཚོའི་དཀའ་གནད་ལ་དམིགས་ནས“གང་ལ་དེ་འཚམ”གྱི་བོད་སྐྱོར་བྱས་ཏེ། སྦྲ་ཆེན་རྫོང་གི་རྒྱལ་སྲུང་སྐུལ་སློང་དངོས་སྦྱོང་རྟེན་གཞི་དང་། ནག་ཆུ་གྲོང་རྡལ་གྱི་གྲོང་ཁྱེར་དང་གྲོང་གསེབ་མཉམ་འདྲེས་འཛུགས་སྐྲུན། ཨ་མདོ་རྫོང་སྨན་བཅོས་དྲག་སྐྱེད་ལྟེ་གནས་སོགས་བཀྲག་མདངས་འཚེར་སའི་རྣམ་གྲངས་རབ་དང་རིམ་པ་གཙོ་གནད་ཐོག་ལག་ལེན་བསྟར་བ་རེད། ནག་ཆུ་གྲོང་ཁྱེར་གྱི་སྲིད་འཛིན་སྤྱི་སྤྱོད་ལས་རིགས་ཀྱི་འཁོར་སྐྱོད་དོ་དམ་ཆུ་ཚད་མཐོ་རུ་གཏོང་ཆེད། ལེའོ་ཉིང་ཞིང་ཆེན་ཧྥུའུ་ཤིན་གྲོང་ཁྱེར་ཆུ་དོན་ཚོགས་པ་དང་ཚ་ཁུངས་བཟོ་གྲྭ་སོགས་ཚན་པའི་མཐོ་རིམ་ལག་རྩལ་པ་6ལས་གྲུབ་པའི་རིགས་གཅིག་མཁས་ཅན་ཚོགས་ཆུང་གིས་ནག་ཆུར་རོགས་སྐྱོར་བྱ་རྒྱུར་མཐུན་སྦྱོར་བྱས་པ་རེད།

ཁྱད་ལྡན་ཐོན་ལས་རིམ་སྤོར་བྱ་རྒྱུ་ཁ་ཕྱོགས་སུ་བྱས་ནས་ཚོང་འགུགས་མ་འདྲེན་གྱི་རྒྱ་སྟོབས་ཆེ་རུ་འགྲོ་བར་སྐུལ་འདེད་བཏང་ཞིང་། “ནང་དུ་འདྲེན་པར”གྲ་སྒྲིག་ཞིབ་ཚགས་བྱས་ཏེ་ཁེ་ལས་ནག་ཆུར་རྟོག་ཞིབ་བྱེད་པར་གདན་དྲངས་པ་དང་ས་གནས་ས་ཐོག་ཏུ་འདོད་མཐུན་རྣམ་གྲངས་འབྲེལ་མཐུད་བྱས་ཏེ་རིམ་རྩིས་བརྒྱབ་ན་ཚོང་འགུགས་མ་འདྲེན་གྱི་བྱེད་སྒོ་ཐེངས་9སྤེལ་ནས། རྣམ་གྲངས་བཅུ་ཕྲག་ཁ་ཤས་དང་གན་རྒྱ་བཞག་པ་དང་གན་རྒྱ་བཞག་པའི་མ་དངུལ་སྒོར་དུང་ཕྱུར་བཅུ་གྲངས་ཟིན་ཏེ། ནག་ཆུ་གྲོང་ཁྱེར་གྱི་རིག་གནས་ཡུལ་སྐོར་ཐོན་ཁུངས་དང་ཁྱད་ལྡན་ཚོང་ཟོག་ཕྱི་ཕྱོགས་སུ་སྔར་བས་ཁྱབ་གདལ་གཏོང་བ་དང་ནག་ཆུའི་དཔལ་འབྱོར་དང་སྤྱི་ཚོགས་སྤུས་ཚད་མཐོ་བའི་འཕེལ་རྒྱས་ལ་རྨང་གཞི་བརྟན་པོ་བཏིང་ཡོད་པ་རེད།