ཟླ་11ཚེས་10ཉིན། ཀྲུང་གོ་རྒྱལ་སྤྱིའི་ནང་འདྲེན་དངོས་མང་སྟོན་ཚོགས་སྐབས་བདུན་པ་ཧྲང་ཧའེ་རུ་མཇུག་འགྲིལ་བ་རེད། སྐབས་འདིའི་ནང་འདྲེན་དངོས་མང་སྟོན་ཚོགས་ཐོག་ཚོང་འགྲིག་ཚད་མཐོ་རུ་ཕྱིན་ཞིང་། ལོ་གཅིག་གི་འདོད་མཐུན་ཚོང་འགྲིག་དངུལ་འབོར་ཨ་སྒོར་དུང་ཕྱུར་800.1ཟིན་པ་དེ་སྐབས་གོང་མ་ལས་2.0%འཕར་ཡོད།

ལོ་བརྒྱའི་འགྱུར་ལྡོག་གི་གནས་ཚུལ་འོག གོ་ལ་ཧྲིལ་པོ་སྐྱིད་སྡུག་མཉམ་མྱོང་དང་མིའི་རིགས་ཀྱི་ལས་དབང་གཅིག་ཏུ་འབྲེལ་ཡོད། སྤྱི་ཁྱབ་ཧྲུའུ་ཅི་ཞི་ཅིན་ཕིང་གིས“ཀྲུང་གོ་ཕྱོགས་ཀྱིས་མཉམ་ལས་གཉིས་ཕན་གྱི་འདུ་ཤེས་འཆང་བཞིན་ཀྲུང་གོའི་ལུགས་ཀྱི་དེང་རབས་ཅན་གྱི་གྲུབ་འབྲས་གསར་པས་འཛམ་གླིང་གི་འཕེལ་རྒྱས་ལ་རྒྱུན་ཆད་མེད་པར་གོ་སྐབས་གསར་པ་མཁོ་འདོན་བྱེད་པ་དང་ཕྱོགས་ཁག་དང་མཉམ་དུ་ཞི་བདེ་འཕེལ་རྒྱས་དང་། གཉིས་ཁེ་མཉམ་ལས། ཐུན་མོང་དར་རྒྱས་བཅས་ཀྱི་འཛམ་གླིང་གི་དེང་རབས་ཅན་མངོན་འགྱུར་ཡོང་བར་སྐུལ་འདེད་ཧུར་ཐག་བཏང་སྟེ་རྒྱལ་ཁབ་ཁག་གི་མི་དམངས་ལ་བདེ་སྐྱིད་དེ་བས་ཆེ་བ་སྐྲུན་འདོད་ཡོད”ཅེས་ནན་བཤད་གནང་བ་རེད།

ནང་འདྲེན་དངོས་མང་སྟོན་ཚོགས་དེ་ཀྲུང་གོ་དང་འཛམ་གླིང་ཕྱོགས་གཉིས་སུ་སྐྱོད་པའི་ཐུན་མོང་གི་ཁ་ཆད་ལ་གྱུར་ནས་འཛམ་གླིང་གིས་སྒོ་དབྱེ་མཉམ་ལས་བྱེད་པའི་ཐུན་མོང་གི་བསམ་འདུན་མཚོན་པ་དང་། རྒྱལ་ཁབ་ཁག་གིས་ལག་གདང་སྦྲེལ་ནས་འཆམ་མཐུན་མཉམ་གནས་ཀྱི་མཛེས་སྡུག་ལྡན་པའི་འཛམ་གླིང་བསྐྲུན་པར་རམ་འདེགས་ཐུབ་ཡོད།

ལས་སྟེགས་ཆེན་པོ་བཞིའི་ནུས་པ་བཏོན་ནས་འཕེལ་རྒྱས་ཀྱི་རྣམ་པ་གསར་པ་གང་མགྱོགས་གཏོད་པ་དང་འཛམ་གླིང་གི་དཔལ་འབྱོར་འཕེལ་རྒྱས་ལ་སྐུལ་འདེད་གཏོང་ཆེད་སྒུལ་ཤུགས་ཆེན་པོ་བསྣན་ཡོད།

ནང་འདྲེན་དངོས་མང་སྟོན་ཚོགས་སྐབས་བདུན་གྲུབ་འབྲས་ཐོབ་པའི་ངང་གཉེར་ཞིང་། ཀྲུང་གོའི་ཁྲོམ་ར་ཆེན་པོའི་ལེགས་ཆར་བརྟེན་ནས་རྒྱལ་སྤྱིའི་ཉོ་སྒྲུབ་དང་། མ་འཇོག་སྐུལ་འདེད། མི་ཆོས་རིག་གནས་སྤེལ་རེས། སྒོ་དབྱེ་མཉམ་ལས་བཅས་ལས་སྟེགས་ཆེན་པོ་བཞིའི་ནུས་པ་བཏོན་ཏེ་འཕེལ་རྒྱས་ཀྱི་རྣམ་པ་གསར་པ་གང་མགྱོགས་གཏོད་པ་དང་འཛམ་གླིང་གི་དཔལ་འབྱོར་འཕེལ་རྒྱས་ལ་སྐུལ་འདེད་གཏོང་ཆེད་སྒུལ་ཤུགས་ཆེན་པོ་བསྣན་ཡོད།

“ཉོ་སྒྲུབ་ཀྱི་དངུལ་འབོར་ཨ་སྒོར་དུང་ཕྱུར་28ལྷག་ཙམ་ཟིན་ཡོད”སྐབས་འདིའི་ནང་འདྲེན་དངོས་མང་སྟོན་ཚོགས་ནང་ཀྲུང་གོ་ཤར་ཕྱོགས་མཁའ་འགྲུལ་གྱིས་ཧྥ་རན་སེ་དང་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་སོགས་རྒྱལ་ཁབ་དང་ས་ཁུལ་གྱི་ཁེ་ལས་18དང་ཉོ་སྒྲུབ་གྲོས་མཐུན་19བཞག་ཡོད་པ་རེད།

“ནང་འདྲེན་དངོས་མང་སྟོན་ཚོགས་བསྟུད་མར་ལོ་བདུན་བདེ་བླག་ངང་གཉེར་ཡོད། དེ་ཐོག་ནས་ཀྲུང་གོས་ཆུ་ཚད་མཐོ་བའི་སྒོ་དབྱེ་དང་རྒྱལ་སྤྱིའི་མཉམ་ལས་མཐའ་འཁྱོངས་བྱེད་པའི་གདེང་ཚོད་དང་ཆོད་སེམས་གང་ལེགས་མངོན་གྱི་ཡོད”མོ་ཧྲ་ཏུང་གོ་ལ་ཧྲིལ་པོའི་མཐོ་རིམ་ཙུང་ཚའེ་གཞོན་པ་ཐན་ཨན་ནཱ་ཡིས། ཀྲུང་གོའི་ཞིབ་སྤེལ་དང་། བཟོ་སྐྲུན། ཚོང་ལས་གཉེར་སྐྱོང་སོགས་ཐད་ཀུང་སིས་གོམ་སྟབས་གསར་པ་སྔར་བས་སྤོས་ནས་ཞིབ་སྤེལ་ལྟེ་གནས་དེ་བས་མང་བ་བཙུགས་ཏེ་སྤུས་ལེགས་ཀྱི་སྨན་དང་སྨན་བཅོས་ཐོན་རྫས་དང་ཞབས་ཞུ་ཡིས་ནད་པ་དེ་བས་མང་བར་ཕན་པ་ཐོབ་པར་སྐུལ་འདེད་གཏོང་གི་ཡིན་ཞེས་བཤད།

“ཞིང་ལས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བར་ཞིང་ལས་ཁྱབ་ཁོངས་ཀྱི་རྒྱལ་སྤྱིའི་མཉམ་ལས་ལ་ཤུགས་སྣོན་རྒྱག་དགོས”ཤན་ཀྲེང་ཏ་ཚོགས་པའི་ཀྲུང་གོ་བྱ་གཞག་པུའི་ཙུང་ཚའེ་སུའུ་ཧྥུའུ་ཡིས། ཐོན་ལས་འཁོར་འབྲེལ་གྱི་གོང་འོག་རོགས་ཟླ་དང་མཉམ་ལས་གཏིང་ཟབ་བྱས་ཏེ་ཞིང་ལས་ཚན་རྩལ་གསར་གཏོད་བྱེད་མགྱོགས་སུ་གཏོང་རྒྱུ་ཡིན་ཞེས་བཤད།