ཟླ་11ཚེས་6ཉིན། ནང་འདྲེན་དངོས་མང་སྟོན་ཚོགས་སྐབས་བདུན་པའི་འགྲེམས་ཞུགས་ཚོང་པའི་མནའ་འབྲེལ་ཚོགས་ཆེན་རྒྱལ་ཁབ་ཚོགས་འགྲེམས་ལྟེ་གནས(ཧྲང་ཧའེ)སུ་འཚོགས་པ་དང་ཚོགས་འདུའི་ཐོག་ནང་འདྲེན་དངོས་མང་སྟོན་ཚོགས་སྐབས་བརྒྱད་པའི་འགྲེམས་ཞུགས་ཚོང་པའི་གན་འཇོག་མཛད་སྒོ་འཚོགས་པ་རེད། ཁེ་ལས་དང་སྒྲིག་གཞི་80ཡིས་ནང་འདྲེན་དངོས་མང་སྟོན་ཚོགས་སྐབས་བརྒྱད་པའི་ནང་ཞུགས་རྒྱུའི་མིང་ཐོ་བཀོད་པ་དང་གན་འཇོག་འགྲེམས་སྟོན་རྒྱ་ཁྱོན་སྨི་ངོས་གྲུ་ཁྲི་5ཙམ་ཡོད་པ་རེད།

གན་འཇོག་ཁེ་ལས་དང་དེ་བཞིན་སྒྲིག་གཞིའི་འཐུས་མིས་ནང་འདྲེན་དངོས་མང་སྟོན་ཚོགས་ལ་ཁས་ལེན་དང་རེ་སྒུག་གང་ལེགས་བྱས་ཤིང་། སུའེ་ཙེར་ལྟེ་གནས་ཚོགས་པའི་འབྲེལ་ཡོད་འགན་འཁུར་བས་སུའེ་ཙེར་གྱི་ཁེ་ལས་དེ་བས་མང་བ་སྟོན་ཚོགས་ནང་ཞུགས་པར་སྐུལ་འདེད་གཏོང་བ་དང་ཀྲུང་གོའི་འཕེལ་རྒྱས་ཀྱི་གོ་སྐབས་དམ་འཛིན་ཡག་པོ་བྱས་ཏེ་ལྗང་མདོག་ཁོར་ཡུག་སྲུང་སྐྱོང་དང་གསར་གཏོད་སྨན་བཅོས་སོགས་ཁྱབ་ཁོངས་ཀྱི་ཀྲུང་གོའི་ཁྲོམ་རའི་དགོས་མཁོ་དེ་བས་ལེགས་པའི་ངང་སྐོང་རྒྱུ་ཡིན་ཞེས་བརྗོད་པ་རེད།