འདི་ནི་ཀྲུང་ལོ་རྒྱལ་ཁབ་གཉིས་ཀྱི་གསར་འགོད་པས་མན་ཀྲུའུ་གྲོང་ཁྱེར་གྱི་མན་ཀྲུའི་ལོ་གསར་རི་མོ་འགྲེམས་སྟོན་ཁང་དུ་ལྟ་སྐོར་བྱེད་བཞིན་པ། འདི་ག་ཚགས་པར་གྱི་གསར་འགོད་པ་སུན་ཀོང་ཡུང་གིས་པར་བརྒྱབ།

འདི་ནི་ཀྲུང་ལོ་རྒྱལ་ཁབ་གཉིས་ཀྱི་གསར་འགོད་པས་སྤེལ་རེས་བྱེད་བཞིན་པ། འདི་ག་ཚགས་པར་གྱི་གསར་འགོད་པ་སུན་ཀོང་ཡུང་གིས་པར་བརྒྱབ།

ཀྲུང་ལོའི་སྨྱན་སྦྱོར་གྱི་སྤུས་ཚད་མཐོ་བའི“རྒྱུད་གཅིག་ལམ་གཅིག”མཉམ་སྐྲུན་གྱི་མཉམ་འབྲེལ་བཅར་འདྲི་ཚོགས་པ་སི་ཁྲོན་ཞིང་ཆེན་གྱི་ལྟེ་བའི་གྲོང་ཁྱེར་ཁྲེང་ཏུའུ་རུ་སླེབས་ཤིང་། གྲོང་ཁྱེར་དེའི་མཛེས་སྡུག་ལྡན་པའི་ཡུལ་ལྗོངས་དང་། བརྗིད་ཉམས་ལྡན་པའི་འཛུགས་སྐྲུན། འཆམ་མཐུན་གྱི་རྣམ་པ་བཅས་ལས་མི་རྣམས་ལ་བག་ཆགས་ཟབ་མོ་བཞག་ཡོད། བཅར་འདྲི་ཚོགས་པ་དང་བཅས་པས་ཁྲེང་ཏུའུ་རྒྱལ་སྤྱིའི་ལྕགས་ལམ་གྲུ་ཁར་བཅར་འདྲི་བྱས་ཤིང་། གྲུ་ཁ་དེ་ནི་ལོ་སི་སོགས་རྒྱལ་ཁབ་མང་པོའི་འགྲིམ་འགྲུལ་སྦྲེལ་མཐུད་བྱེད་པའི་ལྟེ་གནས་ཤིག་རེད། ལོ་ཀྲུང་ལྕགས་ལམ་དེ་ནས་བརྒྱུད་པས། ལོ་སི་དང་ཀྲུང་གོའི་དབར་ཞིང་ཞོར་ཐོན་ཟོག་ཚུད་པའི་དངོས་ཟོག་སྣ་ཚོགས་ཟམ་མི་ཆད་པར་སྐྱེལ་འདྲེན་བྱས་ནས་ཕྱོགས་གཉིས་པོའི་ཚོང་དོན་འཕེལ་རྒྱས་ལ་སྐུལ་མ་ཤུགས་ཆེན་ཐེབས་ཡོད། —— ལོ་སི《པ་ཐེ་ལིའོ་ཚགས་པར》ཐོག་གནས་ཚུལ་སྤེལ་བ་གཞིར་བཟུང་།

འདི་ནི་ཀྲུང་ལོ་རྒྱལ་ཁབ་གཉིས་ཀྱི་གསར་འགོད་པས་ཁྲེང་ཏུའུ་རྒྱལ་སྤྱིའི་ལྕགས་ལམ་གྲུ་ཁར་བཅར་འདྲི་བྱེད་སྐབས་མཉམ་པར་རྒྱག་བཞིན་པ། 《ཀྲུང་གོ་དཔལ་འབྱོར་གཟའ་འཁོར་དུས་དེབ》ཀྱི་གསར་འགོད་པ་ཤའོ་དབྱི་ཡིས་པར་བརྒྱབ།

འདི་ནི་ཀྲུང་ལོ་རྒྱལ་ཁབ་གཉིས་ཀྱི་གསར་འགོད་པས་ཁྲེང་ཏུའུ་གྲོང་ཁྱེར་ལུའུ་ཤིས་ཀྲི་ཀུའུ་ཕྱོགས་བསྡུས་བློ་རིག་ནུས་རྒྱུའི་རྣམ་གྲངས་ལ་བཅར་འདྲི་བྱེད་བཞིན་པ། འདི་ག་ཚགས་པར་གྱི་གསར་འགོད་པ་སུན་ཀོང་ཡུང་གིས་པར་བརྒྱབ།

འདི་ནི་ལོ་སི《ཝན་ཐེན་སྐབས་དོན་ཚགས་པར》གྱི་གསར་འགོད་པ་སུའོ་ས་ཁུན·དབན་ཆའོ་ཡིས་ཀོང་ཡོན་གྱི་སངས་རྒྱས་སྟོང་སྐུའི་བྲག་ཕུག་ལ་ལྟ་སྐོར་བྱེད་སྐབས་བྱ་འཕུར་བ་ལྟར་རྒྱུག་བཞིན་པའི་ཤུགས་འགྲེམས་མེ་འཁོར་ལ་པར་རྒྱག་བཞིན་པ། ལོ་སི་རྒྱལ་ཁབ་གསར་འགྱུར་ཁང་གི་གསར་འགོད་པ་ཝུན་ནཱ་ལའེ·ནན་ཁན་ནཱ་ཡིས་པར་བརྒྱབ།

འདི་ནི་ལོ་སིའི་གསར་འགོད་པས་ཁྲེང་ཏུའུ་ཡི་དོམ་ཁྲ་གསོ་སྤེལ་ཞིབ་འཇུག་རྟེན་གཞིར་དོམ་ཁྲ་སྲུང་སྐྱོང་ལས་དོན་སྐོར་ལ་བཅར་འདྲི་བྱེད་བཞིན་པ། ལོ་སི《མི་དམངས་ཚགས་པར》གྱི་གསར་འགོད་པ་སཱ་ན་ཉི·ཧྥུང་ཕ་ཏིས་པར་བརྒྱབ།

ཀྲུང་གོ་འགྲིམ་འགྲུལ་འཛུགས་སྐྲུན་ཚོགས་པ་ཚད་ཡོད་ཀུང་སི་འཛུགས་སྐྲུན་ནང་ཞུགས་པའི་ལོ་ཀྲུང་ལྕགས་ལམ་2021ལོའི་ཟླ་12པར་དངོས་སུ་ཤར་གཏོང་ཐུབ་ཅིང་། ལོ་ཀྲུང་ལྕགས་ལམ་དེ་བྱང་ཀྲུང་གོའི་ཡུན་ནན་ཁུན་མིང་གྲོང་ཁྱེར་ནས་ལྷོ་ལོ་སིའི་རྒྱལ་ས་ཝན་ཐེན་བར་ཡིན་པ་དེའི་ཁྱོན་ལམ་ཐག་སྤྱི་ལེ་1035ཙམ་ཡོད། ལྕགས་ལམ་དེ་ནི་ཨེ་ཤེ་ཡ་ཆེན་པོའི་ལྕགས་ལམ་དྲ་བའི་གྲུབ་ཆ་གལ་ཆེན་ཞིག་ཡིན་ལ། ལོ་སིའི་རྒྱལ་ནང་གི་ཀྲུང་གོའི་ལྕགས་ལམ་དྲ་བ་དང་ཐད་ཀར་སྦྲེལ་མཐུད་བྱས་པའི་རྒྱལ་སྤྱིའི་ལྕགས་ལམ་རྣམ་གྲངས་ཐོག་མ་དེའང་རེད། ལོ་ཀྲུང་ལྕགས་ལམ་བསྐྲུན་རྗེས། ལམ་རྒྱུད་གྲོང་ཁྱེར་དབར་གྱི་ལམ་ཐག་དུས་ཚོད་ཐུང་དུ་ཤུགས་ཆེན་ཕྱིན་ཡོད། ཁུན་མིང་གྲོང་ཁྱེར་ནས་ཤིས་ཧྲོང་པན་ནའི་ཏའེ་རིགས་རང་སྐྱོང་ཀྲོའུ་ཅིང་ཧུང་གྲོང་ཁྱེར་བར་ཆུ་ཚོད་3ཙམ་ལས་འགོར་གྱི་མེད་པ་དང་ལོ་སིའི་རྒྱལ་ས་ཝན་ཐེན་བར་ཉིན་དེ་རང་ལ་འབྱོར་གྱི་ཡོད། ལོ་ཀྲུང་ལྕགས་ལམ་གྱིས་ལོ་སི་དང་ཀྲུང་གོའི་དབར་གྱི་མཉམ་འབྲེལ་མཉམ་མཐུད་ཟབ་ཏུ་ཕྱིན་ནས་ལྕགས་ལམ་ལམ་རྒྱུད་ས་ཁུལ་གྱི་སྤྱི་ཚོགས་དང་དཔལ་འབྱོར་འཕེལ་རྒྱས་ལ་སྐུལ་མ་ཆེན་པོ་ཐེབས་ཡོད་པ་རེད། —— ལོ་སི་རྒྱལ་ཁབ་གསར་འགྱུར་ཁང་གིས་གནས་ཚུལ་སྤེལ་བ་གཞིར་བཟུང་།

འ

དི་ནི་ཁྲེན་ཏུའུ་འཛམ་གླིང་ལྡུམ་རའི་ལག་རྩལ་འགྲེམས་ཚོགས་ཀྱི་ཚོགས་ར་གཙོ་བོ་ཡིན་པ། 《ཀྲུང་གོ་དཔལ་འབྱོར་གཟའ་འཁོར་དུས་དེབ》ཀྱི་གསར་འགོད་པ་ཤའོ་དབྱི་ཡིས་པར་བརྒྱབ།

ཀྲུང་གོའི་སི་ཁྲོན་ཀོང་ཡོན་གྲོང་ཁྱེར་དུ་གནས་པའི་ཀྲའོ་ཧྭ་གནའ་གྲོང་ལ་ལོ་རྒྱུས་ཡུན་རིང་ལྡན་ཞིང་། རྒྱལ་ཁབ་གསུམ་གྱི་གཏམ་རྒྱུད་རིག་གནས་ལས་སྐད་གྲགས་ཆོད་ཡོད། གནའ་གྲོང་དེ་ནི་ལོ་ངོ་སྟོང་གི་སི་ཁྲོན་དུ་སྐྱོད་པའི་ལམ་བུ་དང་ཅ་ལིང་གཙང་པོ་དང་པད་ལུང་གཙང་པོའི་འདྲེས་མཚམས་སུ་གནས་ཡོད། ཕྱོགས་བཞི་རི་བོས་བསྐོར་ཞིང་མདུན་དུ་ཆུ་བོ་གསུམ་དལ་བུར་རྒྱུག་པ་དེ་ནི་གནའ་རབས་ཀྱི་དམག་དོན་ས་ཆ་གལ་ཆེན་ཞིག་རེད་ལ། སྐབས་དེའི་ཆབ་སྲིད་དང་། དཔལ་འབྱོར། རིག་གནས་བཅས་ཀྱི་ལྟེ་གནས་ཤིག་ཀྱང་རེད། ང་ཚོས་གནའ་གྲོང་དུ་ལྟ་སྐོར་བྱེད་སྐབས། དུས་དང་བར་སྟོང་ལས་བརྒལ་ནས་ལོ་རྒྱུས་ཀྱི་ཟིལ་རླབས་དགུང་འཕྱུར་དང་དུས་རབས་ཀྱི་འཕོ་འགྱུར་ཆེན་པོ་མྱོང་རོལ་ཐུབ་པ་དང་དུས་མཚུངས། དེ་ག་ནས་ཀྲུང་ཧྭ་མི་རིགས་ཀྱི་འཕེལ་རྒྱས་བརྒྱུད་རིམ་མཐོང་ཐུབ་ལ། སྔོན་ཆད་ནས་འབྱུང་འགྱུར་ཕྱོགས་སུ་སྐྱོད་པའི་ཀྲུང་ཧྭའི་ཤེས་དཔལ་ཡང་ཉམས་ལེན་བྱེད་ཐུབ་བྱུང་། —— ལོ་སི《མི་དམངས་ཚགས་པར》ཐོག་གནས་ཚུལ་སྤེལ་བ་གཞིར་བཟུང་།

ཉིན་ཤས་གོང་། 2024ལོའི“རྒྱུད་གཅིག་ལམ་གཅིག”གི་སྨྱན་སྦྱོར་མཉམ་ལས་གླེང་སྟེགས་ཀྱི་སྒྲོམ་གཞིའི་འོག་གི་ཀྲུང་ལོའི་སྨྱན་སྦྱོར་གྱིས་སྤུས་ཚད་མཐོ་བའི“རྒྱུད་གཅིག་ལམ་གཅིག”མཉམ་སྐྲུན་གྱི་མཉམ་འབྲེལ་བཅར་འདྲི་སི་ཁྲོན་དུ་བྱས་པ་རེད། མི་དམངས་ཉིན་རེའི་ཚགས་པར་དང་། ཀྲུང་གོ་གསར་འགྱུར་ཁང་། ལོ་སི《མི་དམངས་ཚགས་པར》 ལོ་སིའི་རྒྱལ་ཁབ་འཕྲིན་གཏོང་ཁང་། ལོ་སི《པ་ཐེ་ལིའོ་ཚགས་པར》སོགས་ཀྲུང་ལོའི་སྨྱན་སྦྱོར་ཚན་པ་10ལྷག་ཙམ་གྱི་འཐུས་མིས་ཁྲེང་ཏུའུ་དང་། ཏེ་དབྱང་། ཀོང་ཡོན་སོགས་སུ་བཅར་འདྲི་བྱས་ཏེ་ཀྲུང་གོས་སྤུས་ཚད་མཐོ་བའི་འཕེལ་རྒྱས་ལ་བརྟེན་ནས་ཀྲུང་གོའི་ལུགས་ཀྱི་དེང་རབས་ཅན་ལ་ཕྱོགས་ཡོངས་ནས་སྐུལ་འདེད་གཏོང་བའི་ལག་ལེན་ལ་མྱོང་རོལ་བྱས་པ་རེད། མཉམ་འབྲེལ་བཅར་འདྲིའི་གྲུབ་འབྲས་དེ་པར་རིས་དང་ཡི་གེ་མཉམ་དུ་བཀོད་དེ་རྒྱལ་ཁབ་གཉིས་པོའི་སྨྱན་སྦྱོར་གྱིས་བེད་སྤྱད་ནས་ཀྲུང་ལོའི་ལས་རིགས་ཁག་གིས་སྤུས་ཚད་མཐོ་བའི“རྒྱུད་གཅིག་ལམ་གཅིག”མཉམ་སྐྲུན་ལ་སྐུལ་འདེད་གཏོང་བའི་ཐུན་མོང་གི་ངོས་འཛིན་གཅིག་ཏུ་འདུས་ཏེ་རྒྱལ་ཁབ་གཉིས་པོའི་དམངས་སེམས་གཅིག་མཐུན་ཡོང་བར་སྔར་བས་སྐུལ་འདེད་བཏང་ཡོད་པ་རེད།