ཚེས་4ཉིན། ཀོང་ཀྲོའུ་ཚོང་འདུས་སྐབས་136པ་ཀོང་ཀྲོའུ་རུ་མཇུག་འགྲིལ་བ་དང་། ཚོང་འདུས་ལ་ཡོང་བའི་མངའ་ཁོངས་ཕྱི་རོལ་གྱི་ཉོ་སྒྲུབ་ཚོང་པའི་གྲངས་འབོར་ལོ་རྒྱུས་ཀྱི་ཟིན་ཐོ་གསར་པ་བཏོད་ཡོད་པ་རེད། ཟླ་11ཚེས་3ཉིན། རྒྱལ་ཁབ་དང་ས་ཁུལ་214ནས་ཡོང་བའི་མངའ་ཁོངས་ཕྱི་རོལ་གྱི་ཉོ་སྒྲུབ་ཚོང་པ་ཁྲི་25.3ཟིན་ནས་སྐབས་གོང་མ་ལས་2.8%འཕར་བ་དང་མི་ཁྲི་25ལས་ཐེངས་དང་པོ་བརྒལ་ཡོད་པ་རེད། དེའི་ནང་། “རྒྱུད་གཅིག་ལམ་གཅིག”མཉམ་སྐྲུན་རྒྱལ་ཁབ་དང་ས་ཁུལ་གྱི་ཉོ་སྒྲུབ་ཚོང་པའི་བསྡུར་ཚད་ཀྱིས་བཅུ་ཆ་དྲུག་ལྷག་ཙམ་ཟིན་པ་དང་། དབུས་ཤར་རྒྱལ་ཁབ་ཀྱི་ཉོ་སྒྲུབ་ཚོང་པའི་གྲངས་འབོར་འཕར་ཚད་མགྱོགས་ཤོས་ཡིན་ལ། ཡོ་རོབ་དང་མེ་གླིང་རྒྱལ་ཁབ་ཀྱི་ཉོ་སྒྲུབ་ཚོང་པའི་གྲངས་འབོར་མངོན་གསལ་དོད་པོས་བསྐྱར་དུ་འཕར་ཡོད་པ་རེད།