ཕྱོགས་ཡོངས་ནས་སྒྱུར་བཅོས་སྔར་བས་ཟབ་སྤེལ་བྱས་ཏེ་ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་བཏང་བ་བརྒྱུད། ཀྲུང་གོས་དེ་བས་ཡངས་པའི་འཕེལ་རྒྱས་ཀྱི་མདུན་ལྗོངས་བསུས་ནས་རྒྱལ་ཁབ་ཁག་ལ་སྒོ་དབྱེ་མཉམ་ལས་དང་ཐུན་མོང་འཕེལ་རྒྱས་ཀྱི་གོ་སྐབས་དེ་བས་མང་བ་མཁོ་འདོན་བྱ་རྒྱུ་རེད།

ཀྲུང་གོ་གུང་ཁྲན་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་ཐོག《ཕྱོགས་ཡོངས་ནས་སྒྱུར་བཅོས་སྔར་བས་ཟབ་སྤེལ་བྱས་ཏེ་ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་བའི་སྐོར་གྱི་ཀྲུང་གུང་ཀྲུང་དབྱང་གི་གཏན་འབེབས》(གཤམ་ལ《གཏན་འབེབས》ཞེས་བསྡུ་རྒྱུ)ལ་གྲོས་ཞིབ་བྱས་ནས་གྲོས་འཆམ་བྱུང་སྟེ། སྒྱུར་བཅོས་བྱེད་ཐབས་གལ་ཆེན་ཁག་300ལྷག་ཙམ་བཏོན་པ་དེ་དག་ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་གཏོང་བའི་ཕྱོགས་གང་ཅིར་ཁྱབ་ཡོད་ཅིང་། དེའི་ནང་སྔོན་ཆད་ཀྱི་སྒྱུར་བཅོས་བྱེད་ཐབས་འཐུས་སྒོ་ཇེ་ཚང་དང་རིམ་སྤོར་ཚུད་ཡོད་ལ། ལག་ལེན་གྱི་དགོས་མཁོ་དང་ཚོད་ལྟ་འཚོལ་ཞིབ་གཞིར་བཟུང་གསར་དུ་བཏོན་པའི་སྒྱུར་བཅོས་ཀྱི་བྱེད་ཐབས་ཀྱང་ཚུད་ཡོད།

《གཏན་འབེབས》ཀྱི་ནང་དོན་ཆ་ཚང་ནན་ཏན་ངང་ལྟ་ཀློག་བྱས་པ་དེས་ཀྲུང་གོའི་འཕེལ་རྒྱས་ཀྱི་ཉམས་མྱོང་དང་མདུན་ལྗོངས་དེ་བས་ཤེས་རྟོགས་ལེགས་པོ་ཐུབ་རྒྱུར་ཕན་ཐོགས་ཡོད། ཀྲུང་གོས་གཞུང་འཁྱོངས་གསར་འབྱེད་མཐའ་འཁྱོངས་ཀྱིས་རྩ་བ་བརྟན་སྲུང་ལ་མཐོང་ཆེན་བྱེད་པ་མ་ཟད། གསར་གཏོད་བྱེད་ཕོད་པའང་བྱས་ཡོད། ཀྲུང་གོས་ལམ་ལུགས་འཛུགས་སྐྱོང་ལ་ཚད་མཐོའི་མཐོང་ཆེན་བྱས་ཏེ་ཕྱོགས་ཡོངས་ནས་ཁྲིམས་ལྟར་རྒྱལ་སྐྱོང་མཐའ་འཁྱོངས་དང་སྒྱུར་བཅོས་དང་ཁྲིམས་སྐྱོང་གཅིག་གྱུར་ཡོང་བར་བྱས་ཡོད། ཀྲུང་གོས་བརྒྱུད་རིམ་གྱི་འདུ་ཤེས་མཐའ་འཁྱོངས་ཀྱིས་སྒྱུར་བཅོས་ཀྱི་བརྒྱུད་རིམ་རང་བཞིན་དང་། སྤྱི་ཡོངས་རང་བཞིན། མཐུན་སྦྱོར་རང་བཞིན་བཅས་ནུས་ཤུགས་ཡོད་རྒུས་ཆེ་རུ་བཏང་ཡོད།

འདས་ཟིན་པའི་ལོ་30ལྷག་ཙམ་རིང་། རང་ཉིད་ཀྲུང་གོར་འཚམས་འདྲིར་ཐེངས་མང་སྐྱོད་མྱོང་ཡོད། ཀྲུང་གོའི་འཕེལ་རྒྱས་དང་ཡར་རྒྱས་ལ་བག་ཆགས་ཟབ་མོ་བྱུང་། ཀྲུང་གོས་དཔལ་འབྱོར་དང་སྤྱི་ཚོགས་འཕེལ་རྒྱས་ཕྱོགས་ཡོངས་ནས་ལྗང་མདོག་གཞན་སྒྱུར་ལ་སྐུལ་འདེད་བཏང་སྟེ་ལྗང་མདོག་འཁོར་རྒྱུག་གི་ཐཱན་ཉུང་འཕེལ་རྒྱས་ལ་གོམ་པ་བརྟན་པོ་ཞིག་སྤོས་ཡོད། ཀྲུང་གོས་དམངས་འཚོའི་བྱ་གཞག་འཕེལ་རྒྱས་ལ་སྐུལ་འདེད་གཏོང་ཆེད་འབད་བརྩོན་ལྷོད་མེད་བྱས་ཡོད། གྲངས་གཞི་ལས་མངོན་པར། ཀྲུང་གོའི་གཞི་རྩའི་སྨན་བཅོས་འགན་བཅོལ་ནང་ཞུགས་མཁན་མི་གྲངས་དུང་ཕྱུར་13.34ཙམ་ཟིན་ནས། གཞི་རྩའི་རྒན་གསོ་དང་། ལས་ཤོར། ལས་རྨས་འགན་བཅོལ་བཅས་ནང་ཞུགས་མཁན་མི་གྲངས་དུང་ཕྱུར་10.75དང་། དུང་ཕྱུར་2.45 དུང་ཕྱུར་3.03བཅས་སོ་སོར་ཟིན་ཏེ་འཛམ་གླིང་ཐོག་གཞི་ཁྱོན་ཆེ་ཤོས་ཀྱི་སྤྱི་ཚོགས་འགན་སྲུང་མ་ལག་དང་སྨན་བཅོས་འཕྲོད་བསྟེན་མ་ལག་ཅིག་བསྐྲུན་ཡོད། འཕེལ་རྒྱས་ཁྲོད་དམངས་འཚོ་འགན་ལེན་དང་ལེགས་སུ་གཏོང་རྒྱུ་ནི་ཀྲུང་གོའི་ལུགས་ཀྱི་དེང་རབས་ཅན་གྱི་ལས་འགན་གལ་ཆེན་ཞིག་རེད། ལས་ཞུགས་དང་། སློབ་གསོ། སྨན་བཅོས། རྒན་གསོ། སྡོད་ཁང་སོགས་ཕྱོགས་མང་པོར་དམིགས་ནས《གཏན་འབེབས》ནང་བཀོད་སྒྲིག་གལ་ཆེན་བྱས་པ་དེའི་དམིགས་ཡུལ་ནི་མི་དམངས་ཀྱི་འཚོ་བའི་སྤུས་ཚད་རྒྱུན་ཆད་མེད་པར་མཐོ་རུ་གཏོང་རྒྱུ་དེ་རེད།

ཐོན་སྐྱེད་ནུས་ཤུགས་གསར་མ་ནི་མིག་སྔའི་ཀྲུང་གོའི་འཕེལ་རྒྱས་ཤེས་རྟོགས་བྱེད་པའི་འགག་རྩ་ཞིག་ཡིན་ཞིང་། སྤུས་ཚད་མཐོ་བའི་འཕེལ་རྒྱས་ནི་ཀྲུང་གོས་སྤྱི་ཚོགས་རིང་ལུགས་དེང་རབས་ཅན་གྱི་རྒྱལ་ཁབ་ཕྱོགས་ཡོངས་ནས་སྐྲུན་པའི་ལས་འགན་གཙོ་བོ་དེ་ཡིན་པ་དང་། ཐོན་སྐྱེད་ནུས་ཤུགས་གསར་མ་འཕེལ་རྒྱས་གཏོང་བ་ནི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་བའི་ནང་གནས་ཀྱི་བླང་བྱ་དང་ཤུགས་རྒྱག་ས་གལ་ཆེན་ཞིག་ཡིན། 《གཏན་འབེབས》ནང་ཡུལ་བབ་དང་བསྟུན་ཏེ་ཐོན་སྐྱེད་ནུས་ཤུགས་གསར་མ་འཕེལ་རྒྱས་གཏོང་བའི་སྒྲིག་སྲོལ་ལམ་སྲོལ་འཐུས་སྒོ་ཚང་དུ་གཏོང་དགོས་ལུགས་ཆེད་མངགས་བཀོད་སྒྲིག་བྱས་པར་དོན་སྙིང་གལ་ཆེན་ལྡན་ཡོད།

ཕྱོགས་ཡོངས་ནས་སྒྱུར་བཅོས་སྔར་བས་ཟབ་སྤེལ་བྱས་ཏེ་ཀྲུང་གོའི་ལུགས་ཀྱི་དེང་རབས་ཅན་ལ་སྐུལ་འདེད་བཏང་བ་བརྒྱུད། ཀྲུང་གོས་དེ་བས་ཡངས་པའི་འཕེལ་རྒྱས་ཀྱི་མདུན་ལྗོངས་བསུས་ནས། རྒྱལ་ཁབ་ཁག་ལ་སྒོ་དབྱེ་མཉམ་ལས་དང་ཐུན་མོང་འཕེལ་རྒྱས་ཀྱི་གོ་སྐབས་དེ་བས་མང་བ་མཁོ་འདོན་བྱ་རྒྱུ་རེད།

(རྩོམ་པ་པོ་ནི་ཀྲུང་གོའི་སྒྱུར་བཅོས་ཀྱི་མཛའ་གྲོགས་བྱ་དགའ་ཐོབ་མཁན་དང་ཨ་རིའི་ཁུའུ་ཨེན་ཐེབས་རྩ་ལྷན་ཚོགས་ཀྱི་ཀྲུའུ་ཞི་ཡིན)