ཉེ་ཆར། བོད་ཀྱི་རིག་གནས་ཡུལ་སྐོར་ཐོན་ལས་སྤུས་ཚད་མཐོ་བའི་འཕེལ་རྒྱས་ཀྱི་མཉམ་ལས་སྤེལ་རེས་ཚོགས་འདུ་ལྷ་སར་འཚོགས་པ་རེད།

ད་ཐེངས་ཀྱི་སྤེལ་རེས་ཚོགས་འདུས“རིག་གནས་དང་ཡུལ་སྐོར་མཉམ་འདྲེས་ཀྱིས་འབྱུང་འགྱུར་མཉམ་དུ་གཏོད་པ”བརྗོད་དོན་གཙོ་བོར་བྱས་པ་དང་། དེའི་དམིགས་ཡུལ་ནི་བོད་ཀྱི་རིག་གནས་ཡུལ་སྐོར་ཐོན་ལས་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་གཏོང་རྒྱུ་དེ་རེད། སྤེལ་རེས་ཚོགས་འདུའི་ནང་དོན་སྣ་མང་ཕུན་སུམ་ཚོགས་ཤིང་། བརྗོད་དོན་གཙོ་བོའི་འཆད་ཁྲིད་དང་། སྲིད་ཇུས་མཛུབ་ཁྲིད་མཉམ་སྤྱོད། རིག་གནས་དང་ཡུལ་སྐོར་མཉམ་འདྲེས་འཕེལ་རྒྱས་ཀྱི་བསམ་ཕྱོགས་གསར་པའི་སྤྲོ་གླེང་སྤེལ་རེས་སོགས་ཚུད་ཡོད་པས། ཚོགས་ཞུགས་ལས་རིགས་ཁག་གི་རིགས་གཅིག་མཁས་ཅན་དང་། མཁས་དབང་། རིག་གནས་ཡུལ་སྐོར་ཁེ་ལས་སོགས་ལ་སྤེལ་རེས་མཉམ་ལས་ཀྱི་ལས་སྟེགས་ཤིག་མཁོ་འདོན་བྱས་པ་མ་ཟད། ད་དུང་དཔྱད་བསྡུར་དང་མཉམ་སྤྱོད་གཏིང་ཟབ་བྱས་པ་བརྒྱུད་བོད་ཀྱི་རིག་གནས་ཡུལ་སྐོར་ཐོན་ལས་གསར་ག