སྤུས་ཚད་མཐོ་པོས“རྒྱུད་གཅིག་ལམ་གཅིག”མཉམ་སྐྲུན་ནི་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་འཕེལ་རྒྱས་ཀྱི་གོ་སྐབས་བཟང་པོ་ཞིག་ཡིན་ལ། ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ཀྱི“2071ལོའི་ལོ་བརྒྱའི་འཆར་འགོད”དང་ཡང་མཐུན་ཡོད། སྤུས་ཚད་མཐོ་པོས“རྒྱུད་གཅིག་ལམ་གཅིག”མཉམ་སྐྲུན་ལས་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་དང་ཀྲུང་གོའི་སྤྱི་ཚོགས་ཀྱི་རིག་གནས་འབྲེལ་བར་ཤུགས་སྣོན་ཐེབས་ནས་རྒྱལ་ཁབ་གཉིས་པོའི་མི་ཆོས་རིག་གནས་སྤེལ་རེས་ལ་སྐུལ་འདེད་ཐེབས་ཡོད།

ད་ལོའི་ཟླ་5པར། ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ཀྱི་ཙུང་ཐུང་མུའུ་ཧན་མོ་ཏེས་ཀྲུང་གོར་རྒྱལ་དོན་འཚམས་འདྲི་གནང་བ་དང་འབྲེལ་ཀྲུང་གོ་དང་ཨ་རབ་རྒྱལ་ཁབ་ཀྱི་མཉམ་ལས་གླེང་སྟེགས་ཀྱི་པུའུ་ཀྲང་རིམ་པའི་ཚོགས་འདུ་སྐབས་བཅུ་པའི་འགོ་ཚུགས་མཛད་སྒོར་ཞུགས་ཡོད། རྒྱལ་ཁབ་གཉིས་པོས་ཕྱི་འབྲེལ་བཙུགས་ནས་ལོ་40འཁོར་བར་རྟེན་འབྲེལ་ཞུ་བ་གོ་སྐབས་སུ་བཟུང་སྟེ་དཔལ་འབྱོར་ཚོང་དོན་དང་། མ་འཇོག ནུས་རྒྱུ། ཚན་རྩལ། སློབ་གསོ། མི་ཆོས་རིག་གནས་སོགས་ཁྱབ་ཁོངས་ཁག་གི་མཉམ་ལས་སྔར་བས་ཟབ་ཏུ་དང་རྒྱ་སྐྱེད་བཏང་ཡོད། རྒྱལ་ཁབ་གཉིས་པོས་ཡོངས་བསྒྲགས་བྱས་པའི་མཉམ་འབྲེལ་གསལ་བསྒྲགས་ནང་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ཕྱོགས་ཀྱིས“རྒྱུད་གཅིག་ལམ་གཅིག”མཉམ་སྐྲུན་གྱི་གྲོས་འགོར་རྒྱབ་སྐྱོར་བྱེད་རྒྱུའི་ནན་བཤད་བྱས་པ་དང་འབྲེལ། རྒྱལ་ཁབ་གཉིས་པོའི་ཁྱབ་ཁོངས་ཁག་གི་ཕྱོགས་གཉིས་པོའི་མཉམ་ལས་ལ་སྐུལ་འདེད་རྒྱུན་མཐུད་གཏོང་འདོད་ཡོད་ལུགས་ཀྱང་ནན་བཤད་བྱས་ཡོད། དེའི་ནང་རྒྱལ་ཁབ་གཞན་དག་ཏུ“རྒྱུད་གཅིག་ལམ་གཅིག”གི་སྒྲོམ་གཞིའི་ནང་མ་འཇོག་མཉམ་ལས་བྱེད་རྒྱུ་ཚུད་ཡོད། ད་དུང་ཕྱོགས་གཉིས་པོས་ཕྱོགས་གཉིས་པོའི་མཉམ་ལས་ཡིག་ཆ་མང་པོར་མིང་རྟགས་བཀོད་ཡོད།

སྤུས་ཚད་མཐོ་པོས“རྒྱུད་གཅིག་ལམ་གཅིག”མཉམ་སྐྲུན་ནི་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་འཕེལ་རྒྱས་ཀྱི་གོ་སྐབས་བཟང་པོ་ཞིག་ཡིན་ཞིང་། དེ་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ཀྱི“2071ལོའི་ལོ་བརྒྱའི་འཆར་འགོད”དང་མཐུན་ཡོད། བརྒྱུད་འདྲེན་ཚོང་དོན་ནི་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ཀྱིས་རྒྱལ་ཁབ་གཞན་དག་དང་ཚོང་དོན་སྤེལ་རེས་བྱེད་པའི་གྲུབ་ཆ་གལ་ཆེན་ཞིག་རེད། “རྒྱུད་གཅིག་ལམ་གཅིག”མཉམ་སྐྲུན་གྱི་གྲོས་འགོའི་རོགས་རམ་འོག་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ཀྱི་བརྒྱུད་འདྲེན་ཚོང་དོན་ཉེ་བའི་ལོ་ཤས་རིང་རྒྱུན་མཐུད་འཕར་ཡོད། བསྡོམས་རྩིས་བརྒྱབ་པར་གཞིགས་ན། 2023ལོར་ཀྲུང་གོས་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ཀྱི་རྡོ་སྣུམ་མིན་པའི་ཚོང་དོན་རོགས་ཟླ་ཆེ་གྲས་དང་པོའི་གནས་བབ་མུ་མཐུད་རྒྱུན་འཁྱོངས་ཐུབ་ཅིང་། རྒྱལ་ཁབ་གཉིས་པོའི་རྡོ་སྣུམ་མིན་པའི་ཚོང་དོན་དངུལ་འབོར་ཨ་སྒོར་དུང་ཕྱུར་810ཙམ་ཟིན་པ་དེ་དུས་མཚུངས་ལས་4.2%འཕར་ཡོད།

2023ལོར། ཀྲུང་གོས་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ལ་མ་དངུལ་གཏོང་ཚད་ཨ་སྒོར་དུང་ཕྱུར་17ལྷག་ཙམ་ཟིན་པ་དེ་དུས་མཚུངས་ལས་16.48%འཕར་བ་དང་། ཨ་རབ་མཉམ་འབྲེལ་ཚོ་དཔོན་རྒྱལ་ཁབ་ཀྱིས་ཀྲུང་གོར་མ་དངུལ་གཏོང་ཚད་དུས་མཚུངས་ལས་120%འཕར་བ་དེས་ཨ་རབ་རྒྱལ་ཁབ་ཀྱིས་ཀྲུང་གོར་མ་དངུལ་གཏོང་ཚད་ཀྱི་90%བཟུང་ཡོད། ད་དུང་2020ལོར་ཏི་པའེ་འཛམ་གླིང་དངོས་མང་སྟོན་ཚོགས་ལེགས་འགྲུབ་ལྡན་པའི་ངང་གཉེར་བར་ཀྲུང་གོའི་མ་འཇོག་གིས་ནུས་པ་གལ་ཆེན་བཏོན་ཡོད།

སྤུས་ཚད་མཐོ་པོས“རྒྱུད་གཅིག་ལམ་གཅིག”མཉམ་སྐྲུན་གྱིས་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་དང་ཀྲུང་གོའི་སྤྱི་ཚོགས་རིག་གནས་འབྲེལ་བར་ཤུགས་སྣོན་ཐེབས་ནས། རྒྱལ་ཁབ་གཉིས་པོའི་མི་ཆོས་རིག་གནས་སྤེལ་རེས་ལ་སྐུལ་འདེད་ཐེབས་ཡོད། ཉེ་བའི་ལོ་ཤས་རིང་། རྒྱལ་ཁབ་གཉིས་པོས་རྒྱ་ཆེའི་ཁྱབ་ཁོངས་སུ་རྣམ་པ་སྣ་ཚོགས་ཀྱི་རིག་གནས་སྤེལ་རེས་བྱེད་སྒོ་སྤེལ་བས། རྒྱལ་ཁབ་གཉིས་པོའི་མི་དམངས་དབར་ཕན་ཚུན་རྒྱུས་མངའ་ཐུབ་ཤུགས་ཆེ་རུ་ཕྱིན་ནས་རྒྱལ་ཁབ་གཉིས་པོའི་གཉིས་ཕན་མཉམ་ལས་སྔར་བས་ཟབ་ཏུ་གཏོང་བ་དང་། ཤེས་དཔལ་སྤེལ་རེས་དང་ཕན་ཚུན་དཔྱད་གཞིར་འཛིན་རྒྱུར་ཤུགས་སྣོན་རྒྱག་ཆེད་ཆ་རྐྱེན་བཟང་པོ་བསྐྲུན་ཡོད། འབྱུང་འགྱུར་ལ་རྒྱང་ལྟ་བྱེད་སྐབས། ཨ་རབ་མཉམ་འབྲེལ་ཚོ་དཔོན་རྒྱལ་ཁབ་དང་ཀྲུང་གོས་སྤེལ་རེས་མཉམ་ལས་བྱེད་ཤུགས་སྔར་བས་ཆེ་རུ་གཏོང་བར་ཡངས་ཤིང་རྒྱ་ཆེ་བའི་བར་མཐོངས་དང་འོད་སྟོང་འཕྲོ་བའི་མདུན་ལམ་ལྡན་ཡོད།

(རྩོམ་པ་པོ་ནི་ཨ་རབ་མཉམ་འབྲེལ་ཚོ་དཔོན་རྒྱལ་ཁབ་འཕེལ་ཕྱོགས་ཞིབ་འཇུག་ལྟེ་གནས་ཀྱི་ཀྲུའུ་རེན་ཡིན)