ཀྲུང་གོ་དང་ཨེ་ཤེ་ཡ་ཤར་ལྷོའི་མནའ་འབྲེལ་འབྲེལ་བའི་སྐོར་གྱི་ཅ་ཁར་ཐའི་གླེང་སྟེགས་གཉེར་བ།
ཉེ་ཆར། ཨེ་ཤེ་ཡ་ཤར་ལྷོའི་མནའ་འབྲེལ་དུ་བཅའ་སྡོད་ཀྲུང་གོའི་ཕོ་ཉ་ཚོགས་པས་ཨེ་ཤེ་ཡ་ཤར་ལྷོའི་མནའ་འབྲེལ་དུ་རྒྱུན་སྡོད་མ་ལེ་ཞི་ཡའི་ཕོ་ཉ་ཚོགས་པ་དང་མཉམ་འབྲེལ་ཐོག་ཅ་ཁར་ཐ་རུ་ཀྲུང་གོ་དང་ཨེ་ཤེ་ཡ་ཤར་ལྷོའི་མནའ་འབྲེལ་འབྲེལ་བའི་སྐོར་གྱི་ཅ་ཁར་ཐའི་གླེང་སྟེགས་གཉེར་བ་རེད། ཨེ་ཤེ་ཡ་ཤར་ལྷོའི་མནའ་འབྲེལ་གྱི་དྲུང་ཆེ་ཀའོ་ཅིན་ཧུང་དང་ཨེ་ཤེ་ཡ་ཤར་ལྷོའི་མནའ་འབྲེལ་དུ་བཅའ་སྡོད་རྒྱལ་ཁབ་ཁག་གི་གཞུང་ཚབ་པ། དེ་བཞིན་ས་ཁུལ་གྱི་ཆབ་སྲིད་དང་། ཚོང་ལས། སློབ་གྲྭ་སྨྱན་སྦྱོར་བཅས་ཀྱི་ལས་རིགས་ཁག་གི་འཐུས་མི་150ལྷག་ཙམ་ཞུགས་ཡོད་པ་རེད། ཨེ་ཤེ་ཡ་ཤར་ལྷོའི་མནའ་འབྲེལ་དུ་བཅའ་སྡོད་ཀྲུང་གོའི་གཞུང་ཚབ་ཆེ་མོ་བ་ཧོའུ་གཡན་ཆི་ཡིས་ཀྲུང་གོ་གུང་ཁྲན་ཏང་གི་སྐབས་ཉི་ཤུ་པའི་ཀྲུང་ཨུ་ཚང་འཛོམས་གྲོས་ཚོགས་ཐེངས་གསུམ་པའི་དགོངས་དོན་དང་ཨེ་ཤེ་ཡ་ཤར་མའི་མཉམ་ལས་ཀྱི་འགོ་ཁྲིད་པའི་རིམ་སྤེལ་ཚོགས་འདུའི་གྲུབ་འབྲས་ངོ་སྤྲོད་བྱས་པ་རེད།
གླེང་སྟེགས་ཐོག“ཕན་ཚུན་འབྲེལ་མཐུད། འབྲེལ་ཟམ་དང་འབྲེལ་ཐག”ཅེས་པ་བརྗོད་དོན་གཙོ་བོར་བྱས་ཤིང་། ཚོགས་ཞུགས་སྐུ་མགྲོན་ཚོས་ཀྲུང་གོ་དང་ཨེ་ཤེ་ཡ་ཤར་ལྷོའི་མནའ་འབྲེལ་གྱི་ཕན་ཚུན་འབྲེལ་མཐུད་དང་མི་ཆོས་རིག་གནས་ཀྱི་སྤེལ་རེས་དང་མཉམ་ལས་ཀྱི་གྲུབ་འབྲས་ལ་ཁས་ལེན་གང་ལེགས་གནང་བ་དང་། ཕྱོགས་གཉིས་པོས་མུ་མཐུད་མཉམ་དུ་མདུན་སྐྱོད་ཀྱིས་གྲངས་འཛིན་ཕྱོགས་སྒྱུར་དང་ལྗང་མདོག་འཕེལ་རྒྱས་སོགས་ཀྱི་གོ་སྐབས་དམ་འཛིན་བྱས་ཏེ་ས་ཁུལ་གྱི་མི་དམངས་ལ་ཕན་པ་དེ་བས་མང་བ་བསྐྲུན་རྒྱུའི་རེ་བ་ཡོད་ཅེས་བརྗོད་པ་རེད།