འདི་ནི་ཆའོ་ཨན་ཀོག་ཧྥེ་གཞིས་ཀའི་ལས་དོན་པས(གཡོན)ཡུལ་སྐོར་བར་ཀོག་ཧྥེ་བཟོ་སྟངས་སློབ་བཞིན་པ།

འདི་ཕུ་ཨེར་གྲོང་ཁྱེར་མོང་ལན་ཏའེ་རིགས་ལ་ཧུའུ་རིགས་དབའ་རིགས་རང་སྐྱོང་རྫོང་ཆའོ་ཨན་ཀོག་ཧྥེའི་གཞིས་ཀར་ཀོག་ཧྥེ་འདེབས་མཁན་གཉིས་ཀྱིས་སྨིན་ཟིན་པའི་ཀོག་ཧྥེ་སྲན་མ་འཐུ་བཞིན་པ།

ཉེ་བའི་ལོ་ཤས་རིང་། ཡུན་ནན་ཞིང་ཆེན་ཕུ་ཨེར་གྲོང་ཁྱེར་འདི་ཉིད་རང་རྒྱལ་གྱི་འདེབས་ཁྱོན་ཆེ་ཤོས་དང་ཐོན་འབབ་མང་ཤོས་ཀྱི་ཀོག་ཧྥེ་ཐོན་ཁུལ་དུ་རིམ་བཞིན་གྱུར་ཡོད། ཀོག་ཧྥེ་གཞིས་ཀས་ཕུ་ཨེར་ཀོག་ཧྥེ་ཐོན་ལས་ཀྱི་སྤུས་ཚད་མཐོ་བའི་འཕེལ་རྒྱས་ལ་སྐུལ་འདེད་ཀྱི་ནུས་པ་ངེས་ཅན་ཐོན་ནས་ཀོག་ཧྥེ་ཐོན་ལས་ལ་གསོན་ཤུགས་གསར་པ་བསྣན་ཡོད། གཞིས་ཀས་ཐོན་ལས་འཁོར་འབྲེལ་ཧྲིལ་པོའི་བཀོད་སྒྲིག་ལ་བརྟེན་ནས་འདེབས་འཛུགས་ནས་ལས་སྣོན་དང་ཕྱིར་ཚོང་བར་གྱི་ལྷུ་ཚིགས་ཚང་མར་ཚོད་འཛིན་ནན་པོ་བྱས་ཏེ་ཀོག་ཧྥེའི་སྤུས་ཚད་ཡག་པོ་ཡོང་བའི་འགན་ལེན་བྱས་པ་དང་ཆབས་ཅིག་ཞིང་ལས་དང་ཡུལ་སྐོར་མཉམ་འདྲེས་འཕེལ་རྒྱས་ལ་སྐུལ་འདེད་གཏོང་བ་དང་ཡུལ་སྐོར་བས་ཀོག་ཧྥེའི་རིག་གནས་ཉམས་ལེན་བྱེད་པའི་ཡིད་དབང་བཀུག་སྟེ། ཀོག་ཧྥེའི་ཐོན་ལས་ཀྱི་ཁྲོམ་ར་རྒྱ་ཆེར་བཏང་ནས་གྲོང་གསེབ་ཕྱོགས་ཡོངས་ནས་དར་རྒྱས་ཡོང་བར་ནུས་པ་སྦྱིན་ཡོད།