སྐབས་བཅུ་པའི་རང་སྐྱོང་ལྗོངས་ཏང་ཨུད་ཀྱི་རེས་སྐོར་དྲུག་པའི་སྐོར་གཟིགས་ལས་དོན་གྱི་སྐུལ་སློང་བཀོད་སྒྲིག་ཚོགས་འདུ་འཚོགས་པ།
ཅང་ཝུན་ཕེང་ཞུགས་པ་དང་འབྲེལ་གསུང་བཤད་ཀྱང་གནང་བ།
ཚེས་4ཉིན། སྐབས་བཅུ་པའི་རང་སྐྱོང་ལྗོངས་ཏང་ཨུད་ཀྱི་རེས་སྐོར་དྲུག་པའི་སྐོར་གཟིགས་ལས་དོན་གྱི་སྐུལ་སློང་བཀོད་སྒྲིག་ཚོགས་འདུ་འཚོགས་ཤིང་། རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་དང་སྐོར་གཟིཌ་ལས་དོན་འགོ་ཁྲིད་ཚོགས་ཆུང་གི་ཙུའུ་ཀྲང་ཅང་ཝུན་ཕེང་ཚོགས་འདུར་ཞུགས་ནས་གསུང་བཤད་གནང་བ་དང་། རང་སྐྱོང་ལྗོངས་ཏང་ཨུད་ཀྱི་རྒྱུན་ཨུ་དང་སྐོར་གཟིགས་ལས་དོན་འགོ་ཁྲིད་ཚོགས་ཆུང་གི་ཙུའུ་ཀྲང་གཞོན་པ་ལའེ་ཅའོ་ཡིས་སྐོར་གཟིགས་ལས་དོན་སྐོར་གྱི་རང་སྐྱོང་ལྗོངས་ཏང་ཨུད་ཀྱི་འབྲེལ་ཡོད་བླང་བྱ་བརྒྱུད་བསྒྲགས་གནང་བ་མ་ཟད། སྐོར་གཟིགས་ཚོགས་ཆུང་གི་ཙུའུ་ཀྲང་གི་དབང་ཐོབ་འགན་འཁྲི་དང་ལས་འགན་ལས་བགོས་ཀྱི་གཏན་འབེབས་ཁྱབ་བསྒྲགས་གནང་བ་རེད།
ཚོགས་འདུའི་ཐོག་བསྟན་དོན། “སྲུང་སྐྱོང་གཉིས”ནི་སྐོར་གཟིགས་ལས་དོན་གྱི་རྩ་བའི་ལས་འགན་ཞིག་རེད། ལྗོངས་ཡོངས་ཀྱི་རིམ་ཁག་སྐོར་གཟིགས་སྐོར་ཞིབ་སྒྲིག་གཞིས་ཞི་ཅིན་ཕིང་གི་དུས་རབས་གསར་པའི་ཀྲུང་གོའི་ཁྱད་ཆོས་ཀྱི་སྤྱི་ཚོགས་རིང་ལུགས་ཀྱི་དགོངས་པ་དང་ལྷག་པར་དུ་སྐོར་གཟིགས་ལས་དོན་སྐོར་གྱི་སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་རྣམ་བཤད་གལ་ཆེན་སློབ་སྦྱོང་དང་ལག་བསྟར་གཏིང་ཟབ་བྱེད་པ་དང་། ཆབ་སྲིད་ཀྱི་སྐོར་གཟིགས་ངེས་གནས་གནད་འཁེལ་ངང་ཁོང་དུ་ཆུད་པར་བྱེད་པ། ཏང་གི་སྐོར་གཟིགས་ལས་དོན་གྱི་བྱེད་ཕྱོགས་ལག་བསྟར་མཐའ་གཅིག་ཏུ་བྱེད་པ། ལྟེ་བར་དམིགས་པ་དང་སྤྱི་ཡོངས་ལ་ཞབས་འདེགས་ཞུ་རྒྱུ་མཐའ་འཁྱོངས་བྱེད་པ། སྐོར་གཟིགས་ཀྱི་རྩ་ལག་ཟུང་བཅོས་ཀྱི་ནུས་པ་གལ་ཆེན་ཆེ་རུ་གཏོང་བ་བཅས་བྱས་ཏེ་ཕྱོགས་ཡོངས་ནས་སྒྱུར་བཅོས་སྔར་བས་ཟབ་གཏོང་གིས་སྤྱི་ཚོགས་རིང་ལུགས་དེང་རབས་ཅན་གྱི་བོད་ལྗོངས་གསར་པ་བསྐྲུན་པར་སྲ་ཞིང་བརྟན་པའི་འགན་ལེན་བྱེད་དགོས།
ཚོགས་འདུའི་ཐོག་ནན་བཤད་བྱས་དོན། གནད་དོན་ཕྱོགས་སྟོན་དུ་འཛིན་རྒྱུ་དང་དགོངས་གཞི་ནན་པོ་མཐའ་འཁྱོངས་བྱེད་པ་དང་། སྐོར་གཟིགས་བྱ་ཡུལ་ཏང་རྩ་འཛུགས་ཀྱི་འགན་ནུས་དང་འགན་འཁྲི་དང་ཟུང་འབྲེལ་བྱེད་པ། “འགོ་གཙོ་དང་པོ”དང“འགག་རྩའི་ཉུང་ཤས”ལ་དམ་པོར་དམིགས་པ། ཞིབ་ལྟ་གཏིང་ཟབ་བྱེད་པ། “དོན་འཁྱོལ་བཞིའི”ཁྲོད་ཀྱི་སྐོར་གཟིགས་བྱ་ཡུལ་ཏང་རྩ་འཛུགས་ཀྱི་གདིང་རྩའི་གནད་དོན་ཐག་གཅོད་བྱ་རྒྱུར་སྐུལ་འདེད་གཏོང་བ་བཅས་བྱས་ནས། སྐོར་གཟིཌ་ལས་དོན་ལ་སྤུས་ཚད་མཐོ་བའི་ཕན་འབྲས་ཐོན་རྒྱུར་སྐུལ་འདེད་གཏོང་དགོས། དངོས་ཐོག་བདེན་འཚོལ་མཐའ་འཁྱོངས་བྱེད་པ་དང་། སྐོར་གཟིགས་བྱ་ཡུལ་ཏང་རྩ་འཛུགས་དང་ཏང་ཡོན་ལས་བྱེད་པར་དམ་པོར་བརྟེན་པ། སྐོར་གཟིགས་ལས་དོན་གྱི་ལས་ཀའི་སྲོལ་ཡིག་གཏན་འབེབས་ཀྱི་བརྒྱུད་རིམ་དང་། བྱེད་ཐབས། དབང་ཚད་བཅས་ལ་གཞིགས་ནས་སྒྲིག་སྲོལ་དང་། སྒྲིག་ཁྲིམས། བཅའ་ཁྲིམས་གཞིར་བཟུང་ལྟ་སྐུལ་ལས་དོན་སྤེལ་ནས། གནད་སྨིན་ངང་གནད་དོན་ཤེས་རྟོགས་ཐུབ་པ་དང་། གནད་སྨིན་ངང་གནད་དོན་དབྱེ་ཞིབ་བྱེད་པ། གནད་སྨིན་ངང་གནད་དོན་འདོན་པ་བཅས་ཐུབ་པ་བྱེད་དགོས། སྐོར་གཟིགས་སྒྲིག་ཁྲིམས་ཀྱི་སྤྱོད་ཚུལ་བླང་བྱ་ནན་དུ་བཏང་ནས། ཀྲུང་དབྱང་གི་གཏན་འབེབས་དོན་ཚན་བརྒྱད་དང་དེ་བཞིན་དེའི་ལག་བསྟར་ཞིབ་སྲོལ་གྱི་དགོངས་དོན་དོན་འཁྱོལ་ནན་ཏན་བྱེད་པ་དང་། སྐོར་གཟིགས་ལས་བྱེད་པའི་སློབ་གསོ་དོ་དམ་ལྟ་སྐུལ་ལ་ཤུགས་སྣོན་རྒྱག་པ། སྤྱོད་ཚུལ་ལེགས་གཏོང་དང་དོན་འཁྱོལ་ལ་དམ་འཛིན་ནན་པོ་ཏན་ཏིག་བྱེད་པ། སྐོར་གཟིགས་ཀྱི་གཟུགས་བརྙན་བཟང་པོ་སྲུང་བ་བཅས་བྱས་ནས་རང་སྐྱོང་ལྗོངས་ཏང་ཨུད་ཀྱིས་གནང་བའི་ཆབ་སྲིད་ལས་འགན་ཕུན་སུམ་ཚོགས་པོའི་ངང་ལེགས་སྒྲུབ་བྱེད་དགོས།