ཉེ་ཆར་གསར་འགོད་པས་བཟོ་ལས་དང་ཆ་འཕྲིན་ཅན་པུའུ་ནས་ཤེས་རྟོགས་བྱས་པར་གཞིགས་ན། རྒྱལ་ཁབ་ཐོན་ལས་དངུལ་རྩའི་མཉམ་ལས་ལས་སྟེགས་2021ལོའི་ཟླ་གཉིས་པར་སྤྱོད་འགོ་ཚུགས་ཚུན་དུ་རིམ་རྩིས་བྱས་ན་ཁེ་ལས་ལ་མ་དངུལ་སྒོར་དུང་ཕྱུར་ཁྲི་1ལྷག་ཙམ་བསྡུ་རྒྱུག་བྱེད་རོགས་བྱས་པ་དང་། འདི་ལོ་ཚུན་ལས་སྟེགས་དེས་ཁེ་ལས་ལ་མ་དངུལ་བསྡུ་རྒྱུག་གསར་འཕར་སྒོར་དུང་ཕྱུར་2900ཙམ་བྱུང་ནས་དུས་མཚུངས་ལས་40.7%འཕར་ཡོད་པ་རེད།

རྒྱལ་ཁབ་ཐོན་ལས་དངུལ་རྩའི་མཉམ་ལས་ལས་སྟེགས་ཀྱིས་མངགས་བཟོ་ཅན་དང་རིག་ནུས་ཅན་གྱི་དངུལ་རྩའི་ཞབས་ཞུ་མཁོ་འདོན་བྱས་པ་དང་འབྲེལ་ཐོན་ལས་གཞན་སྒྱུར་དང་སྔོན་ཐོན་བཟོ་སྐྲུན་ལས་རིཌ་ཁྱུ་ཚོགས་སོགས་ཁྱད་ལྡན་ཆེད་མངཌ་ཁུལ་24བཙུགས་ཏེ་སྤུས་ལེགས་ཁེ་ལས་ཁྲི་34ལྷག་ཙམ་དང་། དངུལ་རྩའི་སྒྲིག་གཞི་3000ཙམ། དངུལ་རྩའི་ཐོན་རྫས་700ལྷག་ཙམ་བཅས་གཅིག་སྡུད་བྱས་ཡོད་པ་རེད།

“ཚན་རྩལ་ཐོན་ལས་དངུལ་རྩ་གཞི་གཅིག་ཅན”གྱི་ཆེད་དོན་རྣམ་གྲངས་ཀྱིས་ཚན་རྩལ་གྲུབ་འབྲས་གཞན་སྒྱུར་དང་ཐོན་ལས་ཅན་ལ་སྐུལ་འདེད་བཏང་ཞིང་། བཟོ་ལས་དང་ཆ་འཕྲིན་ཅན་པུའུ་ཡིས་དངུལ་རྩའི་སྒྲིག་གཞི་150ལྷག་ཙམ་དང་མཉམ་འབྲེལ་བྱས་ནས་རབས་གསར་པའི་ཆ་འཕྲིན་ལག་རྩལ་དང་། སྒྲིག་ཆས་བཟོ་སྐྲུན། མཁའ་དབྱིངས་ཆ་འཕྲིན། མི་ཐབས་རིག་ནུས། སྐྱེ་དངོས་གསོ་རིག་སོགས་ཁྱབ་ཁོངས་ཀྱི་རྣམ་གྲངས་260ལ་འགྲེམས་སྟོན་སྦྲེལ་མཐུད་ལས་སྟེགས་བཙུགས་ཤིང་རྐང་དབང་མ་དངུལ་བསྡུ་རྒྱུག་གི་དངུལ་འབོར་སྒོར་དུང་ཕྱུར་100ལྷག་ཙམ་ཟིན་ཡོད་པ་རེད།