ཉེ་ཆར་རྒྱལ་སྲིད་སྤྱི་ཁྱབ་ཁང་གི་2024ལོའི་ལོ་འཁོར་གྱི་ཞིང་ཆེན་རིམ་པའི་སྲིད་གཞུང་གི་བདེ་འཇགས་ཐོན་སྐྱེད་དང་མེ་ཟོན་ལས་དོན་གྱི་དཔྱད་ཞིབ་སྐོར་ཞིབ་དངོས་སུ་འགོ་ཚུགས་ཤིང་། རྒྱལ་སྲིད་སྤྱི་ཁྱབ་ཁང་བདེ་འཇགས་ཐོན་སྐྱེད་ཨུ་ལྷན་གྱི་འབྲེལ་ཡོད་ཁོངས་ཞུགས་ཚན་པའི་འགན་འཁུར་བློ་མཐུན་གྱིས་རུ་སྣེ་འཁྲིད་པའི་དཔྱད་ཞིབ་སྐོར་ཞིབ་ཚོགས་ཆུང་22སྔ་རྗེས་སུ་ཞིང་ཆེན་རིམ་པའི་སྲིད་གཞུང་31དང་ཤིན་ཅང་ཐོན་སྐྱེད་འཛུགས་སྐྲུན་པིང་ཐོན་དུ་བཅའ་སྡོད་བྱས་ནས། 2024ལོའི་ལོ་འཁོར་གྱི་བདེ་འཇགས་ཐོན་སྐྱེད་དང་མེ་ཟོན་ལས་དོན་ལ་དཔྱད་ཞིབ་སྐོར་ཞིབ་བྱ་རྒྱུ་རེད།

ཤེས་རྟོགས་བྱུང་བར་གཞིགས་ན། ད་ཐེངས་ཀྱི་དཔྱད་ཞིབ་སྐོར་ཞིབ་ཟླ་11པའི་ཟླ་འགོ་ནས་འགོ་ཚུགས་ཏེ་ཟླ་11པའི་ཟླ་མཇུག་ཏུ་མཇུག་འགྲིལ་རྒྱུ་རེད། དཔྱད་ཞིབ་སྐོར་ཞིབ་ལས་དོན་ཐད་དམ་ནན་གྱི་རྩ་བའི་དགོངས་གཞི་དང་སྒམ་ནན་གྱི་རྣམ་པ་མཐའ་འཁྱོངས་བྱས་ཏེ་གནད་དོན་གྱི་སྟོན་ཕྱོགས་ཧ་ཅང་མངོན་གསལ་དོད་པོ་ཡོང་བ་བྱེད་པ་དང་། སྤྱི་ཁྱབ་ཧྲུའུ་ཅི་ཞི་ཅིན་ཕིང་གི་མཆན་འགོད་མཛུབ་སྟོན་གལ་ཆེན་གྱི་དགོངས་དོན་དང་ཏང་ཀྲུང་དབྱང་གི་ཐབས་ཇུས་བཀོད་སྒྲིག་སློབ་སྦྱོང་ལག་བསྟར་བྱས་ཚུལ་དང་དེ་བཞིན་བདེ་འཇགས་ཐོན་སྐྱེད་ཀྱི་འགན་འཁྲི་དོན་འཁྱོལ་བྱས་ཚུལ། བདེ་འཇགས་ཐོན་སྐྱེད་ཀྱི་རྩ་བཅོས་འགག་སྒྲོལ་གྱི་ལོ་གསུམ་བྱ་སྤྱོད་དང་། གྲོང་ཁྱེར་དང་གྲོང་རྡལ་གྱི་སོལ་རླངས་བདེ་འཇགས་ཀྱི་ཆེད་དོན་བཅོས་སྒྲིག གློག་སྒུལ་རྐང་འཁོར་གྱི་བདེ་འཇགས་ཀྱི་མངོན་མེད་རྐྱེན་ངན་གྱི་འཁོར་འབྲེལ་ཧྲིལ་པོ་བཅོས་སྒྲིག་སོགས་གཙོ་གནད་ལས་དོན་ཁག་11སྤེལ་ཚུལ། དེ་བཞིན་ལས་འཛོལ་ཚབས་ཆེན་གྱི་མངོན་མེད་རྐྱེན་ངན་དང་མང་ཚོགས་ཉེ་འགྲམ་གྱི་མངོན་མེད་རྐྱེན་ངན་གྲལ་བཤེར་བཅོས་སྒྲིག་བྱས་ཚུལ་སོགས་ལ་དམིགས་ཏེ། “བརྡ་ཁྱབ་མང་ཙམ་གཏོང་བ་དང་། ལྟ་སྐུལ་གྱི་ཡི་གེ་མང་ཙམ་གཏོང་བ། ལྐོག་ཞིབ་མང་ཙམ་བྱེད་པ། མངོན་མེད་རྐྱེན་ངན་ཐོན་བཟོ་ཡོད་རིགས་མང་ཙམ་པར་དུ་ལེན་པ”བཅས་བརྒྱུད་རིམ་ཧྲིལ་པོར་ཁྱབ་པ་བྱས་ནས་རིགས་གཅིག་མཁས་ཅན་གྱི་མཛུབ་ཁྲིད་ཞབས་ཞུ་ཡག་པོ་སྒྲུབ་པ་དང་། ལྟ་སྐུལ་མཛུབ་ཁྲིད་དང་ཕན་འབྲས་འདྲི་བ་དང་གདུབ་ཟུམ་དོ་དམ་བཅས་ལ་ཤུགས་སྣོན་བརྒྱབ་སྟེ་དཔྱད་ཞིབ་ཏན་ཏིག་དང་གནད་ལ་འཁེལ་པོ་ཡོང་བའི་འགན་ལེན་བྱ་རྒྱུ་རེད། དཔྱད་ཞིབ་སྐོར་ཞིབ་ནན་པོ་བྱེད་པ་དང་། རིམ་ཁག་ཏང་ཨུད་དང་སྲིད་གཞུང་དང་འབྲེལ་ཡོད་སྡེ་ཚན་གྱི་འགན་འཁྲི་རྒྱུན་མཐུད་ནན་དུ་གཏོང་བ། སྐྱོན་ཆ་གནད་ལ་འཁེལ་པོས་འཚོལ་བ། དག་ཐེར་དོན་འཁྱོལ་ལ་ལྟ་སྐུལ་བྱེད་པ། ཐོན་སྐྱེད་བདེ་འཇགས་ཀྱི་ལས་འཛོལ་ཚབས་ཆེན་དང་། ལས་འཛོལ་ཧ་ཅང་ཚབས་ཆེན་ཐོན་རྒྱུར་སྔོན་འགོག་མཐའ་གཅིག་ཏུ་བྱེད་པ་བཅས་བྱས་ནས་ལོ་རྙིང་པའི་ལོ་མཇུག་དང་ལོ་གསར་པའི་ལོ་འགོའི་བདེ་འཇགས་ཐོན་སྐྱེད་ཀྱི་དུས་བབ་རྒྱུན་མཐུད་བརྟན་པོ་ཡོང་བའི་འགན་ལེན་བྱ་རྒྱུ་རེད།