གོ་ལ་ཧྲིལ་པོའི་ས་བབ་ཧ་ཅང་མཐོ་བའི་དྲ་གྲུབ་རྣམ་པའི་འོད་གསོག་གློག་ཁང་ཐོག་མ་དེ་མངའ་རིས་སུ་གློག་དྲ་སྦྲེལ་ནས་གློག་གཏོང་འགོ་ཚུགས་པ།
ཉེ་ཆར་བོད་ལྗོངས་གསར་སྤེལ་མ་འཇོག་ཚོགས་པས་མ་དངུལ་བཏང་བ་དང་ཀྲུང་གོ་གློག་ཤུགས་འཛུགས་སྐྲུན་ཁུན་མིང་ཚད་ལེན་ཇུས་འགོད་ཞིབ་འཇུག་ཁང་ཁོངས་གཏོགས་རྣམ་གྲངས་པུས་སྐྲུན་འགན་འཁུར་བའི་གོ་ལ་ཧྲིལ་པོའི་ས་བབ་ཧ་ཅང་མཐོ་བའི་དྲ་གྲུབ་རྣམ་པའི་འོད་གསོག་གློག་ཁང་དང་པོ་སྟེ། མངའ་རིས་ས་ཁུལ་སྒེར་རྩེ་རྫོང་གི་ཀྲའོ་ཝ་30(གློག་གསོག་འཕྲུལ་ཆས་སྒྲིག་སྦྱོར)ཡི་འོད་ཤུགས་གློག་གཏོང་རྣམ་གྲངས་གློག་དྲ་སྦྲེལ་མཐུད་ཐུབ་ནས་གློག་གཏོང་འགོ་ཚུགས་པ་རེད། དེ་ཐོག་ནས་ས་མཐོའི་ས་ཁུལ་དུ་ནུས་རྒྱུ་གསར་པའི་ལག་རྩལ་ལ་ཚད་བརྒལ་ཆེན་པོ་བྱུང་ནས་ས་ཁུལ་དེ་ག་དང་ཐ་ན་མཐའ་འཁོར་ས་ཁུལ་ལ་བློས་འགེལ་ཆོག་པའི་ནུས་རྒྱུ་གཙང་མ་མཁོ་འདོན་བརྟན་པོ་ཐུབ་རྒྱུ་ཡིན་པ་མཚོན་གྱི་ཡོད་པ་རེད།