སྲིད་ཇུས་དང་བྱ་ཐབས་བཅུ་ལ་བརྟེན་ནས་ཟོག་འགྲེམས་ཐད་སྤྱོད་པའི་ས་ཆ་དང་མཚོའི་གཙོ་རྒྱུ་འགན་ལེན་བྱེད་ཤུགས་ཆེ་རུ་བཏང་བ།
སྤྱི་ཚོགས་ཡོངས་ཀྱི་ཟོག་འགྲེམས་མ་གནས་དམའ་རུ་འགྲོ་བར་སྐུལ་འདེད་བཏང་བ།
ཉིན་ཤས་གོང་། རང་བྱུང་ཐོན་ཁུངས་པུས《རང་བྱུང་ཐོན་ཁུངས་ཀྱི་གཙོ་རྒྱུ་འགན་ལེན་ལ་ཤུགས་སྣོན་བརྒྱབ་ནས་དེང་རབས་ཟོག་འགྲེམས་སྤུས་ཚད་མཐོ་བའི་འཕེལ་རྒྱས་འགྲོ་བར་སྐུལ་འདེད་གཏོང་རྒྱུའི་སྐོར་གྱི་བརྡ་ཐོ》(གཤམ་དུ《བརྡ་ཐོ》ཞེས་བསྡུ་རྒྱུ)བཀྲམ་སྟེ་ཕྱོགས་4ཡི་ཐད་ཀྱི་སྲིད་ཇུས་བྱ་ཐབས་ཁག་10བཏོན་པ་རེད། དེ་ནི་ཏང་ཀྲུང་དབྱང་དང་རྒྱལ་སྲིད་སྤྱི་ཁྱབ་ཁང་གིས་སྤྱི་ཚོགས་ཡོངས་ཀྱི་ཟོག་འགྲེམས་མ་གནས་དམའ་རུ་ནུས་ལྡན་གཏོང་བའི་ཐབས་ཇུས་བཀོད་སྒྲིག་དོན་འཁྱོལ་གྱི་བྱེད་ཐབས་གལ་ཆེན་ཞིག་ཡིན་ལ། རྒྱལ་ཁབ་ཀྱི་ངོས་ནས་ཟོག་འགྲེམས་ཐད་སྤྱོད་པའི་ས་ཆ་དང་མཚོའི་གཙོ་རྒྱུ་འགན་ལེན་བྱེད་པའི་ཆེད་དོན་ཡིག་ཆ་ཐོག་མ་དེའང་རེད།
《བརྡ་ཐོའི》ནང་ཟོག་འགྲེམས་ཐད་སྤྱོད་པའི་ས་ཆ་དང་མཚོའི་གནད་དོན་གལ་ཆེན་དང་དཀའ་གནད་ལ་དམིགས་ཏེ“སྲིད་ཇུས་མདོ་གནད”30ལྷག་ཙམ་དང་འབྲེལ་བ་ཡོད་པ་དང་། ལྷག་པར་དུ་ད་ཡོད་ཀྱི་ཡིག་ཆའི་ནང་གཏན་འབེབས་ཁ་གསལ་མེད་པ་དང་འཕྲལ་དུ་ཐག་གཅོད་བྱེད་དགོས་པའི་གནད་དོན་ལ་དམིགས་ནས་དངོས་སྒྲུབ་གོ་ཆོད་ཀྱི་སྲིད་ཇུས་དང་བྱ་ཐབས་བཏོན་ཏེ་ཟོག་འགྲེམས་འཕེལ་རྒྱས་ཀྱི་བར་མཐོངས་རྒྱ་ཆེ་རུ་གཏོང་བ་དང་། རང་བྱུང་ཐོན་ཁུངས་ཀྱི་གཙོ་རྒྱུ་འགན་ལེན་བྱེད་ཤུགས་ཆེ་རུ་གཏོང་བ། ཟོག་འགྲེམས་ཐད་སྤྱོད་པའི་ས་ཆའི་སྤུས་ཕན་ལེགས་གཉེར་ལ་སྐུལ་འདེད་གཏོང་བ། གཙོ་རྒྱུའི་འདེགས་སྐྱོར་ཞབས་ཞུའི་ནུས་ཕྱོད་ཆེ་རུ་གཏོང་བ་བཅས་བྱས་ཡོད་པ་རེད།
རང་བྱུང་ཐོན་ཁུངས་པུའུ་རང་བྱུང་ཐོན་ཁུངས་གསར་སྤེལ་བེད་སྤྱོད་སིའི་འབྲེལ་ཡོད་འགན་འཁུར་བས་ངོ་སྤྲོད་བྱས་པར་གཞིགས་ན། 2014ལོ་ནས་2023ལོ་བར་རྒྱལ་ཡོངས་ཀྱི་ཟོག་འགྲེམས་མཛོད་འཇུག་ཐད་སྤྱོད་པའི་ས་ཆ་མཁོ་སྤྲོད་བྱེད་ཚད་བརྟན་པོ་འཕར་བ་དེ་དུས་མཚུངས་ཀྱི་བཟོ་ལས་ཐད་སྤྱོད་པའི་ས་ཆ་མཁོ་སྤྲོད་ཀྱི་འཕེལ་ཕྱོགས་དང་སྤྱིར་ན་གཅིག་མཚུངས་ཡིན་པ་རེད། འོན་ཀྱང་བརྟག་ཞིབ་དང་ཕྱོགས་ཁག་གི་ཚུར་སྣང་ལན་ཆ་ལས་ཤེས་རྟོགས་བྱུང་བར་གཞིགས་ན། ཟོག་འགྲེམས་ཐད་སྤྱོད་པའི་ས་ཆ་དང་མཚོ་འགན་ལེན་བྱེད་པར་སྔར་བཞིན་དོ་སྙོམས་མེད་པ་དང་། འཐུས་སྒོ་ཚང་པོ་མེད་པ། མཐུན་སྦྱོར་མེད་པ་སོགས་ཀྱི་གནད་དོན་ཡོད་པ་རེད།
ཀྲུང་གོ་ཟོག་འགྲེམས་དང་ཉོ་སྒྲུབ་མཉམ་འབྲེལ་ལྷན་ཚོགས་ཞིབ་འཇུག་ཁང་གི་ཀྲུའུ་རེན་དང་ཀྲུང་གོ་ཟོག་འགྲེམས་སློབ་ཚོགས་ཀྱི་དྲུང་ཆེ་གཞོན་པ་ཀྲོའུ་ཀྲེ་ཁྲེང་གིས་ངོ་སྤྲོད་བྱས་པར་གཞིགས་ན། ཟོག་འགྲེམས་ཐད་སྤྱོད་པའི་ས་ཆ་དང་མཚོའི་གཙོ་རྒྱུའི་མ་གནས་དང་བགོ་སྒྲིག་བྱེད་སྟངས་ཀྱིས་སྤྱི་ཚོགས་ཡོངས་ཀྱི་ཟོག་འགྲེམས་མ་གནས་ལ་ཤུགས་རྐྱེན་ཆེན་པོ་ཐེབས་ཀྱི་ཡོད་པ་དང་མཛོད་འཇུག་མ་གནས་ལ་ཐད་ཀར་ཤུགས་རྐྱེན་ཐེབས་ཀྱི་ཡོད་ལ། སྐྱེལ་འདྲེན་དང་སྡེབ་སྐྱེལ་མ་གནས་ལའང་ཞོར་རྐྱེན་ཐེབས་ཀྱི་ཡོད། ཉེ་བའི་ལོ་ཤས་རིང་རྒྱལ་ཁབ་ཀྱི་འབྲེལ་ཡོད་སྡེ་ཚན་གྱིས་རྒྱལ་ཁབ་ཀྱི་ཟོག་འགྲེམས་ལྟེ་གནས་སོགས་གཙོ་གནད་ཟོག་འགྲེམས་ཀྱི་རྨང་གཞིའི་སྒྲིག་བཀོད་འཛུགས་སྐྲུན་ལ་རྒྱབ་སྐྱོར་ཤུགས་ཆེན་བྱས་ཤིང་། མིག་སྔའི་བར་རྒྱལ་ཁབ་ཀྱི་ཟོག་འགྲེམས་ལྟེ་གནས་151དང་། དཔེ་སྟོན་ཟོག་འགྲེམས་གླིང་100 རྒྱལ་ཁབ་ཀྱི་རྐང་འཛིན་གྲང་ཕྲེང་ཟོག་འགྲེམས་རྟེན་གཞི་66བཅས་ཡོད་པ་རེད།